كفاله يتيم
ينتهي : 02-11-2015

العودة   منتديات لب قلبك > الأقـسام الأدبية > منتدى القصص والروايات > قسم الرويات

إضافة رد
 
أدوات الموضوع انواع عرض الموضوع
قديم 04-17-2012, 11:00 PM   #51



الصورة الرمزية ατσян|♣
ατσян|♣ غير متصل

بيانات اضافيه [ + ]
 رقم العضوية : 78
 تاريخ التسجيل :  Apr 2011
 أخر زيارة : 07-18-2014 (07:59 AM)
 المشاركات : 12,606 [ + ]
 التقييم :  758
 مزاجي
 MMS ~
MMS ~
لوني المفضل : Cadetblue
افتراضي رد: رواية خنقت الورد يايمه وبيدي إنكسر ذبلان كامله



بسم الله الرحمن الرحيم
الجزء الثلاثون
أنا شريط الفيلم الذي ينقطع في ذروة الحدث!
من لدن نعمتكِ يا أمّي تولد مخاوفي
لا بديل منكِ
وملعونةٌ هي الحياة التي أعطيتـنيها
محكومٌ عليها بالوحدة.
لكني لا أريد أن أكون وحيداً
جائعٌ الى الحبّ أنا
الى حبّ أجسادٍ من دون أرواح
وجوعي بلا حدود
أما الروح فهي فيكِ، الروح أنت
وحبّكِ عبوديتي!

..!..قدري وأعرفه زين ما انولد بعده اللي يعملني مكاني..!..

صرخت تاله بحماس أول ما دارت علبة المويه ورست قدامه والاتجاه الثاني يقابل لتين بترقب
بسام رفع حاجب منحوت عليه بالخط العريض الحمد لله والشكر
بلعت ريقي مره واثنين وثلاثة
رجع ظهره ع ورى وعيونه علي مباشرة
مو بس هو أزواج العيون كلها تتنقل بيني وبينه
رغم هذا ما أعدمت حرية الأنظار
العين يوم تتلاقى تنسى العالم بأسره كيف راح تذكر أشخاص؟!
وبنظرة تحدي
: متأكد إنك بتعفيني من هالسؤال؟؟
لفيت وجهي عنه بغيظ أخفيته وبسخرية يمكن ما عندك شي حاب تعرفه
بسام يوقف وهو يعطيهم ظهره كانت جلسة حلوه بس اعذروني ما عندي سؤال لها
تاله ترمي العلبة بقهر لييييه كذا وربي خاطري أدخل داخل دماغه مره وحده بس وأعرف بإيش يفكر
لين بهدوء لتين أدرى
بسام يعرف كل شي يمكن لتين هي اللي كانت بحاجة لهالسؤال
لتين ترفع راسها وبملامح جامدة لا أصلا أنا غسلت يديني منه بستنى يطلع أخوي عبد الله وبروح معه الخبر وماني راجعه لهنا لو مات
راكان بسم الله على أخوي
ناظرته بنظرة ضحك منها
قمت وأنا انفض ملابسي اليوم خالتي يلدا راجعة؟؟
لين اييه باقي على وصولها ساعة
تركتهم وطلعت جناحي بتفكير
دخلت ورقعت الباب وراي بعصبية انقهرت منه كل ما أحاول أقرب أفهم ولو بعض غموضه يصدني وأرجع من أول وجديد خايبة
مسحت وجهي قدام المرايا
وأنا أتأمل ملامحي بقهر
أحس إني مو أنا مو لتين الصامدة مو أنا اللي صبرت كل سنين العذاب عند عمي ما كان يهزني شي حتى بالجامعة كنت فارضه شخصيتي واحترامي ع الجميع
خاطري أبكي وأبكي وأظل أبكي لين أفهم كل شي حولي
كل شي يتعلق ببسام
زفرت بضيق وبنبرة عالية
: الله ياخذني وأفتك من هالعيشه
دخلت الحمام وأنا أبعد البكلة عن شعري
فتحت الدرج العلوي بشوف وش ناقصني عشان أروح اليوم الصيدلية مع تاله
وببال مشغول بعدت اللوشن والشامبو .. جل الأعشاب باقي فيه شوي
شفت شي لفت انتباهي
عقدت حواجبي وش جاب هالعصير هنا؟؟
أخذته وأنا مستغربة فتحت العلبة
هفت ريحته بوجهي.. بالقرب مني كانت سلة الغسيل مفتوحة وروبي الديشانبور مرمي بعشوائية فيها جزء منه خارجها
المنظر هذا واللي بيدي
رسم صورة مغبشة بدت توضح في بالي
تذكرت أمس صار شي !!
شربت من هالعصير وبعدها مدري وش صار؟؟
سحبت الروب وفردته قدامي
مسحته بنظرة
استغربت أثر محلول مكبوب عليه ونفس الريحة لافته
رميته بالسلة ورجعت العصير نفس مكانه وطلعت
هاجس بيذبحني
أعصابي تلفت هالريحه غريبة..
بس وش جابها هنا
صوت الدق ع الباب نبهني
: ادخل
فتحت الباب بأدب تونا أدخل؟؟عادي؟؟
قلت بشرود تعالي تلوو
سكرت الباب وراها وجلست قدامي ع الكنبة الوثيرة
: شفيك لتين؟؟
تنهدت وأنا أريح جسمي ع الكنبة
: تاله في شي غريب !
تاله وهي تطقطق أصابعها كوالي؟؟
" ماذا؟ "
قمت بهدوء ورجعت بيدي العلبة اللي شفتها بالدرج
: شوفي
صحيح إني أضعف قدام جبروت بسام
صحيح إني بغربة فاقدة الأخ والصديق
صحيح إنه لتين بشخصيتها القوية تنعدم قدام أخ هذي الإنسانة المرتبكة قدامي


أتنح قدامه ما أستوعب لكن يضعف ذكائي لأبسط الأشياء لا
حسيت من سكوتها واصفرار وجهها إنه في شي مو عادي
ابتسمت بمشاكسة هههه تونا ما لقيتي تحطي العصير إلا بالحمام
بحزم تاله بجد في سالفة صايرة أنا مدري عنها
أمس أنا شربت من هالعصير وبعدها مدري وش صار
بس الكلام إنه ريحته غريبة ومدري وش جابه هنا؟
تاله تبعد عيونها عني
: وأنا وش دراني يمكن بسام شرب منه ونساه هنا
رفعت حاجب
: أتمنى إني أقدر أصدقك
تاله بتوتر تفتح شعرها وترتبه وبشبه عصبيه لا تسأليني إسألي زوجك لا جا مو هو صاحب الشأن ما في غيركم بهالجناح واحد من الإثنين يا إنتي يا هو
وقفت قدامها
: تاله حطي عينك بعيني إذا كنتي صادقة
لا تجننيني كافي أخوك إلا بنجن بسببه
ناظرتني بحيرة
شجعتها بتعاطف يللا قولي تاله ما بيطلع له صدقيني
حكت حواجبها وهي تتأكد إنه الباب مسكر
آممم ما تقولين لبسام؟؟
هزيت راسي اييه لا تخافين
وبصوت منخفض ووجهها بدا يحمر من الخوف والربكة
: هذا فينتاجى ؟؟
عقدت حواجبي وشوو؟؟
تاله من بين أسنانها
: واين ويسكي خمر مسكر وش تبين بعد؟؟
رمشت بصدمة
واين!! أنا !!
مسكت راسها بصدمة
: أنا شربت واين!؟
بلعت ريقي بتوتر الله يلعن الشيطان أنا الحمـ## ليه قلت لها
قربت منها وأنا أحط يدي ع كتوفها وأضمها
: مو مشكلة لتين ما كنتي تدرين أول مره
كف تلقيته يوم رفعت راسها وشفت الدموع خط ينور وجهها
وبألم
: أنا شربت حرام يا تاله
حرااااام
مسحت ع ظهرها ودموعي خانتني حصل خير لتين
انفتح الباب
صوت الخطوات اللي دخلت خلت عقلي يوقف
شديت ع لتين كأني احتمي فيها وأنا أسمع صوته
: لتيـــن
يوم ما ردت عليه ارتفع صوت خطواته بقربه أكثر
كان صوته مرح يوم نادها أول مره لكن الحين وأعتقد إني لو لفيت راح ألاقي ردة فعل سيئة
ظليت ع نفس حالتي ولتين بعدها تبكي
المنظر اللي شافه كسر توقعاته وصدمة لكنه بكل اعتيادية سأل
: شجابك هنا تاله؟؟


..!..عطرك دفآني و خلآني | آتعلق فيك..!..
سدني // استراليا
بعد عناء يوم كانوا معلقين فيه بين السما والأرض
وراحة بعدها دامت بضع ساعات
كانت أول طلعة تجمع هالثنائي الغريب
من بكرة بيبدى عمل وافي اللي جا ع شانه
لفيت عليها تناديني؟؟
بعصبية مكبوتة اييه
ناظرتها آمري
: جوعانة
ضحكت بخفوت إن شاء الله
جمانة بعصبية ظهرت ع حقيقتها وش اللي يضحك صار لنا ساعتين نمشي الظاهر إنك ناوي تخسس
وافي بابتسامة والمناقشة عاجبته لا والله بس الجو حلو
وقرب منها أكثر و حوط خصرها وإلا؟؟
ارتبكت من ريحة عطره الفايحه قالت وهي تحاول تبعد
:ايـ..ـييه
ابتسم وافي بخبث يا حلوك وأنتي تبربرين
: قالوا لك داليا
رفع حاجب وش فيها داليا؟؟
تنهدت أبد ولا شي ملاك يمشي ع الأرض
أخفى ضحكته تراها أختي وما أرضى عليها
تخصرت بوسط الطريق وبقواية لااا وأنا مو مرتك ما شفتها يوم العرس شلون تسلم علي كأني ماخذة زوجها
سكوته
نظراته الكامنة بهدوء وسط عينه الواسعة
الهوا اللي لفحه وحمل لها بقايا رذاذ عطر سكن خيوط جاكيته
داعب أنفها وقبلها إحساسها
حسيت بخدودي تحرقني رغم إنها مجرد نظرات وآثار عطر!!
قال بابتسامة عجبني المصطلح [مرتك] !!
جمانة بحيا لا تضيع الموضوع
وافي وعجز معها جموون شرايك نتعشى دامك جوعانة ؟؟
: كانك يا زيد ما غزيت
ضحك وافي والله وقامت تعطينا حكم وأمثال سيدة جمانة
بغرور أجل وبعدين وش سيده آنسة لو سمحت
وافي لا والله مانتي بآنسة
جمانة بعناد آنسة
: سيدة
بإصرار أكثر آنسة
وهو يسحب يدها ويكملوا طريقهم سيدة خلاص راحت عليك آنسة
جمانة آنسة ولو يقوم جدي من قبره آنسة
تحت مظلة مطعم لمأكولات استراليا الكلاسيكية وقف ووقفها قدامه سيدة
أقولك ليش؟؟
جمانة تبوز وهي تتكتف قول
وافي بابتسامة واسعة لأنك متزوجة والمتزوجة ما ينقال عنها آنسة
ظلت مفهيه ثواني وفجأة قلب لونها بلون سكارفه الأحمر القاني
ضحك من قلب
: والله صرت أضحك كثير بسبتك جمانة
بابتسامة إحراج ترا كثرة الضحك تميت القلب
ابتسم وهو يدخلها معه
ما أقولك صايره تعطين حكم ومقولات
جمانة احمد ربك ماخذ وحده مثقفة
وافي بهدوء وهو يجلس قدامها الحمد لله
حطيت يدي ع خدي أتأمله رجع لهدوءه أحاول أخليه حركي شوي بس شكله ما في فايدة!!


..!..خذني لَـ دنيآ بعيييده مَـ بهآ ، غيرك م َ ودي آلنآس / بَـ شوفتكْ تششآركني ..!..
زايد نورها وكأنها تحتفل بوصول عشاقها الجدد
حتى شط البحر فيهم يهلي!!
كفهم متلاحمه ع المدرج
طلال ياخذ نفس
: يا محلا جو الخبر
ربى بابتسامة صدقت
لف عليها وبنظرة تتمنى حياة تجمعهم سوا ما تنتهي
: حياتي بنروح ع بيتنا على طول
ربى باستغراب ما بتزور أمك
وهم داخلين صالة القادمين بكره يكون أحسن كلهم مجتمعين
قربت منه وحشني بابا وخالتي ليلى ومجوود يا حياتي عليه
طلال بنظرة عرفنا ما يحتاج لستة الغزل هذي
ضحكت بحب تغاااار؟؟
طلال أكذب إن قلت لا
شد ع يدها وهو يجلسها ع الكرسي
: روبي بروح أسوي الأوراق وأرجع ارتاحي هنا
هزيت راسي اوكيه أنتظرك
عطاها ظهره رايح
لعبت بالدبلة بيدها
: حتى كلمة روبي منه حلت الدنيا بعيوني!!


..!.. يقول ( شكِيسبيرْ Shakespeare )
إذآ كُنتْ فيْ يومَاً مِنَ آلَأيّآمْ ( رَجُلَاً ) بـِ مَعنَى آلكَلمَة
فَـ لآ تسمح لِـ فتآهْ أنْ تبكي
و إذَآ كِنتْ تحبْ تلكَ آلفتَآهْ فَـ لَآ تدعهَآ ( تغيبْ عَنكْ )
و إذآ كنتْ تَعشَقهآ فَ لَآ تَسمَح لهَآ بِـ آلرحيلْ..!..
بكل هدوء في الدنيا يحمل بطياته عواصف وإعصارات
: روحي غرفتك
بعدت عنها ابغا أفهمه وش اللي صار حتى ما يفهم غلط
بسـ....
: قلت روحي غرفتك
قمت بضيق وما أنكر إني كنت خايفه منه لكن ما كنت أبغاه يفهم من عقله
أصلا هذا في شي يفهمه غلط كل الأشياء عارفها ع قولة لين
وقف قدامها بعد ما رمى الكاب ع الطاولة
ما لفت عليه ولا عبرته حتى
المصيبة اللي عرفتها أكبر منه وأهم
بكاها يقيده.. يوقف كل المشاريع والمخططات ويثنيه لها
دنق عليها وهي جالسه ع الكنبة وبهمس حنون
: ليش تبكين؟
مسحت دموعها وبحده حاولت تظهرها لكن بلا جدوى يرجع صوتها الناعم يطغى عليه ولهالصوت جوه ونكهته!!
: شلون تبيني ما أبكي؟
تلمس خدها الناعم بعيون شارده
: هذا ما هو بواين !!
حجر عينها ظل ثابت بعينه رموشها لحالها هي اللي بدت تتحرك بعشوائية أعدمت ثباته نزل يده وهو يوقف
: مثل ما سمعتي عشان كذا لا تبكين
وقفت بقربه والمشاعر باعدت بينهم
بعيون انطفى لهيبها
: أجل وش اللي أمس صار؟
لف عليها وبأمر قلت لك مو واين يعني خلاص إنتهى الموضوع
صرخت بوحهه بجنون كيف يعني؟؟ مو أنا اللي صاير الشي معاي ليه ما تبي تقولي ؟؟
وبصوت أعلى كرهتني عيشتي بتموت لو قلت وش اللي صار؟؟
رفع حاجب وهو يقربها له ومن بين أسنانه
: صوتك لا يعلى بوجودي تسمعين؟
تركها بقوة ما كانت متوقعتها
وهنها طيحها ع الأرض
علقت عينها ع الرخام بصدمة
نزل لها وهو يبعد شعرها الغجري بقلق
: تعورتي؟!
بعدته وبصراخ
: إنت صاير لا تحتمل طالت والله تمد يدك عليّ
وبانفعال
إحلم أطب هالغرفة دامك فيها
خرجت من الغرفة بسرعة ورقعت الباب وراها
ضغطت الأصنصير انتظره وأنا اتنفس بصعوبة وبسرعة
فتح الباب وناداني لتيـ..
طنشته أول ما فتح ركبت فيه وأنا أحاول أمسك أعصابي
شفت بوجهي عمي بدر وخالتي يلدا مع راكان
عمي هلا هلا والله وغلا باللي اشتقت لها حتى خالتها غارت
وضمني وهو يبوس راسي
ضحكت خالتي لتين تفداها عادي أما غيرها
قربت منه وبتحذير أذبحك
ضحك بحب هو وولده
ابتسمت ابتسامة صفرا وأنا انسحب منه ما توحشك العافية إن شاء الله
حتى أنا اشتقت لكم
راكان يناظرني من فوق لتحت وبهمس
: وينه بسام؟
خزيته بنظره وحنا طالعين ع الصالة الفوقية دوِّر عليه وتعال قولي
قرب مني وخلاني أنزل لمستواه وبشكل مفاجأ باس خدي يا حبي لك يا لا بيلا صدق ناويه اليوم تطلعينا
استحيت وأنا ابعد عنه ههه أنا
عمي بدر هو قال لي من يوم دخلت قلت إذا إنتي مو مشكلة أما إذا ناوي يطلع يلعب لحاله لا
جازت لي الفكرة خاصة إني حابه أبعد عن بسام بأي شكل
إلورا ما عندي مانع تاله بتجي معنا
خالتي يلدا وهي تضم لين اللي دخلت ما دري عنها يقولون قاعدة تتروش
بداخلي كنت أدري إنها راح تتروش ويمكن ما تطلع إلا بكره الصبح تهرب من بسام
لين وهي تحضن أبوها وحشتني داادو
وهو يبوسها بحنان متدفق من عيونه إختك ميرا تعبت علينا عشان كذا تأخرنا شوي
لفيت بسرعه صح وينها ميرا؟
خالتي يلدا بحزن يا عمري عليها نايمه تعبت هناك
وقفت بخوف بروح أشوفها


..!.. [ أماه ] مهما غبتِ سيظل مكانك في القلب شاغرا..!..

سلمت عليه بحرارة ولفت ع ربى حضنتها وبشوق
: وحشتيني يا عروس
ربى تبتسم وإنتي أكثر والله كيف بابا
ليلى بابتسامة وهي تفضلهم الحمدلله أكيد يستنى يشوفك هو بالمجلس مع الرجال بناديه لك
ربى وماجد بليييز
دخلت الصالة الكبيرة شفته مدنق ع أمه يبوس يدها ورجولها
حبست دمعة كانت تهددني
في مواقف لا يمكن لأي شخص يحل محل أصحابها الحقيقين
مثل هالوقت لو أبيع كل عمري وأكون لحظة وحده بحضن أمي كفايه علي
قنوعة أرمي الدنيا كلها بس تنعاد هاللحظة
حسيت بوحده تسحبني وتحضني بحنان
: شلونك يا بنتي
انتبهت ع ماما أم طلال
سلمت ع راسها وبتأثر الحمدلله ماما دام إني مع طلال يعني بخير
طلال ابتسم
ورمى لها بوسه
: آآآه يا يمه لو أدري إنه الزواج كذا كان خليتك تضربيني يوم قلت لا
أم إبراهيم لا والله العبره مو بالزواج العبره بهالدرة مرتك
ربى بحيا يسلموو ماما من ذوقك
الله يسلمك حبيبتي
ودخلت بموجة دعوات خرجني منها صوت سارا ولمى وباقي البنات
سلمت عليهم بشوق جد وحشوني
كنت بينهم أحس بالألفة لكن شي واحد ينقصني
راحة البال مدري ليه من رجعت هنا
رجع بالي ينشغل بلتين
لفيت ع خالتي ليلى
ربرب تعالي سلمي ع أبوك
نقزت لا إراديا أول ما سمعتها
وأول ما شفته ارتميت بحضنه ودموعي نزلت
بابا وهو يضحك ويمسح ع راسي بحب ولهفة
: ليكون طلال مزعلك ؟
مسحت دموعي وأنا أهز راسي لا بس اشتقت لكم
ضحك مره ثانية بحنان البيت ما يسوى من دونك يا بنتي
من وراه جاها صوته
: يا ليت لو طلال يسمح لك تنامين عندنا الليلة
صرخت وهي تترك أبوها
: مجــــــــــودي
حضنها بحب عيونه والله فقدت حنتك في البيت
طلال يتحمحم
: كاني سمعت طلب مرفوض ماجد
ماجد وهو يلف إخته بتملك أختنا قبل تصير مرتك وإلا يا بوي
أبو ماجد اللي سلم ع طلال قبل ابتسم
: هي بنتنا لكن بعدها حليلته وهو حر فيها
طلال يرفع حاجب بغرور سمعت تعلم من أبوك مشاء الله عليه حكمته توزن بلد
ابتسمت ربى ردينا للطير ياللي هالغرور افتقدته بهاواي
همس لها طلال
: بس مع ناس أما إنتي يا حياتي مو ناس إنتي أنا
رسمت له بعيونها حروف عشق منقوسة خطتها بحبر الولهة والود
ميلت راسها بابتسامة يوم تركها ماجد
: واضح إنكم منسجمين الله يتمم عليكم
أبو ماجد يبتسم بسعادة الله يسعدك يا طلال طول ماني شايف السعادة بعيون بنتي
ابتسم طلال وهو يبوس راسه
: سعادة بنتك من سعادتي يا عمي لا تشيل هم
وبعد ما راح ناظر ماجد
: وش منسجمين إنت الثاني ليكون ماسك علينا شي؟؟
ماجد حمر وجهه
: الله يقطع شرك!
ضربته ع صدره بحيا وبنظرة دلع دخلت البيت متعثره بحياها..!
ضحك من قلب أختك حيويه بزيادة والظاهر وارثته منك
ماجد بنغزة الحمد لله حيا ولا وجه مغسول بمرق
طلال بثقة كأنها دقة بس أنا دام إني معرس بتغاظى وبسوي نفسي ما سمعت
ماجد يضحك لا اسمع لعله يأثر فيك
وراح وخلاه
طلال يناظره وهو عاطيه ظهره بابتسامة
: فديت الساعة اللي تزوج أبوك فيها أختي...!


بنعومة بعدت شعرها خلاص وديم بكره تشوفينها
وديم بعصبية لا مو بكره بنت خالتي ومن حقها يجيبها اليوم
بدور بتفهم وديم لو بكره تزوجتي بتستوعبين أكثر هو رايح عند أهله تقول له وديني لخالتي خاصة إنه أهلها هناك بعد
صرخت بعصبية آآآخ أكرهه يا عالم ودي لو أذبحه
ضحكت بدور حرام عليك والله حبوب
وديم أي حبوب إلا مليغ وثقيل طينة بعد
لفت عنها بتنهيدة صدعتي لي راسي من حنتك بدق ع عادل يجي ياخذني
سحبت الجوال من يدها إنتي الثانية لا تجننيني كافي سامر رايح لفيصل وأنا منطقه هنا
بدور طيب ماما متى راجعة
: عرس أكيد قريب الفجر
وبفكرة خطرت ببالها شرايك أستأذن عادل وأروح أنا وياك نتعشى بالظهران مره وحده بمر ع كلير دو لون بشتري أشياء لغرفتي النوم
عاد هنا حدث ولا حرج كل ما انذكر السوق لازم يخاويه اسم وديم
ابتسمت ابتسامة واسعة ونعم الأخت والله دقي عليه بسرعة وإذا ما وافق عطيني ياه صرخة وحده تفهمه
ضحكت بدور وهي تاخذ جوالها لا دخيلك ماني عايفه زوجي
وديم بحماس يا حبي لك يا بدور أعشق السوق أهم شي فيه أكل
ناظرتها بطرف عينها بازدراء
وديم بانحراج يتلاشى شفييه؟؟ حرام وإلا عيب
: لا والله انعدام انوثة
تكفييين عاد بسرعة خلصينا
وأول ما جاوبها الخط الثاني تركت طفاقة أختها وقامت
تحاكي حبها بأرق مشاعر وألطف أحاسيس
ترغمه بإحساسها يعطيها رضاها ولو كان فيه ذرة رفض
بإسلوبها ونعومتها تسلبه لصفها..!
هذي هي الأنثى لا نوت ع رجل جابته ولو كان بسابع أرضين..!
*




[ ..!.. فِي هآ[ الزِمَن] ما تمنيت إلا إنيّ مثل ها [الطيُور المهاجرة..!..

[عزيزى الزائر لايمكنك مشاهده الروابط الا بعد التسجيلللتسجيل اضغط هنا]

تأملت مناظر البلد العامره من نافذة الغرفة الصغيرة المطلة ع المباني الشاهقة
وتحت النافذة على طول أرصفة متراصة لدكاكين باعة يترزقون بهالقارة الصغيرة
رفعت عيني ع سرب من الطيور يقترب ويحط ع الرصيف يشرب بقايا المويه المتناثرة فيه
ابتسمت بحزن وتمنيت أكون مثلهم أقدر أطير وأروح لأهلي فقدتهم وأنا ما صار لي يومين شلون بتعدي هالشهور
اقترب طير من بيتي وبدا ينقر ع النافذة
ابتسمت بوداعة وأنا أهمس
: يا حلــوه
قرب منها وهو يفصخ قميص العمل
: حياتي شتسوين هنا؟؟
جمانة تلف عليه وتروح تسحبه من يده
شوف حبيبي العصفور يجنن كانوا سرب وهذا شكله ملقوف قرب لحاله
ابتسم وهو يتأمله تدرين هذا اسمه طير الدرة الأسترالي من أنواع الببغاءات وهو من الطيور المهاجرة كثيرة الترحال
كانت تسمع بصمت مستمتعه بثقافته لكن إحدى نصائح وديم الخارقة وهي
: شوفي نفسك عليه ولا توريه إنك منجنه عليه وعلى معلوماته
بكذا حبت تطبقها
يوم شافها سرحانه
قرب من إذنها ونزل لمستواها لأنها ولا شي جنب طوله الفارع وبخبث
: تدرين إنه هالطير اسمه العاشق والمعشوق
بعدت بحيا كذااااب
وافي بصدمة وشوو؟؟
آآآه يللا عاااد فلها ما فيها شي حنا أزواج ما قلتها لأبوي أنا
تجاهل الموضوع ويسمونها بعد طيور الحب
جمانة بحالميه يااااااااي وليه إن شاء الله على أي أساس سموهم كذا
وافي بتلقائية يمكن لأنه عملية التكاثر عندهم سهله
جمانة بإحراج لاااااااا يا شيييخ قول والله
ضحك وافي ما أحلف بس بجد سهله عندهم العملية ما فيها مصاعب وغمز لها
بضحكة
جمانة تفرك يدينها بحيا وفجأة ناظرت الشباك لاااا خسارة طاروا
رفع راسه وافي وهو يفتح الشباك يتابع بنظره السرب
: سبحان الله
(( سرب الطيور دايما يطير ع شكل 7 بالعربي يمكن البعض يظن إنه مجرد شكل..
لكن سبحان الله أثبت العلم أن الطير عندما يرفرف بجناحاته يعطي دافع للطير الذي يليه مباشرة أن يرتفع للأعلى وعندما يكون سرب يقطع 71% مسافة أكبر من المسافة التي يقطعها الطير لو طار وحيدا))
جمانة تجلس ع الكنبة وافي أنا جوعانة حدي
وافي ابتسم آوكييه يا عروس بطلب لنا غدا
جمانة لااا بطلع
وهو يدخل الغرفة ويناديها
ما فيني ع الطلعة الحين تعالي كبسيني
جمانة فتحت فمها بعدم استيعاب وشوو؟؟
مد راسه من الغرفة جموون
ناظرته نعم؟؟
تعالي كبسيني متكسر رحت العمل مشي اليوم
جمانة تحوس بوزها وهي تروح له وافييي وش كبسيني تراني عروس
ضحك وافي بمزح وإذا يعني العروس لها أعمال خاصة
جمانة من بين أسنانها لااااا وااافييي حبيبي الله يخليك ابييي أطلع
مسك راسه حبيبي وتبين تطلعين؟!!
سحبته بدلع الله يخليييك
قام معها انزين البسي
نقزت عليه وهي تبوس خده يا حياااااااتي دقايـ..
مسكها بقوة أي دقايق بعد كل هذا ....!


..!.. الَى مَتَى يَاجُرْح قَلَّبَي بِتَوَجَّع..!..
همست بصوت خافت سكوزا راكان خليها يوم ثاني ما أقدر أطلع بجلس مع ميرا قلبي تعبانة
راكان بطفش لااا عاد لتين نايمه مو داريه عنك
لتين بحزم لا حرام بظل عندها
خزها قولي إنك ما تبين تروحين من غير بسام
شلت المخده اللي جنبي ورميتها عليه سخييف
هههههههه يا حبيبي هذا الكبرياء وما يفعل
مسحت ع جبينها المعرق وهي نايمه بسلام
شرايك توريني مقفاك؟؟
: ما بيذكرك ببسام صدقيني
ابتسمت ع مشاكسته لي مو ع الطاري اللي ذكره أبد
فعلا ماني حابه أشوف بسام !!
لو شفته بطلع كل حرتي فيه هالمره
زفر الظاهر ما في فايدة منك لا إنتي ولا زوجك الغول بروح للين فديتها
تركني وطلع
الغول!!
ضحكت بخفوت وأنا أقبل يدين ميرا بعطف حرااام عليك
صحيح الجرح منه جرحين لكن الحنان منبعه بين يدينه..!


غرفة مظلمة
نافذة مظللة بالأسود القاتم كسر بطرفها يدخل الشمس كل صباح
ويصاحب دخول شمس ربي
زيارة أنواع الحشرات والطيور الصغيرة تتخبط بالظلمة وتفر هاربه
تاركه هالسجينة الظالمة والمظلومة
بحالها
تقاسي العيش تحت كنف صاحب سلطة مريض في ذاته
رغم كل ما تمر فيه تعد الليالي حتى تلاقي مخرج يخرجها وترجع تنتقم من زوجها وبنت أخوه
فتحت الخادمة الباب
غطت عيونها بيدينها بألم اجتاح عينها الغايرة
الخادمة بقسوة
: هذا أكلك !
ورمت لها بقايا غداها وفتات خبز جف لطول عمره
ازدرتها بنظرة حقد
تفلت ع الباب أول ما تسكر
تشووف يا ولد الوزير دواك يصير فيك مثل ما سويت بالملعونة نجد وبنتها
أنا سهى أنام بهالمكان وآكل هالقرف
وبجوع قطع أحشائها وأنزفها
سحبت الصينية المعدنية وانكبت ع البقايا تلتهمها !!


دخلت الغرفة بعد ما دقت الباب وهي شايلتها بعطف وأمومة مبكرة
وبود
: تلو ممكن أنام جنبك أنا وميرا
تاله وهي تنشف شعرها وتمشطه خافت
: ادخلي بسرعه وقفلي الباب
دخلت باستغراب شفيك؟؟
تركت الفرشه وهي تبوز أخاف بسام يجي يذبحني بعدين لحظة تعالي إنتي ليش جايه تنامين هنا؟؟
برمت شفتي تضاربت أنا وبسام
فتحت عيونها بصدمة وصلت لهالدرجة؟!
غريبة ما منعك ؟؟
لتين وهي تسدح ميرا برقة وتنسدح جنبها بالروب الليموني
هو ما تكلم وأنا ما راح أعطيه وجه عشان يتأدب
تاله بعدم فهم إلورا والست هذي اللي معك وش جابها بعد
ضمتها لتين وهي تبوسها
حياتي تعبانة ولازم تنام جنبي أخاف لو نمت عندها يشوفني بسام بس هنا أمان
تاله آهاا
جلست ع السرير وهي تدهن جسمها بكريم زبدة الفراولة الطبيعي
شرايك تفصخين ملابسك بعد؟؟ ترا مستعده أحلف إني أخت بسام مو هو
ليتن ناظرت روبها بإحراج
روب نوم طويل بلون الليمون من فوق بروتيل وينزل ع الجسم بنعومة
طويل ومن الجنبين مفتوح من نص الفخذ
أعلى الصدر يحفه الدانتيل الأبيض بإثارة
: يللا عاد أرسلت جوليتا تجيب لي لبس نوم شكله عاجبها جابته ما قدرت أرجعها كان بسام جالس مع أبوك وأمك بصالة الجناح
تاله بابتسامة أشك بعقل أخوي أيام معقولة رجال عنده هالبنت ويتركها
قلت بجرح تاله الظاهر إنه اللي في بال بسام أكبر من كذا
غمضت عيوني وأنا أتظاهر اللا مبالاة لا تشغلي بالك بأشياء تغم القلب
وتثاوبت بنعس تصبحين على خير
سكرت النور وهي تنسدح جنبي وتبوس ميرا بقوة
: وإنتي من أهله
غطيتها زين وبإنزعاج لا تصحيها تلوو
ابتسمت نامي إنتي وعيونك المغمضة
ضحكت بخفوت وأنا أروح بنومه مريحه تنتشلني من هالعالم وجوره..ّ


سارا بحماس ربى كيف هاواي حلوه
ابتسمت بحب دام إني مع خالك أكيد بتكون حلوه
سارا بود عسى الفرحة دايم بينكم يا رب
: آميين
لمى بنظرة شوفي جدتي متحمسه
ناظرتها وهي تقرب لمار منها هلا بالعروس والله هلا
طلال فتح عيونه شف!! أنا معرس أكثر منها وما هليتي فيني بهالطريقة
ضحكوا عليه
أم إبراهيم وهي تضم لمار بقوة وبحب هذي نظر عيني زوجة الغالي بعدين إنت تعرف غلاتك لا تقعد تتدلع عليّ روح لزوجتك
ناظر ربى وكأنه يقول أنا مظلوم
ابتسمت ربى بصفاء تعال حبيبي
سارا بصدمة وشوو؟؟
ربى ضحكت أمزح
أما طلال ما صدق وقف يللا يمه إن شاء الله نجيك مره ثانية
: اجلس يا ولدي ما بعد أكحل عيوني بشوفتك
باس راسها يمه بعد بكره بيبدا عملي خلني أنبسط مع روبي كم يوم
: انزين توكل
أفا زعلت الغالية
ابتسمت له أزعل وأنا أشوفك مبسوط ومعك اللي تحبها بعد
طلال يتنفس بانتعاش فديييييييتك والله
قرب من ربى ومد لها يده يللا قلبو
قامت ربى برقة سلمت ع الجالسين وباست راس أم زوجها
: تصبحون على خير
يارا بضحكة ليلة سعيدة
ربى ابتسمت بحيا وهي متعلقة بطلال
أشرت لها يا ويلك
ضحكت يارا الله معكم
طلال بنظرة عابرة ع الكل تصدقون افتقدت جمانة بينكم
لمى بحسرة اييه والله لها حس ثاني بالجلسة
عدلت جلستها سارا شرايكم نكلمها بالكام؟؟
التفوا حولها لعل روح جمانة المرحه تحلق بيناتهم لحظات..!


..!.. عَسَىَ اللي غفُى وهُو خآيف مِنْ بكره ومكّسوُر له حلم
يصحىّ على فرحـهـ ْتجدْدْ لـهـ حَيآتّـﮧّ..!..
انفتح الباب بمرونة
رفعت راسي من غير شي مو جاييني نوم
أول ما شفت خياله رجعت راسي بسرعه يعني إني نايمه
: تالـــــــــه
نبرة صوته قومتني شكله رايق
جلست ع السرير وبهمس نعم؟؟
أشر لي بيده قومي نامي عند لين
عقدت حواجبي بحذر ليه؟؟
: من غير ليه
فجأة استوعبت كنت برفض عشان لتين لو ماني مسوده وجهي اليوم معه وخايفه
منه كنت ما سمحت له بأي طريقة
ما حلت لهم إلا غرفتي!!
لبست شبشبي الصوفي وأنا أناظره من طرف عيني
ولابس بجامته بعد يعني بينام هنا!!
سكرت الباب وراي بخفة وأنا أدعي بداخلي الله يستر وش بتسوي لتين
انسدح بقربها ميرا بينهم
حتى ما يتعب نفسه أكثر وحتى يثبت لها وجوده بحياتها
عطاها ظهره مرغم يحاول يدخل بعالم الأموات..!


ابتسم بندر وش هذا؟؟
قرب منه بندر وهو يترك اللاب وشفيك؟؟
عبدالله بخبث مدري مين هذي؟؟
سحب الصورة من يده ويوم شافها حطها مقلوبة جنبه ورجع للاب
: هذي أمي
عبد الله وهو متخصر بصدمة احلف!!
بندر وهو يضيع الموضوع ما يبيه يدقق فيها لأنه عرف إنه أخته فيها كثير منها
: والله تعال شوف
جلس بقربه عبد الله وهو مستغرب اهتمامه
بندر يلف الشاشة له شوف!!
: وش هذا عادي برج ايفل
بندر دقق بالصورة يمكن تنتبه ع شي
عبدالله يحاول يركز
: ما في شي
أشر له بقرب البرج شوف مين هذا باعتقادك؟؟
عبدالله وهو ينسدح بقربه عارف سخافتك الحين تقولي واحد من الناس
بندر يضحك هو فعلا واحد من الناس لكن مو أي أحد
غمض عيونه إذا جهز الغدا قومني
بندر يدفه قم قامت قيامة عدوك
رفع يده ومن قلب آمييييييين
بندر باستهبال فتح عيونه عندك أعداء؟؟ أشك صراحة..
غمض عيونه مره ثانية
: هو عدو واحد لو شفته في يوم راح أنهي حياته
بندر بفضول ميين؟؟
زفر بسام!! اللي حكيت لك عنه
بلع ريقه ياخي صفي نيتك ما تدري يمكن يكون مات
عبدالله لا ما أبيه يموت أبي بيديني اذبحه أختي بنفسها تاخذ حقها منه
بندر وفي داخله حزن ع صاحبه اوكيه ما قلت لي مين؟؟
عبد الله بعصبيه خلاص عاد زودتها تراك
ضحك بندر من قلب والله شخص مهم في حياتك
قام فجأة وسحب اللاب منه وهو يركز في الصورة
حطه عليه بدفاشة يا حمـ###
ضحك بندر لين عيونه دمعت عجبك
عبد الله بابتسامة تفكير بس وش وداه هناك
بندر يمسح وجهه خادمي تعرف ما كنت أروح إلا وهو معي
يوم دخل غاسبي الخادم الخاص لبندر ينادينا للغدا
دققت فيه ورجعت أناظر الصورة اللي وراني هي بندر
صدق ما عندك سالفة
بندر وهو يضحك ويقومني
: حاسده على هالصورة
ابتسمت لا والله رجيتني شوف وانسان يهمك وآخر شي طلع غاسبي صدق ما عندك سالفة
بندر وهو يجلس ع طاولة الطعام أفكر ناخذ رحلة أنا وإياك لـ إيطاليا هالأسبوع
عبدالله وهو ياكل وبغصة ليش أنا لي خاطر أتمشى بعد
بندر حط الشوكة قدام وجهه لك وإلا مالك بتخاويني غصب
عبدالله يبعد يده بابتسامة نزل الشوكة ملعون اللي يرفع حديده بوجه أخيه المسلم
بندر أدري بس إنت مو أخي المسلم
عبدالله وعارفه يستهبل إييه نسيت إني نصراني
هههههههه أعوذ بالله تخسى والله ما بقى إلا هي كان لقيت نفسك في الشارع
ابتسم له بود وبداخله يرجي ربه
ربي قدرني وأرد له جميله!!



..!..{ أحبك . . كثر ما قالوا بهالحزه صباح الخير . ،..!..
بعدت شعري بضيق ونور الشمس قومني
تثاوبت وأنا أتفقد ميرا اللي نايمه جنبي
شهقت وأنا أشوفه نايم بسلام!!
حطيت يدي ع فمي أول ما فتح عيونه وبكل براءة في الدنيا
: صباح الورد
زميت شفاتي وأنا أتذكر اللي أمس صار بكل عين جاي ينام هنا بعد
وبنترة الحين أنا هاربه منك تجي لحدي لييه ؟؟ ممكن أفهم
تأمل عيوني ونزل لباقي الصورة
البطانية بعالم وأنا بعالم آخر
شديت ع أسناني واثق من نفسك ترا لو كنت صاحيه كان صار حكي ثاني
ابتسم بهدوء وبنعس صادقه كان صار حكي ثاني زين إنك كنتي نايمه
وبنظرة أشر ع روبي
: Guarda emozionante!
ماني جيدة لدرجة التوب بالإيطاليه فما فهمت بالضبط عليه كل اللي عرفته إنه شي وقح اللي قاله
من نظرته وابتسامته الملتويه
زفرت وأنا أقوم وأترك له السرير باللي فيه
وهي تمشي منفعلة روبها الحرير كان يلتف حولها ويتحرك بهالة أنوثية طاغية
تركته لحاله
يبتسم بألم يصاحب غموض حياته خاصة هالفترة..!


دخلت ع غرفة لين تلووو
لين بابتسامة صباح الخير تلو نايمه ما بعد تقوم
استغربت نايمه لهالوقت صباح النور
وقفت عند التسريحه وبتوتر لين..
لين وهي بين أوراقها تكتب بحث مطول رفعت عينها لها آمري
أبي أفهم معنى بعض الكلمات
لين بترحيب تركت الأوراق وقامت جلست قدامها ع الكنبة إلورا اجلسي
لتين برفض لا بس بسألك وبروح أسأل خالتي إذا تبي شي عشان أتجهز للحفلة
لين هزت راسها اييه
لتين جملتين الأولى ورفعت أصبعها السبابة وباليد الثانية مسكته
: قوارتى موتسونانتى
لين ابتسمت وبإحراج بسام قالك هالعبارة؟؟
لتين بحذر اييه
ضحكت يعني
تبدين مثيرة أو أنيقة شي كذا
حمرت خدودها لتين وهي تعيد الموقف ببالها ضمت يدها لصدرها وبصوت مبحوح
طيب الثانية
: تشوري دي ستا سيتا!!
هالعبارة ولعت نور أخضر بعقلي تذكرت كويس إنه المشكلة الكبيرة اللي صارت بسبب إنه رويد قالها للتين وبلطف
سكوزا لتين لا تحطي ببالك أشياء توقف حاجز بعلاقتك مع بسام حاولي تغيري لا ترجعي للماضي ولو وش وما كان
عدلت وقفتي بحسرة هو أخوك خلى فيها تغيير يا لين؟؟!
همست لي ع فكرة عرفت سالفة العصير
فتحت عيونها تاله وهي ترفع راسها عن المخدة لتين إنتي وست لين اتركوكم من هالموضوع قولوا لي وش ألبس اليوم
لين بنظرة إنتي من أول صاحية؟؟
هزت راسها بمشاكسة اييه وبحالميه يا حلو بسام أجل قوارتى موتسونانتى
وغمزت لها
نزلت عيوني بخجل حاولت أشتته مو منهم بقدر ماني متخيله نفسي قدام بسام يوم قالها
لين بنظرة وضحكة مخفية هو بصراحة من حقه أخوي يقول اللي يقوله دامك بهاللبس
عطيتهم ظهري اعتقوني لوجه الله ألاقيها منكم وإلا من أخوكم
طلعت تاركتهم وضحكاتهم ترن بإذني
اتجهت لغرفتي أبدل وأنزل أطلب رضا أمي إللي ما جابتني
ع طاري الأم أكيد اليوم ماما جايه
تنهدت بحيرة وبلا شعور
: يا رب تجي..!


كنت بسريري هلكانة مالي خلق أتحرك
مد راسه من الباب وهو يعدل كبكاته
: حبي اليوم بنتغدا برا لا تسوين غدا
راسها منحني بنعومة ع المخدة وبرقة تسلم حياتي الله معك
دخل الحمام يغسل يدينه بعد فطور خفيف من تحت يدين حبيبته
علقت عيونه ع المرايا
بخط الروج الوردي صبحته
: صباحك سكر حبيبي
ابتسم بحب كل لحظة وكل دقيقة تمر في حياته يزيد عشق وهيام لهالإنسانة
قرب منها شافها استسلمت للنوم
بعذرها ما نامت مبكر البارح
طبع قبلة ع جبينها وبخفة مسح ع خدها
: عساني أفقد الدنيا إذا في يوم فارقتك..!


حطت راسها ع كتفه
: ماجد
حوط خصرها بيده
:آمري حبيبتي
وديم بضيق مخنوقة
ماجد وبدا يفهم القصة وهو يسايرها
بسم الله عليك من وش اللي خانقك؟
بوزت الدراسة والتعب والدوامات والجلسة في البيت تعرف كلها تأثر على نفسيتي
أخفى ابتسامته سلامتك حياتي إقرأي قرآن وصلي ركعتين كل ما ضقتي
وديم ومو هذا إللي تبي توصل له
: أكيد حبيبي بس بعد أحس بزهق
ماجد هالمرة ابتسم
: سوي أي شي مفيد يروح الزهق
عدلت جلستها وبحزم
: باختصار أبي أطلع أتمشى مشيني
وبميلة قعدت تغني مشيني يا مجوود مشيني وعلى الكورنيش وديني
ثواني بلم بوجهها وبعدها ضحك
أدري بك من أول قولي أبي أطلع وخلصيني
دخل سامر بعد ما دق الباب هلا والله بالنسيب أخبارك
ماجد يسلم عليه الحمد لله إنت شلون العمل وياك
سامر يجلس كله تمام
ناظر أخته شالسالفة ودوووم
وديم باعتيادية ولا شي بس ماجد يبي يخرجني
ماجد لف وجهه بابتسامة سبحان من قال إن كيدهن عظيم
سامر بتشفي هذا اللي جاي عشانه أبوي يقول لك تجهزي الليلة بياخذك لبدور معه
فتحت عيونها بدور؟؟ ليه وش فيها
سامر بإحراج ولا شي تدرين دلع بنات
وديم اوكيه وين مامي
: عند بدور
ماجد وقف أجل أنا أستأذن مره ثانية أطلعك حياتي
وديم تعلقت فيه وبهمس ما يهون علي أتركك تروح لحالك خلاص إنت توصلني لها
باسها اوكيه أنتظرك حبيبتي
لف ع سامر كان خرج
خرجت وراه شفته واقف بالصالة ومعاه جواله
: سامر وش فيها بدور
سامر يضحك بخفة قالك اكتشفت إنها حامل وخايفه
صرخت بحماس وهي تنقز قول والله بصير خالة وديييم
: الحمد لله والشكر اعقلي يا بنت
ناظرته فجأة باستغراب اوكيه من وشو خايفه؟؟
وهو طالع الدرج اسأليها مدري عنكم إنتوا البنات عقد إذا ما حملت خافت وإذا حملت بعد خافت ما عرفنا لكم
حمر وجهها وبإحراج تخفيه
أحسن منكم ع الأقل وعشان ما أصدع راسي رحت ألبس هو خلقة مو سامعني..


..!.. أنـآ~ جنـوني مـآ يبيلـهـ برآهين !
لڪن على قلبڪ آبد مآ آڪـآبر ..!..
قطعة من الترتر والشيفون النادرة تغلف جسدها بمظهره الدافي
بإكمام طويلة ورقبة هاي نيك
وينتهي لنص الفخذ
بمنتصف النحر من الطول والعرض فتحه نصف شبر تتربع بوسط نحرها الصافي
بووت من جلد أفعى المامبا يزين ساقها الملفوف بتناسق أضاف لوقفتها مزيد من الجاذبية
ابتسمت لأمي برهبة
ردت لي ابتسامة وديعة خالية من المشاعر وكأن الفجوة كل مالها تتوسع بيننا
لفت وجهها عني
في شي مكدرها مدري تخمين وإلا هو فعلا حدسي صحيح
حسيت بيد ع رجولي
سحبتها بلا إرادة مو متعودة أحد يمسكني
ابتسمت له هذا خالي مؤيد
كومي ستاي لتين؟؟
ضحكت بود ستو بيني خالو
همس لي وهو يربت ع كتفي
: مشاء الله عليك يا لتين الله عطاك جمال نادر حرام تظهريه لكل هالبشر
وباببتسامة حنونه ملابسك تفضح جمال ما يصير يشوفه إلا زوجك!!
ابتسمت بإحراج وحيا منه بعدت شعري المنسدل ع ورى
جزاك الله خير
عبارة يقولها كل من جته النصيحة لكن الحكي هل بعد هالعبارة راح يتغير للأسوء أو الأحسن؟!
ظروف بطلتنا حكمت وجارت بالحكم عليها
وقفت وبثقة أسندت ظهري طالعه
شفت بطريقي جيهان
ابتسمت لي بدلع
: طالعه تجنني توتاا
قلت بجفا وأنا أتعدها
: تسلمين
بعد خطوات داخل شفت بقية العيلة مجتمعين من الجهة الثانية للحديقة
ابتسمت بحب لخالي إياد وهو شايل ولده سلطان
يا حبي للبيبيات أعشقهم!!
ع طاري البيبي بروح أشوف ميرا
وقبل لا أطلع سمعت خالتي تناديني من برا
خرجت من الباب الخارجي
سكرت الباب وأنا أناظر الساعة كانت 1:30 الليل زين إنه بكره الأحد إجازة
رفعت راسي يوم حسيت بأنفاس شخص قريب مني لدرجة إني لصقت بالجدار
علقت عيوني بصدمة
ما قدرت أتكلم ولا أهمس بحرف
لأنه يده كانت متجاهلتني وراصة ع الباب
وبصوت جذاب أربكني
علق وردة الكاميليا الحمرا بنحري وهمس
: مره ثانية تشوري دي ستا سيتا
هزيت راسي برعب وأنا رافضة اللي قاعد يصير لكن شوفة بسام وراه ألجمتني...
*
*
*
لطقس إيطاليا [ يعافني السياح في يناير فهو شهر المدفآت ]
نهاية الجزء الثلاثون


 

رد مع اقتباس
قديم 04-17-2012, 11:01 PM   #52



الصورة الرمزية ατσян|♣
ατσян|♣ غير متصل

بيانات اضافيه [ + ]
 رقم العضوية : 78
 تاريخ التسجيل :  Apr 2011
 أخر زيارة : 07-18-2014 (07:59 AM)
 المشاركات : 12,606 [ + ]
 التقييم :  758
 مزاجي
 MMS ~
MMS ~
لوني المفضل : Cadetblue
افتراضي رد: رواية خنقت الورد يايمه وبيدي إنكسر ذبلان كامله



مشاء الله تبارك الله لا حول ولا قوة إلا بالله ولا تضره
بسم الله الرحمن الرحيم
الجزء الواحد والثلاثون

قد يحل الشتاء والخريف في آن واحدة ولربما انضم الربيع إليهما
الْحُب يَاسَيِّدِي شَيْء لَا يعِيْه أَمْثَالِك مِمَّن يَشْتَهُوْن لَمَس الأَيَادِي وَنَظَرَات الْعُيُوْن

..!.. أنـآ~ جنـوني مـآ يبيلـهـ برآهين !
لـ ڪن على قلبڪ آبد مآ آڪـآبر ..!..
قطعة من الترتر والشيفون النادرة تغلف جسدها بمظهره الدافي
بأكمام طويلة ورقبة هاي نيك
وينتهي لنص الفخذ
بمنتصف النحر من الطول والعرض فتحه نصف شبر تتربع بوسط نحرها الصافي
بووت من جلد أفعى المامبا يزين ساقها الملفوف بتناسق أضاف لوقفتها مزيد من الجاذبية
ابتسمت لأمي برهبة
ردت لي ابتسامة وديعة خالية من المشاعر وكأن الفجوة كل مالها تتوسع بيننا
لفت وجهها عني
في شي مكدرها مدري تخمين وإلا هو فعلا حدسي صحيح
حسيت بيد ع رجولي
سحبتها بلا إرادة مو متعودة أحد يمسكني
ابتسمت له هذا خالي مؤيد
كومي ستاي لتين؟؟
ضحكت بود ستو بيني خالو
همس لي وهو يربت ع كتفي
: مشاء الله عليك يا لتين الله عطاك جمال نادر حرام تظهريه لكل هالبشر
وباببتسامة حنونه ملابسك تفضح جمال ما يصير يشوفه إلا زوجك!!
ابتسمت بإحراج وحيا منه بعدت شعري المنسدل ع ورى
جزاك الله خير
عبارة يقولها كل من جته النصيحة لكن الحكي هل بعد هالعبارة راح يتغير للأسوء أو الأحسن؟!
ظروف بطلتنا حكمت وجارت بالحكم عليها
وقفت وبثقة أسندت ظهري طالعه
شفت بطريقي جيهان
ابتسمت لي بدلع
: طالعه تجنني توتاا
قلت بجفا وأنا أتعدها
: تسلمين
بعد خطوات داخل شفت بقية العيلة مجتمعين من الجهة الثانية للحديقة
ابتسمت بحب لخالي إياد وهو شايل ولده سلطان
يا حبي للبيبيات أعشقهم!!
ع طاري البيبي بروح أشوف ميرا
وقبل لا أطلع سمعت خالتي تناديني من برا
خرجت من الباب الخارجي

سكرت الباب وأنا أناظر الساعة كانت 1:30 الليل زين إنه بكره الأحد إجازة
رفعت راسي يوم حسيت بأنفاس شخص قريب مني لدرجة إني لصقت بالجدار
علقت عيوني بصدمة
ما قدرت أتكلم ولا أهمس بحرف
لأنه يده كانت متجاهلتني وراصة ع الباب
وبصوت جذاب أربكني
علق وردة الكاميليا الحمرا بنحري وهمس
: مره ثانية تشوري دي ستا سيتا
هزيت راسي برعب وأنا رافضة اللي قاعد يصير لكن شوفة بسام وراه ألجمتني
تمادى أكثر..
يدي قبل لا تصده شفته مرمي في الأرض
بسام وهو يسحب الوردة من نحري بقسوة ويرميها عليه
: حقيـــــــــر!!
فتحت الباب اللي وراي وطلعت آجري
دموعي تتناثر حولي بألم
لهالدرجة واطية بعينه حتى يقرب مني وأنا متزوجة!!
ناظرتني أمي بدهشة
لتين شصاير مين هذا اللي يصارخ؟؟
تجاهلتها وأنا أصعد غرفتي صوت بسام يجتاحني ويهز أعماقي بعنف
أصعب مواقف حياتي مرت عليّ بهاللحظة
قفلت الباب وأنا اتسند عليه
بكيت بحرقة..ألم جوفي ما يحسه إلا من عاش بداخلي أيام وسنين
سنين من الشقا ظني بدايتها من اليوم..!


..!.. لِـآ يدرڲۈٍۈٍۈن حَجمْ آلِـألم آلذِيْ يخلقـوونـه بتصَرفـآتهمْ..!..
: تعوذ من الشيطان يا بسام
في هاللحظات وصورته قدام زوجته تنعاد مرات ومرات بعيونه
رص قبضته بإحكام ع رقبته وهو راصه ع الجدار
ومن بين أسنانه بحقد
: حذرتك تقرب منها يالـ#####
بدر يمسكه وبصراخ
بتذبح الرجال صل ع النبي يا ولدي
رويدا تبكي وهي تضرب وجهها
بسام دخيلك لا تذبحه
تنافض بين يدينه ووجهه يزرق
لين بشير وإياد بعدوه بالقوة عنه
مؤيد برجفة حقك علي يا بسام أنا قصرت بتربيته
لف عنه بسام بجرح
وهو يتركه يوم صار قطعة وحدة بارده ببرودة الثلج تهاوت قدام عيون الكل
صحتهم الصدمة ع صوت صرخة الأم الثكلى
الجدة اللي ربت وكان للدلال نصيب الأسد من تربيتها..!


يـآ حَلـوَ اْلعَشقُ وَ ياْ زينْ بلـوَآه ♥
يـآ حَلـوَ اْلعَشقُ وَ ياْ زينْ بلـوَآه ♥
يـآ حَلـوَ اْلعَشقُ وَ ياْ زينْ بلـوَآه ♥

بهدوءه اللي يزيد رهبة وشاعرية الموقف
: صحيح صار لنا فترة بسيطة متزوجين لكن
.. أحس إني أعرفك من زمان
بخجل تحمحمت وهي تعدل جلستها ولازال تطبيق محاضرات وديم جاري
: عني تصدق عاد للحين أحس مو متعودة عليك لدرجة إني أيام أخاف أجلس بروحي معك
ما ظهر عليه أي تأثير من الصدمات اللي وجهتها له
أنا صدق أرثي نفسي على هالزواجه!!
لكن مو علي أنا يا جمانة آوكيه
ابتسم مو مشكلة إن شاء الله مع الأيام تتعودين تدرين باقي لنا فترة طويلة هنا
تنهدت ما اعتقد
وافي بابتسامة ملتويه رفع جواله وحطه ع السبيكر بنوع من الانتقام الودي
: آهلين بيبي
هلا حبيبتي شلونك؟
أول ما سمعت الصوت رصيت ع كوب الكوفي قدامي آخخ لو أشوفها قدامي
آهلين بيبي مااااااالت عليها
خزته بنظرة لا إراديه
عقد حواجبه باستعباط فيك شي؟؟
لفت وجهها بغيظ سلامتك
قرب منها الجوال آوكيه خذي كلمي داليا بتسلم عليك
ناظرته بقهر وبالغصب أخذته أقصر الشر مع إني مو ناويه
بنترة آلوو
داليا باستغراب منو إنتي؟؟
جمانة بعصبيه انفجرت فيها من تتوقعين يعني مثلا بنت الجيران؟؟
داليا بطفاقة والله يمكن
حشى لو مزوجين أخوي رجال كان أنعم إنتي عروس بالله
رصيت ع أسناني وبصرخة كلي هوا يا البزرة
فتح فمه بصدمه ما توقع الأمور توصل لهالدرجة
رمت الجوال ع الطاولة
وهي تقوم وديني البيت بسرعه
حط الجوال بجيبه وهو يقوم بكل رواقه انزين روقي جموون ما تسوى عليك كل هذا
جمانة بعصبيه وافي وديني البيت قبل لا تصير مصيبه الحين
جلس بمكانه وحط رجل ع رجل وبجديه وريني المصيبه
حسيت ببكي من القهر انزين ما أطيقها ليه يعطيني أكلمها
لفيت وراي البيت ما يبعد عشرين متر ناظرته بعصبيه آوكيه برجع البيت وإذا ضعت ذيك الساعة شوف من يفكك من لسان أبوي
عطته ظهرها ماشيه
ابتسم بهدوء وهو يكمل عصيره الطبيعي
: يا حلوها رغم طيشها
ع العموم نشوف مين بيهجد الثاني!!


فتح الباب ودخل
وبأمر البسي بسرعه أي شي عليك
علقت عيوني الدامعه عليه هزيت راسي ببكى
خليني بروحي مو خاطري بشي
قرب منها بتوتر واضح عليه معصمه يرجف وكأنه بيقول شي
: قلت لك البسي بسرعه
قمت أبدل وأنا منهاره ما أتوقع الأمور بتسوء أكثر من كذا
لبست بالطو طويل من الفرو الروسي
لفيت حجابي وآثار الدموع باصمة وجودها في حياتي
مسك يدي وشد عليها
يوم نزلنا تحت رجولي ما عاد تحملني يوم شفت سيارة المستشفى
وصوت البكى مالي المكان
ناظرت بسام بصدمة
وبهمس خايفه أعرف وش صار
: بسـ..بسام شسويت؟؟
ما رد علي مسك يدي وطلعني معه
بعيد عن شهقات جدتي ونظرات الحقد بعيون جيهان
كل البعد عن دمعاتهم كافيني دمعاتي
نزلت عيوني بألم وأنا اسمع صوت عمي بدر عتبان
: كان في أسلوب ثاني يا بسام
ناظر لبعيد وهو يدخل يدينه بجيوبه
: يبه ولدك وتعرفني زين إذا ما شالوه قولي أقدر أشيله بطريقتي
ركز نظره عليه لمده
تركنا وزاد جرحي بروحته
ألمي إنه كل اللي صار أنا محوره
حوط خصري متجاهل كل الأصوات حوله..

مـَـَآبْغِيْ الهَـَـدآيَآ عِنديْ اغْلـَـَىْ هَـديَّهَ .!...
،حبّكْ وتَـَـَقديركَ وخُـُـُوفكِ عَليّـَـَهْ..!..
رد عليها بصوت هادي
: حبي دقايق وأدق عليك
نزلت التلفون ببال انشغل الله يسهل عليك
وهي تقوم تعدل برواز صورته ع الطاولة
مسحت عليه حياتي شكله مشغول
استغليت فرصة غيابه وفتحت اللاب
دخلت ع وحدة من المستندات
لين شفته يناديني
كثير أحداث فاتته
فتحت الملف
وبخفة رصيت أجمل لحظات حياتي بوجودها
خذاني الوقت ما حسيت إلا بوقوفه قدامي وبيده وردة جوري وردية
: سلام لأحلى وردة بحياتي
تركت اللاب وهي تقوم بدلع يعني فيه ورود بس أنا أحلى وحدة
طلال بخبث
شوور فيه ورود غيرك
شدت ياقته بخفه وغنج طلاااال
ضحك بحب كل الورود ذابلة بعيوني
قبل بين عيونها
: غيرك ما في وردة تنبت حتى تذبل
ابتسمت بحب وهي تمسح ع خده بباطن كفها الحاني
روحي شكلك تعبان
طلال وهو يعطيها شماغه بقولك بس ما تاخذين بخاطرك
ربى بخوف قول حبيبي فجعتني
مسك كتوفها لا تخافين كل خير
تذكرين سفرة ساحل العاج اللي صارت عليها حكايه
هزيت راسي اييه
تركها وهو يبتعد رجع سالم حط دوبه من دوبي ودبسني فيها الأسبوع الجاي
نزلت عيونها بإحباط يعني بتروح
رفع يده بلييز روبي لا تتكلمين بهالنبرة وربي أترك الشغل بكبره ولا أسمعها منك
ضمته بحب الله معك حبيبي دام هالشي في صالح عملك
رفعت راسها تناظره روح بالسلامة آنتظرك
بعد خصل شعرها المتناثره ع جبينها الناصع
وبهيام قبلها
: الله ياخذك يا سالم
بعدت عنه وهي تضحك
: ظنيتك بتقول شي أكثر رومانسيه
طلال وهو يبدل ثيابه بقهر نكد علي شلون ما أشوف هالوجه شهر
انقبض قلبي بكلمة شهر
بلعت ريقي وبهمس ترجع بالسلامة
ناظرني لمدة وبعدها دخل التواليت...
*

..!..حقــيقَة الـشـــخص دومً أجـمل من الــــصوره..!..
قمت من نومي حرانه
بعدت البطانية وأنا أرفع شعري بضيق
شفت أشياء تضوي حولي
جلست ع السرير بخوف مين مشغل كل هالشموع !
الغرفة كل حوافها شمع بأشكال وأحجام مختلفة
ناظرت جنبي ع السرير
شفته عاطيني ظهره استحيت لأنه مو لابس شي يغطي صدره
وفجأة استوعبت واتذكرت إني نمت قبله وأنا زعلانة من اللي صار مع الست داليا
تقلب بنومه
تخصرت وافـــــــــي
فتح عيونه بسرعه يا حياتي نوم عصفورة هذا أجل أنا وش كثر يعاني يوم يقومني
: بسم الله عليك نامي نامي _ ورجعني بيده ع المخده
عقدت حواجبي بعصبيه مصطنعة وأنا أقوم متجاهله شكله
ممكن أفهم وش معنى هالتصرف ترا ما رضيت حتى لو جبت لي محل الشمع بكبره عندي
اعتدل بجلسته ع السرير
: ماحد قالك إنها ترضيه!!
وشووو أجل تحتفل بالشياطين بهالجو اللي مسويه وبعدين ليه مو لابس
سكتت فجأة وهي تقرب منه ريحة عطر نسائي
وبصدمة وتحري
: وافي من كان هنا
صغر عيونه على بالك اكتشفتي الحين واللي يرحم أمك نامي وخليني انخمد
وراي دوام
بإصرار أنا أتكلم جد فهمني وش تحس فيه حاليا
ابتسم وافي ما أحس بأي شي غير النوم - وبعيون مترجيه - ممكن تتركيني أرتاح؟
رمت نفسها عليه بهدوء آوووه لاااا لا تقرب نقطة ضعفي
وافي اللي فهه بزيادة ودخل جو بجد
شقصدك؟؟
جمانة وهي تناظره مسدوحه قلت ضعفي بالنهاية وشو؟؟ ياء متكلم اللي درستها بقواعد الابتدائي يعني شي يخصني أنا فور مي آوكيه يعني مالك دخل وما يخصك واعترف بسرعه وش كنت تسوي يوم إني نايمه
فرك عيونه وهو يتثاوب ياااليل شلون تفهم هذي؟؟
: مثل ما يفهمون الأوادم وش شايفني خبلة
قرب وجهه منها بحركة فاجأتها
: أنا كذا أنام من صغري آوكيه ارتحتي الحين وريني جفونك
غمضت عيونها بحالميه أدري إنهم حلوين بس للأسف الكمية محدودة
ضحك وهو ينسدح بقربها
: آآآه يا زينك بس
قامت بسرعه ترا ما بعد أرضى
سحبها جنبه نشوف كيف نراضيك....!


..!..خِذهَآ حقِيقھ ” آخر ﺂلحَكيـﮯ ۆ آرتـآح .. : [ آبيــــكـ ] .. لوُكل ٱلخَلٱيق تبينيـﮯ ..!..
سكون السما بنسمة هواها الباردة كومت في داخلي أكوام من الجليد
يتسلل للأعماق وينصهر بنظرة مغليها
حفيف الشجر عزف لحن غيتار حزين
يشهد ع جروحنا في ساحة الحب قمر متربع سما هالليلة المتكهنة
يعكس حثه بالإلحاح ع صفحة المويه الصافية
غير نظرات العيون ما كان يسع هالضفة
شابه حفيف الشجر همسه الحزين
: أعماني تصرفه..
تأملت عيونه بصمت أحاول أستحثه ع الكلام
في داخل أغواره قصص عشق وغموض
أفهمه وأعجز واقفه قدامه
أدري بالحب اللي جمعنا بآخر هالدنيا المريرة
لكن ليه؟ وكيف؟ وشلون؟
خاطري أعرف
تمسكت بيدينه بقوة وهو يشد عليها كأنه يدفيها من هوا تورينو اللي هب فجأة وقلب خريفها شتا ضامي
بقلبي بشوري واختياري عساني بهالكلمة أكسب قلبه بين يديني رهينة تصرفاته المبهمه
: قوله لاهنت إني أحبك إنت
سندت راسي ع كتفه وهو منحني لي
أول ما قلتها حسيت بعيونه جرح وكأني رشيت قلبه بملح
شد علي وهو يضمني
حسيت عظامي اختلطت بأضلاعه
تشبثت فيه ياليت الزمن يوقف عند هاللحظة وننتهي ونموت فيها
مو أكثر من كذا
تركني وهو يدخل يدينه بجيوبه ويعطيني ظهره
تقدمت منه وواجهته
صدمني رده علي بدموع غلفت عينه
حطيت يدي ع فمي
بسام يدمع!!
من كلمة.. علقت عيني عليه تايهه
خرج السيجارة من جيبه والولاعة
وبخفه ولعها وجلس ع طرف الشط يتأمل لمعة البحر الساكنة
وقفت بمكاني حزن اعتصر قلبي
طريق مسدود وصلت له بعد هذا
بداخلي رددت
: اللي فيك يا بسام أكبر من كلمة أحبك وسبق وقلتها لتاله وأقولها اليوم وأكدها لنفسي
مد يده لي
حطيتها بكفه برجفة
جلسني بقربه
ضمني لصدره
ما سمعت منه غير أنفاس حره مهما طال الزمن تأبى تنقاد ولو لقطعة منها..!
خالطت قطرات مطر كستنا بعذوبتها..!

..!.. Vittima di amore Taboo..!..
جلس بحسرة من الحاله اللي هم فيها
أبو بدر بإحراج إعذرني يا مؤيد تعرف زوجته وماحد يقدر يلومه
مؤيد بابتسامة هادية ما حصل إلا الخير وبسام ما عليه شي الغلط كله ع ولدي رويد
جيهان بقهر تخفيه عمو بدر وش قال إلـ ميدكو ريسبونسيبلى
" الطبيب المسؤول "
لف وجهه عنها يناظر رويد النايم بتعب
يتنرفز من دلعها وغنجها يستفزه عشان كذا يحاول دايما يتاحشاها
وبوجوم رد
يقول إنه لو كان خانقه زيادة دقيقة كان أثر ع عقله وزين إنه ما مات
زفرت بنعومة تقصد وراها الكثير
E 'bene che si è concluso con perdite minime
" زين إنها عدت بأقل الخساير "
بدر وهو منزل راسه مسك أعصابه وهو يقوم
آوكيه سلامته إن شاء الله يقوم بالسلامة
صافحه مؤيد سكوزا عن ولدي يا بدر..
قاطعه بدر لا تعتذر يا مؤيد إنت مالك دخل
: يعطيك العافيه
دقايق بارده لازمت خروجه وبحركه خفيفه لفوا عليه
بصمت يتأمل الوجيه حوله
مد يده وتشبث بجدته اللي كانت تبكي وبنظرة حزن
Io sto bene, mia nonna
"أنا بخير جدتي"
ضمته وهي بتتقطع من البكى
Perché l'hai fatto, figliolo?
"لماذا فعلت ذلك يا بني؟"
عيونه السوده الكحيلة نعست بلمعة سببها أمرين
دموع الحب المالحه بملوحة حياته
و دموع أسى ع حاله ما انكتب له عشق إلا حليلة إنسان العداوة بينهم قايمه من أجل ماضي بعيد ظل راسخ بذهنه وبكذا كل ما شافه شاف الكره بعيونه
همس بضعف وألم أخفى صوته من حنجرته المجروحة
Che non merita l'amore!
"أحبها وهو لا يستحقها"
شهقت رويدا وهي تلف ع مؤيد
حرام عليه ما يدري شكثر تعذب بسام بسببها
نزل راسه مؤيد بضيق
لازم أخرجه من هنا بأسرع وقت وأرجعه روما ما ينفع يستمر على هالحاله
بشير وهو يقفل جواله بعد ما طمن يلدا عليه
والله رويد ما هو طفل فهمه زين إنه هذي زوجة بسام ما يصير اللي قاعد يسويه
بعدين مو إنه ترك الغنا واعتدل يخربها بأشياء ثانية
إياد بحكمه شوي شوي يا بشير بعدين الرجال طول عمره بحياة إنت أدرى فيها من الخراب
على طول كذا بتقطع عليه كل شي
جيهان بانفعال مو نافع عليها مع الستايل الآوفر اللي طالعه فيه
هذي مو غلطة بسام لتين هي اللي طالعه بهاللبس وهي اللي سكتت يوم وقف قدامها
بشير بعصبيه وهو يهز رجوله ولو وش ما كان يفهم إنه هذي ما راح يوصل لها ولو مات
وما لقى يعلق إلا مع بسام من كثر ما يموتون ع بعض واحترمي حالك إذا لتين هي السبب عشان الأسباب الواهية اللي قلتيها إنتي وش بيصير فيك؟؟ بعدين لا تقعدين تلصقينها فيها لأنك تكرهينها
بقهر وعصبية مو ذنبي والله إني أحبها بس هي ما تحبني
إياد بنظرة من حقها بصراحة حركاتك لبسام ما هي طبيعية وكأنك ناسيه إنه ولد أختك
وقفت وهي تاخذ شنطتها وبشبه صراخ ماحد له حق يمنعني منه ولد أختي وحره بتصرفاتي معه
وبغيظ طلعت وتركت الباب مفتوح وراها
إياد بسخرية هه شف آخر التخلف اللي وصلت له
بشير بقهر كل اللي قاعد يصير بسبة المصاخة والدلع الزايد اللي هم فيه
رويدا تمسح ع شعره وهو نايم بسلام
خلاص لا تزعجوه كافي هو تعبان
بشير وهو يوقف والعالم اللي برا وش أسوي فيهم
مؤيد باستغراب أي عالم؟
بشير بنرفزة كل الصحافة برا تنتظر أي خبر
مؤيد بصبر إنا لله وإنا إليه لراجعون هو في روما ما يطلع عشان هالسبب لحقوه لهنا بعد
رفع حاجب وهو طالع ولدك يا مؤيد كان مع هالعالم طبيعي ما بيتركوه الحين
وطلع تاركهم وراه
إياد يحضن أمه اللي بدت تبكي ع حفيدها الدلوع
: دموعك غاليه يمه ما حصل إلا كل خير يمكن هالشي يخليه يتوب يقرب منها
رويدا وهي تمسح دموعها بخفة
ما سمعته وش قال ما يستحقها يعني ناوي يجرب مره ثانية والله أموت لو يصير فيه شي
رص عليها بحنان بسم الله عليك
ناظره بطرف عينه وبداخله زفر حسبي الله ع الأم اللي جابته
كل اللي صاير فيه بسببها


..!.. تبي الحقيقــهـ؟
والله إني تغيرت قبل أعشقگ
و [ آليــوم ] آنآ فيگ مجنون..!..
يا ستي هذي أختي الخبلة من يومها داقة تصيح حامل الكذابة ويوم جيناها أمزح كنت شاكه!!
ربى بصدمة احلفي!!
وديم بجد والله بس لا يهمك طقيتها طق لين سمعت صوت عادل سويت نفسي أهديها لأنها اكتشفت إنها مو حامل
ربى بضحكة وبعدين؟؟
وهي تفتح علبة البرنجلز وتقلب بالقنوات بس الله يسلمك لكن هو زوجها ما يبي عيال الحين يعني عادي ما فرقت معاه
ربى بشك انزين بدور ما عليها هالحركات يعني إنتي ممكن تسوينها أما هي لا
وديم اييه هي ظنت إنها حامل وطلع ظنها كذب وحضرتها نشرت الخبر قبل لا تتأكد وفجأة استوعبت شقصدك أنا ممكن أسويها هااا؟؟
: يعني مجازفة ويجي منك حركات جنون
لفوا الثنتين ع الصوت
ربى بابتسامة مجووودي حبيبي
وديم تناظره وتخز ربى بطرف عينها قومي احضنيه بعد
ربى تقوم ولا يهمك حبيبتي وقامت
فتح يده ماجد وحضنها هلا والله بأحلى أخت منور بيتنا اليوم
ابتسمت تقهر وديم منور بأهله
ماجد بعد ما تركها ناظر وديم وهو يبوس راسها ويجلس بقربها
شلونك حياتي؟؟
وديم بنرفزة ما ردت عليه
سحب البرنجلز منها وبدا ياكل قلنا شلونك؟؟
صرخت فجأة وهي تميل عليه يعني بتقهرني مثلا؟؟
وفجأة سكتت مبلمه
آثار الإحراج اللي ع وجهها لفتت ماجد وربى لجهة نظرها
ضحك عمر وليلى وهم يجلسون حيالله من جانا
وديم تعدل جلستها وهي تبعد عن ماجد بإحراج الله يحييك عمي
ربى تضحك عليها وهي تسلم عليهم آهلين
ماجد بابتسامة يهمس لها
وين لسانك أكلته الفاره؟
وديم ماسكه نفسها لا ترد وبنفس همسه من بين أسنانها
: حبيبي شرايك توصلني البيت
ناظر ساعته بخبث وبصوت واضح
مو كأنه بدري
عمر بابتسامة بنتعشى ع سفرة وحدة اليوم أجل هاا يا وديم؟؟
حمر وجهها وهي تهز راسها إن شاء الله عمي
ضحك ماجد بخفوت وهو راحم هالحيا اللي نزل عليها فجأة


..!.. هاتَ أيدينَ ~ ك! نلفَ الغيمُ ونشكل : مدينــة..!..
تسندت ع صدره بإحباط
: فيــصل
وهو ياكل البوب كورن ومتابع الفيلم بتشويق هممم
سكرت التلفزيون ناظرني
لف عليها باستغراب ليه طفيتيه
بوزت حبيبي أنا طفشانة من الصبح وإنت تتابع بهالفيلم طفشت
غمزها طفشتي؟؟ وإلا خايفه؟؟
ابتسمت اييه خايفه ما أحب أفلام الرعب
فيصل وهو ينزل عيونه بألم أخفاه أدري يا حياتي أدري
: وش تدري
ناظرها أدري إنك تحبيه ومن أول بعد كل هالتفاصيل أعرفها
مسكت يدينه بحب اوكيه ليه زعلت
فيصل وهو يمسح ع شعرها ويقربها له
: أنا ما زعلت خايف يجي اليوم اللي تتمني فيه..
قاطعته بحزن لا تكمل أدري وش بتقول أنا كذا مبسوطة لا تكدر عليّ
زفر ما تبين تسمعين كلمة ماما؟
حبست دمعتها كافي فيصل قلت لك ما أبي أعيش من غيرك
ضمها له بحنان وبراسه موال ناوي يغنيه وبأعذب الألحان


يُومِي " مِثلْ . . / أمسِي مُجَرّد ، إعَـــآ آ آ دَهْ ..!..
صباح توريني بنكهة الغربة
رفعت يدي أناظر الساعة كانت 7:00
بعدت الستارة أتأمل الشمس وهي تشرق
كم يوم شرقت الشمس وأنا بعيد عن أهلي مدري شرقت شمس لتين وإلا غابت للأبد
: بونجور نو
ابتسمت وأنا ألف عليه وين من الصبح طالع
بندر وهو يرمي جاكيته ع الكنبة وبكذب كنت أشم هوا
أومأ عبد الله براسه باعتيادية اوكيه وش ناوي اليوم
بندر بأسلوب غريب عليه ناظر السقف
: ناوي أطلعك مشوار حلو وصعب بنفس الوقت
عبدالله بابتسامة لا تقول بتطلعني جبل تسويها حضرتك
ع بالك روح مغامرة
ضحك بندر وبداخله والله أصعب من طلوع الجبل يا ليتها جت على كذا
ابتسم وهو يقوم امش ننزل نفطر وبعدين
لا تستعجل كل شي بوقته حلو وإيطاليا حلوه بتعجبك
عبد الله وهو يناظر الشباك ما ظني بعدين تعال شكله أمس كان فيه مطر
بندر اييه
: بس حنا أمس الليل واصلين وما شفناه
بندر يحرك بطاقة الغرفة بالهوا يمكن نزل وحنا نايمين
خرج معه عبد الله وهو ما يدري وش مخبي له القدر اليوم ..!

19 Dec الأحد //
طلعت من غرفتي بيدي كوب الاسبرسو كوفي
مريت ع غرفة راكان مديت راسي وبلطف
راكوون
ناظرني من المرايا وهو يسكر قميصه بونجور نو
" صباح الخير "
ابتسمت وأنا أدخل بونجور نو تعال يللا نفطر
لف علي وبتفحص شلونك؟؟
قلت باستغراب الحمدلله
قرب مني بدهاء وبهمس شلونه بسام
هزيت راسي زين بس مدري من الصبح ما لقيته واليوم ما في معهد مدري وين راح
تكتف آهاا
تدرين إنه رودي بالمستشفى بسببه
بوزت بمشاعر مختلطة اييه
حك راسه هو صراحة زودها بكلامه بس بعد بسام ما عنده تفاهم
ناظرته بتفكير تمنيت يجاوبني اممم راكان هو وش قال؟
لف بحركة استعراضيه قال مقطع أغنية من أغانيه
: تشوري دي ستا سيتا
رفعت حاجب وش يعني؟؟
وبحالميه رف بعيونه
" يا قلب قلب هذه المدينة "
عقدت حواجبي بصدمة من كذا بسام مولع
وباحتقار قليله عليه
راكان يرمش ما قلت لك أول ما جيتي إنه تعبيرات وجهك غريبة
ضحكت بخفة
Ok, Well Come eating breakfast
هز راسه سي صار لك قرابة سنة هنا ولسى تتكلمين انجليزي
مسكت يده وحنا طالعين
: وش أسوي درستها سنتين وحبيتها
جلست ع الطاولة وكان بسام توه جاي
استغربت خروجه بهالوقت لكني تجاهلت كالعادة وجلست مكاني
بدر بابتسامة شلونك لتين؟
رديت الابتسامة له الحمد لله بخير
نزلت لين وهي تجلس بحضنها ميرا
: سكوزا تأخرت
ابتسمت لها يلدا آهلين حبيبتي ولفت ع بسام
حبيبي ليه ما تاكل
شرب عصير البرتقال بهدوء وهو يرجع شعره بتفكير
: مو مشتهي
صبيت الصوص ع البانكيك ببال مشغول مو معقولة اللي فيه من اللي صار أمس؟؟!
فيه شي ثاني شاغل باله...
*
*
*
في ايطاليا..[ يعتقد أن الألماس يصنع من لهيب الحب]
نهاية الجزء الواحد والثلاثون



 

رد مع اقتباس
قديم 04-17-2012, 11:02 PM   #53



الصورة الرمزية ατσян|♣
ατσян|♣ غير متصل

بيانات اضافيه [ + ]
 رقم العضوية : 78
 تاريخ التسجيل :  Apr 2011
 أخر زيارة : 07-18-2014 (07:59 AM)
 المشاركات : 12,606 [ + ]
 التقييم :  758
 مزاجي
 MMS ~
MMS ~
لوني المفضل : Cadetblue
افتراضي رد: رواية خنقت الورد يايمه وبيدي إنكسر ذبلان كامله



مشاء الله تبارك الله لا حول ولا قوة إلا بالله ولا تضره
بسم الله الرحمن الرحيم
الجزء الثاني والثلاثون
إن بكى ذاك الرجل فإن السبب فعلا يستحق كل هذا العناء..!

عندما ترحل..
تذكر أن هناك من ينتظرك في ذآك المكان..!



عقد حواجبه من ضخامة المكان وهيبته
: بندر وين جايبنا؟؟
بندر وهو يأشر للخدم حوله بنظرة جلس
: هذا بيتنا !
زادت تعقيدة حواجبه
بيتنا؟!! بيتك تقصد؟!!
هز راسه بهدوء اييه هذا بيت أهلي
عبد الله بصدمة وهو يلف نظرة بانبهار ع القصر
: اوكيه بس يعني ليه جايبني هنا أنا وش دخلني
نزل راسه بندر بنجلس هنا وصيت السواق يجيب كل الأغراض من الفندق
عبد الله يوقف بس حنا ما اتفقنا على كذا يا بندر وبعدين إنت أكيد بتجلس مع أهلك
أنا وش موقعي
بندر ينهي النقاش شوف عبوود لا تغثنا كالعاده وأهلك اللي يسمع يقول قبيلة كلها أمي وأبوي ولا بعد ما ينشاف
رفع حاجب أمك بالحالها كفاية وبإحباط تصدق من كثر ما تدق عليك توقعتها من الأمهات المربربين وشعورهم مربوطة ع ورى كناية عن الحنان يعني بس خالفت توقعاتي يوم شفت صورتها
ضحك بندر وش أسوي تعرف الواحد مهما كبر يظل بعيون أمه طفل وبغيرة بعدين وشوو خالفت توقعاتك استح ع وجهك كبر أمك تراها
ابتسم بجرح ذكر أمه وقسوتها راحت علي يعني
ضحك عليه بندر ومن قلبه يتمنى ما تنتهي هالعلاقة الأخوية بينهم
عبد الله بجدية اوكيه بندر لا تحرجني خلني أظل أنا بالفندق وإنت خليك هنا
وقف بندر عبد الله أمي الحين بروما ما هي هنا أنا مضطر إني آخذك مشوار مهم معي الحين
تنهد عبد الله من أمس وإنت تقولي مهم ومهم بس ما شفت شي
فتح له الخادم الباب
تعال معي وبتشوف كل شي...


..!..كل يوم . . كل يوم ؛ و إنت غيرر فيـﮱ [ عينيـﮱ ،
تكبرر و يكبر ،/ غلاك اللي س كـ ن فينيـﮱ..!..

الخبر// جامعة الملك فيصل للبنات
سكرت الجوال وأنا اتغطى قربت مني بنت وباستفسار
: أخت ربى ممكن سؤال؟؟
طالعتها باستغراب تفضلي
: كانت معك لتين الخالد هي وينها الحين؟؟
زميت شفاتي وبتلقائية تزوجت وراحت مع زوجها
آهاا وين راحت؟؟
صغرت عيوني لا جات إسأليها
وتعديتها طالعه من البوابة الرئيسية
: صدق لقافة !!
فتحت الباب بخقة جلست وأنا احط شنطتي بحضني
لف علي بابتسامة رايقه
: شلون كان يومك حبي؟؟
ابتسمت وباختصار عادي مجرد روتين يومي
مسك يدي وهو يحرك السيارة صحيح روتين معتاد لكن حنا بيدنا إذا نوينا نغير شي نغيره
أيدته صح كلامك بس أنا بعد ما لتين تركت الجامعة لو بيدي كان ما درست خير شر
باعتراض رد
: يا ليتني لتين !!
ضحكت بحب الله اللي خلقها يعرف إني أحبك أكثر من أي شي في هالوجود
ابتسم بنشوة انزين قولي إنك تحبيني أكثر منها
سكت
لف علي شفتي شلون سكتي !!
وبابتسامة خبث يمديني أقولها بس أخاف ما نوصل البيت سالمين
ضحك طلال وفهمها ناظر الشارع قدامه بتنهيدة
: يا حلو الغرور عليك يا ربى!!

..!..غـ لـ آآآ ك بدنيتت- ي وردة حـررصت آداار ـ ييهـ ـآآ..!..

رفعت راسي أتأمل اللوحة اللي أشر لي عليها راكان قبل لا يخرج وعلق بإنها لي أنا وبسام إهداء من لين
قريت عباراتها تجمع بين الرقة والقسوة الحانية

خنقت الورد يا يمه وبيدي انكسر ذبلان ..
آحسب إن الزمن يقدر يعدل غلطة سنيني...!
آثاري الورد يا يمه له إحساس وحزن وآشجان!
سمعته بآخر آنفاسه ينادي
(( لا تخليني )).،،

نبرة الحزن كاسيتها اشعرتني بالإنتماء لها
يمكن لأن الورد والحزن فيها مجتمعين !!
حسيت بيد تحوط خصري من الخلف
لفيت بخوف
تطمن قلبي يوم شفته بسام بعد موقف رويد تعقدت..
ثبت وقفتي بيده
همس قريب من إذني
: وعدتك وعد وجا الوقت اللي أنفذه
قلبي قبضني قلت باستغراب وأنا على نفس وقفتي
: وعد وشو؟
بنفس همسه زادت ربكتي
حاولت اثبت نفسي رغم إنه كفوفه مثبتتني إلا إني أحس بطيح بأي لحظة قربه يربكني لدرجة أنا استنكرها
: دقايق وراح تعرفين..
لفيت عليه بعد ما تركني وعطاني ظهره
تحاشى يناظرني
بعدت شعري باستغراب وأنا أرافقه للحديقة خارجين...


..!..حُبيّ لكْ ( غُربـه) وَ عيون ك وَطنْ..!..

سدني // استراليا
5:00
نفضت الستاير وأنا أدندن المنظر من الشباك روعة
وباستغراب لفيت صح وافي وينه رجع من الدوام وأنا أنظف وما انتبهت عليه
دخلت غرفتي كانت فاضيه
فتحت الباب اللي يودي لحديقة صغيرة من تنسيق صاحبة البيت الاسكتلندية
عقدت حواجبي وأنا أشوفه بقميص علاقي
متربع وسط الزرع
قربت منه إنا لله مع الحركات الغريبة اللي كل يوم بكتشفها صدق خالي طلال يوم قال غريب الأطوار
تخصرت وأنا أشوفه مغمض عيونه ويحرك جسمه بحركات انسيابيه
باستغراب
: وافي وش قاعد تسوي؟؟
ما رد واستمر ع نفس الحاله
جلست قدامه بفضول انتظره ينتهي من هالطقوس الغريبة
فتح عيونه فجأة بابتسامة
: هلا وغلا
رديت بتلقائية حبيبي وش قاعد تسوي؟؟
ابتسم بضحكة رياضة اليوغا تبين أعلمك؟؟ مو بشورك أصلا لازم عشان تهدين شوي وترتاح أعصابك
ميلت فمي احلف
مديت اصبعي في وجهه شوف وافي إنت كل يوم طالع لي بحركة جديدة
مرة شموع ومره يوغا ومره لحوم لا وش النهاية؟؟
ابتسم بانتعاش وهو يتجاهل كلامها
وقف وانحنى لها
عدل جلستها وهي تناظره باستغراب
: وافـــــــي
رفع يدها هممم
شقاعد تسوي إنت؟؟
كمل شغله حطي يدك كذا بعلمك تسترخين من يوم ورايح لازم تتعودين ع الهدوء
آهاا انزين نشوف
وهو يعلمها كيف تتمرن قلبتها تريقه
هههههههههه ما أعرف
وافي بهدوء حياتي سوي مثل ما أقولك
جمانة بدلع مااااا أعرف وااافي اتعب بعدين
: بالعكس بتريحك
اوكيه يللا
وقفها اوكيه شوفيني كيف مرجع ظهري سوي كذا
جمانة مستقعدة يوووه والله ظهري يعورني ما فيني
صغر عيونه مندمج بدلعها الطفولي وفرق السن بينهم يصغرها زيادة بعيونه
ضحكت وهي تتعلق فيه أنا ما احب الأشياء الغريبة لا تحاول تعودني عليها
حوط خصرها وهم داخلين
سكر الباب المعدني السحاب وراه
وفي باله والله إنك داهية وإلا لا نويتي بتتعلمين
قرب وجهه منها
: إنتِ مهره لازم تتروض وعلى يديني أنا.!
تركها وهو يرمي منشفته ع السرير ويطلع ثيابه يتحمم
جلست ع الكنبة وبكذبه محترفه
: أنا حامل عشان كذا ما ينفع ألعب معاك فهمت ليه
رفع حاجب على طول وهو يلف عليها
وااااضح والحامل ما تقوم تصلي الفجر يوم أقومها
طاح وجهي يا ربي لا تفضحنا
ضحك بخفة وهو يدخل الحمام
: قلت لك أنا بروضها..!
شبكت أصابعي ببعض وأنا منحرجة يا فشلتي صدق الكذب حبله قصير..


..!.. ربما لم أحبك
لكني تعلقت بك
ربما لم أحبك
لكني تعودت عليك
ربما لم أحبك
لكن عيناي تشتاق إليك
ربما لم أحبك
لكن شفتاي بحاجة للفظ اسمك
ربما لم أحبك
لكن عقلي يأبى إلا أن يتذكرك
ربما لم أحبك
لكن قلبي لا يكف عن النبض عند ذكرك
ربما لم أحبك
لكن خفقاتي تزداد عند رؤيتك
ربما لم أحبك
لكني...........أحبك وأحبك
بطريقتي وحدي..!..

مد الصحن لها يمه لاهنتي اغرفي لي
غرفت له بحب وعطته ياه عسى الله لا يحرمني منك يا خالد
ابتسم ولا منك يمه
سارا هذا خالد وهو قدامك كذا أجل لا تزوج وش بتسوين؟؟
رفعت يدها الله يوفقه وين ما كان وراضيه عنه حتى لو مت
: بسم الله عليك
خالد بنظرة يعني الحين لو قلت اخطبوا لي بتكون جاهزة مجهزة
سارا إنت أشر وأمي بثواني بتجيبها لك
ضحك وهو يناظر أمه الحنونه
: لا يمه أنا سخرت نفسي لك عساني أقدر أوفي اللي أقدر عليه
أمه بحب وعيونها دامعة أنا أتمنى يا ولدي اليوم قبل باكر تكون في بيت لك يجمعك مع زوجتك وعيالك
خالد والفكرة مشيوله من راسه
والله يمه لو فكرت بيوم من الأيام أتزوج وكانت يارا بنت أختك مو مرتبطه أبيك تخطبينها لي
شرقت سارا بأكلها
ناظرها باستغراب شفيك؟؟
أمه بابتسامة يعني تبيها يا ولدي
وهو ياكل بلا مبالاة لا يمه بس أحس إني راح أتوفق معها
سارا بإحباط وفرحة بنفس الوقت
: انزين ليه ما تخطبها
وهو يقوم ما أفكر أتزوج قبل خمس سنوات عشان كذا أتمنى ما يطلع الموضوع لها
وهو طالع الدرج ما نبي اللي صار بلمار وفيصل ينعاد فينا
ناظرتني أمي بفرحة تشع بعيونها الحمدلله اللي خلاه يفكر ع الأقل بالفكرة
ابتسمت لها
وش أحلى من شوفة الفرحة بعيون أهلنا ونكون حنا السبب فيها..


[ ضَيعنيَ | غَ ـيآب كـ

مسح ع جبينه وهو حاس إنه في شي مو فاهمه
بندر من وصل إيطاليا مو طبيعي التلفون معه على طول وكل شوي خارج بمشاوير غامضه ما عرفت لها طريق
يدخلني لبيوت ويطلعني منها وكلها للأسف
مو من مستواي ولا قد ع الطبيعة شفت مثلها
زفرت وأنا أناظرة بندر خلاص عاد وصلت معاي وش قصتك إنت ما تتكلم
بندر مرتبك بلع ريقه اوكيه طيب
فتحت الخادمة الباب الخشبي المحفور بنقوش مذهبة
لفيت ع بسام ما بتدخل؟؟
عدل كابه إلا بس اسبقيني إنتي نسيت ولاعتي
هزيت راسي باستغراب وأنا أدخل
لا اليوم يبيلي أجلس وأعرف وش اللي صاير معه ومخلـ....
بلمت أول ما سكرت الخادمة الباب وسمعت صوته اللي دوى في المكان
وصداه في داخلي يزداد
رمشت ونفسي يوقف
أنا اللي أشوفه صدق وإلا من كثر ما أحلم بشوفته
كان يتكلم بضيق
لف علي ورجع لف وجهه وبعصبيه وقف
: بندر وش هالمسخرة؟؟
انصدمت يوم ما عرفني
ضربت نسيانه اللي جرحني بالحيط وجريت عليه ارتمي بحضنه
ضميته وأنا أبكي
وبشهقة
: عبد الله
رفع راسه بصدمة وهو مفهي بوجهي
دموعي تسيل عبـ...ـد الله أنا لتين..
أختك ما عرفتني؟؟؟!!
وبألم رجعت ضميته حتى لو ما عرفتني مو لازم يكفي إني لقيتك
حسيت فيه يوم ضمني
سمعت شهقاته وانهرت...
*



شبرت الغرفة رايحه جايه
تاله متسندة ع الكنبة بميلان
: يوووه ماما وترتيني معك اجلسي
حطت يدها ع ذقنها وهي توقف مو عارفه أجلس ما شفت أخوك شلون متوتر
لين عيونها تلمع
: أول مره أحس بضعف بسام اليوم وكأنه يدري إنه بيفارق لتين
تاله بتعقيدة وقته بابا يروح ميلان اليوم
يلدا تناظر الساعة أختك ميرا عندها موعد هناك وبنفس الوقت ما ابغا راكان يكون موجود بعدين بكره الصبح إن شاء الله هم هنا
ضمت يدينها لبعض يا رب ما يصير شي النيو فاشيون شو راح يكون بعد بكره ما ابغا شي يكون مكدر ع لتين
" عرض الكولكشن الجديد "
لين وهي تعدل جلستها وتناظر بخلسة ع الممر المفتوح قدامها
شفت بسام دخل
يلدا بربكة تبعد شعرها ع الجنب يااا رب تستر وتعديها ع خير
تاله تلعب بشعرها والله هي قويه بصراحة وصار لها مده ما شافته وفجأة راح يعرف أشياء كبيرة وصعبة
سكتت ثواني وبعدها
: تصدقون عاد خاطري أشوف شخصين
هالعبد الله وربى صديقتها
دخلت الخادمة وهمست بلباقة بإذن سيدتها واستأذنت
يلدا تأشر بيدها لتاله اشش خلينا نشوف وش بيصير
وفتحت التلفزيون قدامها
تاله عقدت حواجبها بصرخة هذا بندوري
يلدا بعصبية وتوتر اسكتي أنا حاطه الكاميرا هناك
تاله بخفوت والله مانتي هينة ماميتو
ما ردت عليها يلدا مشغولة بشي أكبر من كذا
أمر صار له سنين وجا الوقت اللي تنكشف فيه كل الأوراق



..!..أَغْصَانْ الهْوَى لمَ ْتحَتْمَلِ هَطْل َأحْدَاقيّ
أَرَادَتْ أَنْ تُزْهِرْ فَجَاْءْهَا الخرَيّف بَاْكِرَا
وَضَعَ القَيّد وَحمَلَ الزَهْرُ وَأدَارَ ظَهْرَه..!..

بعدت شعري الملفلف عن جبهتي بمشاعر مختلطة
عبدالله يناظرني بوهن
: ما كنتي كذا تغيرتي كثير
لحظات خطفت الجو الأخوي ووعته على شي أكبر من كذا
لف وراه وغطاها بظهره
وبعدم فهم
: إنت جالس..!!!
شديت ع يده ما يدري إنه هذا أخوي
كان جالس ع الكنبة الفارهة بأقمشة المخمل المنسدلة منها
عيونه عالقه عليّ وتنتقل لعبد الله بترقب
حسيت برهبة منه نفس الجو اللي يصنعه وجود أبوه محمد الصايغ
: خلها هذا أخوها
التفت عبد الله ع الصوت وليته ما التفت
ناظرت بسام وأنا اسحب نفس بداخلي
قلبي بدا يدق
فتح أزارير قميصه العلوية وهو يدخل ويتسكر الباب وراه
عقد حواجبه عبد الله وهو يشد ع قبضة يده
وبصوت جاف نثر التوتر في المكان
: إنت يالـ...
قاطعه وهو يقرب مواجه له
: تطمن أختك بخير مثل ما تركتها
لف علي بعصبيه ووجهه بدا يحمر اطلعي خلني اتفاهم معه
أشر لي بسام ما يحتاج تكون حليلتي
بلع ريقه بصدمة
رجع نظره لبندر وبصدمة أشر عليه
إنت.. إنت كنت تدري!!
وقف بندر وهو يقرب له حط يده ع كتفه
بقسوة ابعدها عبد الله والصدمة متعبته لا تقول شي طلعت مثله الخيانة بدمكم
بندر ياخذ نفس
عبد الله ريح أعصابك لازم تعرف كل شي
تجاهلهم ولف علي
هزني مع كتوفي بانهيار شلون كذا فهميني شلون تزوجتيه
حبست دموعي عبدالله اهدا الله يخليك والله ما ادري كيف
كشر عن انيابه وهو يصرخ بوجهه يعني حتى بذي غاصبها يالـ####
بسام بهدوء
أنا ما بحاسبك ع اللي بتقوله لأنك مو ناوي تسمع الحقيقة
عبدالله بصراخ ما بسمع الحين تطلقها وبترجع معي وبنظرة إزدراء لبندر وإنت مشكور على حسن الضيافة
لف علي وهو يمسك يدي امشي قدامي
علقت عيوني ببسام
دمعتي نزلت ما أبي أروح وأخليه وبنفس الوقت روحي ردت بشوفة أخوي
وقفه صوته
: بخليك تاخذها بس تكفى خلها ساعتين معي بس
لفيت ع بسام أناظره
شهقت بدموع عجزت أحبسها
تركت يد عبدالله وجريت له ضميته
بتردد رفع يده وضمني له وهو يمسح ع شعري
عبدالله مو فاهم القصة بس الغضب والقهر عامي عيونه
: تعالي يا لتين ناس تذلك ما ترجي وصالها
بعد هالجملة بعدها عنه بسام
تركته وعيونها الغارقة متعلقة فيه تطلبه وترجيه ما يتركها مجبرة
وقفت يلدا أول ما طلعوا
وهي تشوف عبد الله بعصبيه ماسك لتين من يدها وطالعين
قربت من بندر اللي طلع يلحق عبد الله وبتوتر كلمه إنت ما ينفع كذا
بعد شعره الناعم ع ورى
: عبد الله صل ع النبي خل الرجال يقول اللي عنده
طنشه
فجأة ما يلاقي إلا وحده واقفه قدامه بحجابها تترجاه
تاله ببكى الله يخليك خليها لا تاخذها والله بسام يحبها الله يخليييك
نزل عيونه وهو يمشي متجاهل كل الأصوات حوله
بسام معترض طريقه
: اترك لتين عند أهلي لازم أفهمك وش صاير
عبد الله بصراخ ابعد عن طريقي لا والله تكون جنازتك اليوم
صرخ بوجهه بقهر اوكيه أختك تصير بنت خالتي افهم وخليني أكلمك وأقولك وش القصة
الصدمات المتتاليه عليه خلته يتخذ قرارات سريعه ما يحسب لها حساب كل اللي يعرفه إنه الحين لازم يبعد إخته عن المكان اللي موجود في هالبني آدم
: كـــــــــذاب من يومك
شدت ع يده وهي تقرب منه بصوت ضعف وانهار
: عبد الله روح معه خليه يكلمك وأنا رايحه معك الخبر رايحه
ناظرها لمدة وتحت الضغط وافق
دخل بندر وراهم الغرفة وسكر الباب
تاله تبكي توتا بلييز لا تروحي فهميه إنك تحبي بسام
لين تمسح دموعها تأثرت بلقائهم لدرجة
وبهمسها الناعم
: إنت بيدك القرار لتين وهذي حياتك طبيعي أخوك تكون ردة فعله كذا لأنه مصدوم
يلدا تضمها بحنان حتى لو رحتي تأكدي إنه مكانك بيبقى موجود متى ما حبيتي ترجعين ننتظرك
بكيت بحضنها أدري جا الوقت اللي أبتعد فيه عن بسام
كلامه جا متأخر وما ظني عبد الله بيتركني معاه ولو كان فيها موته


....لكن مع كل السعادة
كان داخلك يموت شيئا فشيئا!!

ع شاطئ روما
بين الأجساد المستلقية تتلحف بأشعة شمسها الذهبية الدافية
شرب آخر القزازة المنقوشة رماها جنبه بإهمال وأخذ الثانية من إيد الماجنة اللي قربه
رويد وعقله فصل كليا
اسم واحد ع لسانه كان
لتين
يردده وهو متخيل العاهرة اللي قدامه هي
ضارب بعرض الحيط
دين وشرف حتى الصحافة حوله مهملها
هذي سوايا العشق في القلوب الضعيفة..
البقية قلمي وقرائي أرقى من ذكرها...!


غداً ، إشراق بلون الغروب
غداً ، فيه صبح وضحى في ظهر وأصيل
فيه مساء ومساء فرحيل
غداً يأتي الأمس بعد أن يموت غدا..


خيال فرقة وولع عشاق شق هامة الجبل الأبيض نصفين بوقفتهم أسفله
كل تورينو مظلمة برحيل قلب مفطور
عاشق انكتب له شقا
: اسمحي لي..
ناظرته بلوعة مستحيل هالعيون تغيب عني لوقت الله العالم متى لقياه
همست بألم
..مسموح
قبل جبيني بدفا
رفع ذقني وبرفعته طلب الإذن لدموعي تسيل
مسح الدمعة بطرف اصبعه الحاني
وبصوت هامس أعياه الهيام
: لا تبكين وتزيدين المواجع
ضميته ببكى
إنت كيف تخليني أروح أناااا ما أقدر حرااام عليك
شد عليها وهي تضربه ع صدره بضياع
وبحزن غمض عيونه
: كافي ارحمي حالي أرجوك..
ناظرته بعيون تتلألأ بضو القمر
حفر صورتها بمخيلته واللي فيه يزداد
دخل يدينه لجيب البالطو وخرج علبة صغيرة من الرخام الأحمر
كانت ثقيلة بثقل اللحظات الكئيبة بينهم
مسك يدها ودخل دبلة الألماس باصبعها
قبله برقة
قربها فوق قربها
طبع قبلته الأخيرة وهو يتجاهل باقي المشاعر
آشر للسايق أسفل الجبل
رمى له البالطو
رفعها بين يدينه
رفت برمشها تتأمله عن قرب
ناظرها وهو ينزل ع الصخر وقوته مسهله خشونة الأرض وصعوبة أحجارها
دخلها السيارة وقفل السايق الباب
لف وجهه عنها وهو يحط ظاهر كفه ع فمه بتوتر
اكتفت تتأمل بصمت
شقد يا دنيا قسيتي عليّ...!


مطار تورينو كازيله الدولي
ناظره وهو يشبك أصابعه ببعض ماد بوزه بتفكير بولد خالته وخوي عمره
لف عليه
: الله يهديك لو كنت صبرت شوي هذا وهو قالك ...
قاطعه إنت بالذات اسكت ولا كلمة
ناظر ساعته باقي ع الإقلاع نص ساعة وحضرته ما شرف للحين
بندر يتكتف لا ماني ساكت تراها أختي مثل ما هي أختك
عبد الله برفعة حاجب أموت وأعرف شلون قدرت تخبي هالموضوع كل هالمدة
بندر بابتسامة ع فكرة ترا أنا ولي أمرها في عقد الزواج
ضربه ع كتفه بقهر
والله يا بندر لولا المحبة اللي بقلبي لك كان دفنتك بمكانك
ضحك بندر بحب أخوي
والله حلو شعور الأخوة
: تراها تكرهك
بندر بإحباط هي قالت لك؟؟
عبد الله بشرود لا، أتوقع
عدل وقفته بلا مبالاة اقلب وجهك أجل
وفجأة ارتفع صوته وهو يأشر وراه هذولا هم جوو
وباستعطاف حرام عليك يا عبوود شوف شلون وجيههم تقول رايحين عزا
عبد الله يلتفت ع المكان اللي أشر عليه
شاف وجيه ما يعرف منها إلا بسام ولتين والبنت اللي ترجته يترك ليتن
همس لبندر
: ذيك اللي لابسه بالطو أصفر وش تصير لك
بندر بخبث أخت بسام
خزه خيـــر؟
بندر يتحمحم سؤالك آثار غيرتي
عبدالله بفضول تحبها؟!!
بندر يضحك لا والله بس أتوقع إنك وقعت في شباكها هذا وإنت كنت في قمة غيظك انتبهت عليها
عبدالله يسكته أول ما قربوا
شاف أخته شلون واضحه عليها أثار الحزن وبسام الثاني يتجاهل تطيح عينه في أي عين قدامه
حضنها ولد صغير فهمت إنه أخو بسام
راكان اللي رجعهم على طول أول ما عرف إنه لتين رايحه
يبكي بتوحشيني يا لابيلا
لتين تضحك والدموع بعينها حتى أنا بشتاق لك حبيبي
تركته والتفتت ع البقية تسلم عليهم
شالت بنت صغيرة استغربت وجودها
وهنا بكت أختي ما أدري ليه؟ لهدرجة تحب هالبنت؟؟
انتبهت ع ملامحها
طول عمرها أختي رقيقة مشاعرها شكلها مريضة هالصغيرة وتعلقت فيها
قرب مني رجال مد يده
صافحته وأنا جاهل شخصه
قربني له وشد عليّ لا أوصيك ع أختك يا عبد الله أتمنى تكون معك سعيدة
هزيت راسي بهدوء وثقة أكيد
بندر يسلم عليه بحرارة هذا عمي بدر أبو بسام يا عبد الله
انصدمت بس ما ظهر عليّ
حسيت بحقد يتوجه عليّ من بعض العيون
لا إراديا ناظرتها شفتها زامه شفايفها وأنفها محمر من البكى
خزتني بنظرة وبعدت عني عينها
وحده شكلها رايق سلمت ع لتين وابتعدت وهي تبكي
كانت لين
ناظرت الساعة مرة ثانية اوكيه حنا مضطرين نطلع الطيارة بتقلع
مسكت يد أختي
عينها ما ابتعدت عن بسام
وهالشي ضايقني خاصة بعد الأمور اللي عرفتها مستحيل أخليها معاه ولو وش ما كان
راكان بعصبية ترا لتين ما تبيك أنا أعرفها تحب بسام والله شفتها وهي تـ...
قاطعته يلدا وهي تبعده بحنان تعال حبيبي
ابتسم بدر اعذرنا الكل متعلق فيها
ناظره عبدالله بابتسامة لطف تخفي كثير من الاستفهامات وراها
زفر بسام وهو يعطيهم ظهره
ودعها قبل لا تودعه
بعض اللحظات تجبرنا نضعف قدامها وكأننا معبودات مسيرة بلا خيرة....
*
*
*
عروس البحر الأبيض..[ سميت لغتها باللغة الرومانسية]
نهاية الجزء الثاني والثلاثون



 

رد مع اقتباس
قديم 04-17-2012, 11:03 PM   #54



الصورة الرمزية ατσян|♣
ατσян|♣ غير متصل

بيانات اضافيه [ + ]
 رقم العضوية : 78
 تاريخ التسجيل :  Apr 2011
 أخر زيارة : 07-18-2014 (07:59 AM)
 المشاركات : 12,606 [ + ]
 التقييم :  758
 مزاجي
 MMS ~
MMS ~
لوني المفضل : Cadetblue
افتراضي رد: رواية خنقت الورد يايمه وبيدي إنكسر ذبلان كامله



بسم الله الرحمن الرحيم
الجزء الثالث والثلاثون

أتعلم ماذا فعل بي حبك ؟! قتل طفلة طاهرة عاشت بقلبي سنين و ولّد إمراءة طائشة لا تعرف المحال..!

القمر أيضا تحرّر من حنينه
وصارت ورود الحديقة تذبل ببطء تحت شمسٍ ناعمة

دخل الكارد وانفتح الباب
دخله بجيبه وهو يرمي السلام
ما لقى رد
كل شي مثل ما هو ع حطة يده
فصخ نعاله وهو يفتح الباب بحذر
ما شافها بسريرها
ترك المقبض وهو يدخل
سمع صوت المويه بالحمام
تنهد وهو يجلس ع طرف السرير
جوالها ع الكمدينة يستغيث من مدة
رفعه بفضول الشاشة منورة و 5 مكالمات لم يرد عليها
زفر وهو يشوف صورة بسام ماليه الخلفية
كان هو اللي يتصل
رجع الجوال مكانه وهو يرجع يدق
ناظر الدولاب قدامه بصمت وغيض
4 أيام بهوتيل لا يدري وين أراضي أبوه ولا أمه منقطع عن العالم ما يعرف منه إلا
هالأخت اللي باع عمره يلقاها ويوم لقاها لقاها بايعه حياتها لإنسان ما يستاهل لحظة من حياتها بنظره
لف عليها بشرود أول ما طلعت من الحمام
المويه مغطيتها
حتى آثار الدموع بعينها
ناظرت الجوال لمدة ورجعته
: لتين
غمضت عيونها بقوة وفتحتها تمنع دموعها لا تسيل كفاية على أخوها عذاب
مسك كتوفها بقوة رص عليها
وشدها لحضنه
ضمته ببكى
: ما بلاك بحياتك إلا هو
لتين وهي تبعد عنه وتمسح دموعها
: خلاص عبد الله بليز لا تكلمني في هالموضوع
عبد الله وهو يتكتف
بنكمل أسبوع واصلين وإنتي مو راضية تتكلمين
بعدت خصل شعرها المبللة وهي تمسح أنفها المحمر
وبصداع كانت تصير معي مواقف غريبة رفعت نظرها للسما وهي تاخذ نفس
اكتشفت بالأخير إنه بسام وراها كلها
قرب منها بتفكير وش رايك تبدلين ثيابك ونطلع نتكلم برا
هزت راسها باييه
تركها بعد ما قفل الباب
فركت عيونها بألم إذا مو عشاني عشانك ياخوي...




..!..طمنوه أن المسافـة ما تنقص مـ ن غـ ل ـآه..!..
حط الشنط بالسيارة
قفل الباب بقوة ما قصدها
مد راسه فيصل من الشباك
شوي شوي يالحبيب سيارتي وأبيها
ابتسم وبانت غمازتيه لا تخاف دامها تسكيرة يدي بتظل بخير
فيصل بمسخرة رح بس سلم ع زوجتك أخاف تصيح علي بوسط الطريق
ضحك وهو يطنشه داخل
وبداخله
والله ربى تستاهل البكى عشانها الله لا يجعلني أبكيها
فتح الباب شافها تنتظره عند باب البلكونة الطويل الشمس عاكسه نورها عليها
ومظهره لون بشرتها الأبيض مع فستانها القصير المموج بألوان قوس المطر
ابتسمت بين دموعها
قرب لها وهو يرفع كاب البدلة حقته ويرميه ع الكنبة
بلعت ريقها راح توحشني حبيبي ترجع بالسلامة
عض على شفاته
وبرقة رفع ذقنها
تأكدي كل يوم بشتاق لك فيه أكثر وبنتظر اللحظة اللي أرجع لك فيـ..
ضمته بقوة سكتته
هاللحظات الصعيبة الصمت فيها أبلغ من الكلام
غمض عيونه ويده ع خصرها الدقيق وانحنائته الملتوية ببداية ظهرها
عزالله يا فيصل لمار غضبانه عليك اللي خلتك تجي توصلني..!!!!




..!.. يآخآفقي علمه إنه في خآطري شي وأن العيون اللي تحــبه سهآري..!..
بعد الستارة وهو يتأمل نور القمر الفارض سطوته ع الفضا كله ومنور ليلة سوده مهما حاول يبدد ظلامها بسطوعه
ركز عيونه التايهه ع الأشجار وحفيفها يزعج وحدته
شعور الأسى والحزن يخالجه
تارك تلفونه وراه اليوم ما قدر يكلمها بس عنده خبر إنها طالعه ع كوفي شوب بوسط الخبر الشماليه!!
ارتخت الستارة بيده وهو يتركها يلف ويلف نظره معاه ع الغرفة كلها
ناظر الجدار صورتها معبيه الحيط
نزل نظره للتسريحة شاف البراويز تحضن صورها بكل مكان
رد نظره لصدره انصدم بكبرياء حرفها المتربع بصورة وشم بين ثناياه بهيبة وحذر
زفر وهو يرمي نفسه ع السرير بتنهيدة عميقة
دق الباب ثواني وانفتح
راكان بحزم مو لايق شوف أدري إني مو من الذوق أدخل من غير إذن لكن.. امممم
شبك أصابعه بتفكير تعال تعشى معنا والله اشتقنا لجلستك إنت و...
سكت وهو يسكر فمه بغباء سقط سهوا
لف راسه وهو متسند ع السرير بسخرية ولتين صح ؟؟
إنت اشتقت لها أنا وش تقول عني
راكان بحزن تكفى بسام تعـ...
قاطعه اطلع وسكر الباب وراك
راكان بإصرار بسـ....
رفع صوته قلت لك اطلع وخليني بروحي
رص ع أسنانه وهو ينزل عيونه بإحباط إلورا بس تأكد إنك مو مع لتين جسديا ولا مع أهلك لا روح ولا جسد
خرج وصدا حروفه يرن بإذن بسام
حتى حس الدنيا كلها تصرخ بجوفه
انقلب ع ظهره وبهمس انهكه مرض قلبه وعلته
(( عساني أموت إذا ما بلتقي فيها ))


..!.. المشِكلة »|كـ ن ربيْ مِاخلق غيرك
وآلنآس وآجد وآنــآ مآ آلآحـــظهم..!..
رجعت الشنطة ع كتفي بيد وباليد الثانية شايلة كيس الورق الخاص بحلوى المارينج النجليزي
(( نوع من الحلوى الخفيفة مكونة من زلال البيض والسكر وهي قاسية بعض الشيء تحشى عادة بالكريمة والفواكة الغابية كالتوت بأنواعه ))
دفيت السلة الخشبية الصغيرة أخوف البسة فيها وأبعدها عن طريقي
مو
تأففت بغيض وأنا أعد للعشرة بداخلي
طلع وهو يتناقش مع الموظفة الخاصة بقسم المبيعات ولا داري عن اللي حوله
فتحت فمي بذهول وكل اللي بيدي طاح
ناظروا الاثنين مكان الصوت
وافي بصدمة جمانة؟؟!!!
جمانة وعيونها تلمع
: حقــــــــير
الموظفة عقدت حواجبها وبلباقة اعتذرت وتركتهم
قرب منها وهو مستغرب جيتها وكلامها
: ماله داعي اللسان الطويل هذا
دفت السلة برجولها وهي تتركه ماشيه
لحقها وهو يمسكها بقوة من معصمها وبأعصاب هادية شفيك جمانة شصاير لك؟؟
سحبت نفس وهي تبكي إنت واحد واطي أصلا قاعده انتظرك من نص ساعة عشان نطلع البحر سوا وآخرتها طالع وإنت طاق حنك مع الزفففـ’ـت
بعدت يده عنها بقوة ومشت من قدامه
أخذ السلة والكيس اللي طاح منها
ولحقها
وقفت تاكسي وجات تركب
صوت واحد منه وقفها
ما تحركت من مكانها
قرب منها بعد ما أشر للتاكسي يروح
ناظرها بعصبية بجلس الحقك مثل الطرطور ما تعرفين توقفين وتفهمين الموضوع زين
جد اتقي شر الحليم إذا غضب خفت منه
بكيت وبقهر صرخت بوجهه لا أحسن اضربني بعد
زمت شفاتها بقواية رجعني لأهلي بسرعه اليوم والحين فورا
وافي ورجع لهدوءه وهو يتحسب ع الموقف البايخ اللي صاير
جمانة تعوذي من ابليس وخـ...
قاطعته بصراخ إنت ابليس بكبره رجعني لأهلي بسرعه
وافي اوكيه يللا اطلعي فوق ظهري خلني اجري فيك ع رجولي ارجعك الخبر
جاتني الضحكة له وجه بعد ينكت
تنكت حضرتك من اليوم ورايح ما في أي نكت بيني وبينك
رفع حاجب أنا أدري عنك وش رجعني الحين لأهلي ما في رجعة إلا بعد شهرين لما أنتهي من عملي
صغرت عيونها بغيض لا تطالع فيني لأني مو قادره أشوف عيونك الدنيئة
عض على شفاته بصبر يا صبر أيوب آخر مره أحذرك تسخدمين هالألفاظ معي
وببرود ناظرها أدري إنها نقطة ضعفك عشان كذا ما بناقشك أكثر
تخصرت تكفى عاد موتني إنت وعيونك كأنه ماحد عنده عين إلا هو
ضحك ماخذني ع قد عقلي
فديت ضحكته والله كله ع بعضه ضعفي
تذكرت اللي كانت معه
ناظرني وهو ماد يده يللا نقطع الشارع
كشرت بوجهه ما بقطعه بنتحر عندك مانع
سحبني معه طبعا عندي مانع تبين أبوك ينحرني
ع قولتهم جان زين يسوي فيك خير
ابتسم والله أدري مو من قلبك
واجد آخذ مقلب بنفسك وبتطلعني أحبك غصب عني
كل شي يجي بالهداوة حلو وبغمزة صح؟؟
حمرت خدودي سخييييييف وقلييييييل حيا بعد
ضحك من قلب
وهو يوقف ع الرصيف مقابل وحده من المطاعم الحين قولي لي وين تبين أوديك بعدك بتروحين البحر أو ندخل أي مطعم
تذكرت إني زعلانة ميلت فمي رجعني البيت بس صديت نفسي إنت والكلـ### ذيك
ابتسم وهو يمسك يديني ويرفع ذقني قرب وجهه لدرجة احرجتني
والله إنها مجرد موظفة مسؤولة عن المبيعات كنا نتناقش بأمور الشغل بعدين من زينها يعني في أحد عنده جمون ويناظر غيرها مين هالحمـ###؟؟
مدت بوزها إنت
باس خدها أنا حمار بس ارضي عني تكفيين
توسعت ابتسامتها يعني تحبني
حك راسه وخصل شعره الناعمة وقفت وانسابت بنعومة
ضربته ع كتفه بغنج واااااااااافي
هههههههههه عيونه
: جاوب بسرعه
هههه انزين لف عليها بقوة شوووور يا ذكية يبي لها كلام
ضحكت وهو يقربها منه متوجه لأقرب شاطئ يقضوا فيه نهارهم اللي أوشك ع الغروب






..!.. آكتشّشفت ، آنيَ آقوى بَ كثيَير من كلُ تَصوَرآتيّ..!..
كوفي فيينا/ الخبر الشمالية
فتح علبة المويه للمرة الثالثة من قعدوا وشرب منها بتوتر وهو يسمع بكل آذان صاغية لأخته
: آوكيه ما عرفت وش قصده من حركة المتلثم
شبكت أصابعي ببعض وأنا أرخي نظري لها
: لا بس اللي أعرفه إنه بسام دايما معي والحين أنا متأكدة إنه عنده ناس هنا يخبروه وين أنا ووين رحت ووين جيت
عبدالله بكشرة ما بقى الا هذا يشك فيك وأنا موجود
هزيت راسي بإنكار لا مو شك بعدت عيوني بسرحان بسام يخاف عليَ
من أقل شي _وبحنين_ حتى من نفسه
زفر بضيق أنا ما أدري إنتي شلون حبيتيه نسيتي كل شي سواه لك يا لتين
لمعت عيوني وبقوة تكتفت عبدالله أنا ما نسيت وش عمي سوا فيني لأنه عمره بحياته ما سوا شي يغفر زلاته بسام حبي له يغفر كل الذنوب اللي اقترفها بحقي بعدين الله يشهد إنه من يوم ما سكنت عنده ما كان بسام اللي إنت تعرفه وأنا أعرفه
هدا صوتها وهي تناظره يتأمل كوبين القهوة التركية ع الطاولة بينهم
الشي الوحيد الزين اللي سواه أبوك إنه خلا بسام يشتغل عنده في يوم وبسبب هالشغل حبيته في أنا في يوم من الأيام
عبدالله بغيض وهو يشد ع أسنانه هاللي ما يتسمى اللي قاعده تدافعين عنه متزوجك من ست سنوات!
الصدمة أخرستني ما عدت أقدر أتكلم للحظة عقدت حواجبي بإستنكار شلوون؟؟!




: قسم بالله إنك ما تستحي على وجهك والشره مو عليك علي أنا الغبي اللي عطيتك وجه
طلال يضحك بإحراج ياخي استح على وجهك خلاص فهمت الدرس
فيصل بقهر وهو يلف بسرعة عساه يلحق ع رحلته ما بقى أقل من نص ساعة زين إنه ساكن بسكن آرامكو قريب من الميناء
: خليك ساكت بس
طلال فجأة استوعب أحلف بس اقطع وخص أنا خالك ياللوح
فيصل بعصبية ونعم الخال والله ناقعني ساعة كاملة بالسيارة أنتظرك ولا تتصل بعد ولا ترد يلعن ابليسك كل هذا وداع
طلال فيييصل كل تبن!!
فيصل ناظرة باستغراب وفجأة سكت
طلال وهو يناظر الطريق وشفيك هجدت
فيصل بابتسامة مخفية توني استوعب إنك متزوج؟!!
طلال وش دخل؟؟!!
فيصل بأدب لاا بس قلت يعني يمكن عشان كذا تأخرت
طلال ههههههههههههه عادي وأنا خالك ترا ماني منحرج منك كلنا بشر
فيصل ههههه واضح شوف وجهك قبل شوي
: سوق وإنت ساكت بس
ههههههههههه والله بفتقدك يالمغرور
طلال بابتسامة وأنا بعد
مد يده جوالك يدق
فيصل وهو يناظر الطريق مين؟؟
طلال هذا سامر خويك
أخذ الجوال منه ورد على طول
هلا وغلا سامر شلونك؟؟
سامر بفرحة مو سايعته أنا بخير عندي لك خبر بمليون
فيصل ارتفعت نبضات قلبه وبهدوء ما أدري ليه إحساسي يقولي إنه عبدالله بالموضوع
سامر بصرخة صح علييييييييك عبووود رجع الحمـ### صار له 4 أيام هنا
فيصل والإبتسامة مرسومة ع شفاته بعدم تصديق قول والله؟؟!!
سامر هههههههه والله أشوفك اليوم بالديوانية بجره لو كان بسابع أرض
سكر فيصل منه ومعالم الميناء بدت توضح قدامه
شد عليه طلال سمعت اسم خويك عساه خير
فيصل بتعب وهو يرفع علبة جنبة ويطلع منها قطعة شوكلاته صغيرة اييه عبدالله رجع
طلال بخوف انزين اشفيك إنت شكلها مع الفرحة وقف إنزل أنا بسوق
فيصل وهو ياكلها ارتاح بس عشان يرتفع السكر
وهو يناظره بخوف زين إنه رجع أكيد معه أخته كذا أتطمن ع زوجتي
فيصل يبتسم ويحاول يركز
طلال بحزم فيصل وقف قلت لك وقــــــــــــف
لف عليه وهو يوقف السيارة ع الطرف يا شيخ كلها 20 متر واصلين روقنا
طلال يفتح الباب وهو يدق ع خالد قاله يجي على طول
بدل الأماكن مع فيصل وهو يحرك السيارة
أرخى راسه ع السييت
طلال بحنان فيصل والله لو عرفت إنك رحت لحالك ما انتظرت خالد ما برضى عليك
ابتسم فيصل حاضر يبه تكفى ارضى عني
طلال يضحك ابشر يا ولدي ما يصير خاطرك إلا طيب
ههههههه الله يرجعك بالسلامة
طلال يوقف السيارة وينزل عشان يجهز نفسه آمييين





كسرت حبات البندق بالكسارة وكل حبة متخيلتها راس عبدالله أخو لتين ياهو قاهرني بس خليني أشوفه مره ثانية إذا ما علمته حركات المراهقين هذي على مين يطلعها ما يكون اسمي تاله
ضغطت بقوتي عالحبة انكسرت نصين وطارت ع راس ميرا
ناظرتني ثواني برمت شفاتها وبكت
تركت الكسارة لاااااا حياااااتي سكوزا يا عمري والله ما قصدت
كله من هالزفت عبدالله
لين وهي تتربع قدامها بيدها كوب الإسبرسو مين عبدالله؟؟
: هو في غيره المتسلط
ابتسمت لين بعدك تفكرين فيه!!
تاله بحده أفكر بلتين مو فيه هالناقص بعد!!
ضحكت لين بخفة وكأنها متنبأة لأختها
تاله بغيض وش اللي يضحك؟؟
لين تضحك ولا شي
ناظرت ميرا بحب وهي تتأملني بهدوء يقههر صح أخذ منك لتين يا قلبي
دخل بسام
السلام عليكم
عدلت جلستها لين وهي ترد السلام مع أختها
تاله بلطف حياك بسام من زمان عنك
بسام بإيجاز عندي اختبار بعد بكره ناظر لين وينها أمي والبقية؟؟
ناظر ته مباشرة ماما وبابا راحوا لخالتي نجد وراكان في الجيم
هز راسه ببال مشغول آوكيه تصبحون على خير
لين وإنت من أهله
تاله معقدة حواجبها بصدمة وهي تناظر الساعة أول ما خرج
هو قال تصبحون على خير وإلا أنا سمعت غلط
وهي تشرب من كوبها بهدوء إلا قال
تاله وهي تضم ميرا الساعة 7:00
لين بابتسامة يأس تناظر الشباك وأحد قالك بينام
يا حبيبي اللي يعشق ما يعرف طعم النوم !!
تاله تعصر عيونها تمنع الدموع رفعت يدها ياااااااارب يا عبدالله يصطفل فيك
ابتسمت لين الله يعينه
تاله بقهر يستاااااهل..!





للحين على صدمتي مو معقولة ست سنين معناها فعلا بسام يلعب ع كبير مو مثل ما كنت متخيله
مسك يدي وحنا في السيارة ما عليك منه يا لتين أنا وإنتي لازم نعرف شلون ندبر أمورنا اعتبريه ماضي وراح
ناظرته بعصبية ممكن لا عاد تقنعني أشيله من راسي تراه زوجي مستوعب إنت
ناظرها بطرف عينه كل شي فيك يمكن تغير إلا عنادك وقوتك يمكن هي اللي وصلتك لهنا
ابتسمت بأسى قوتي!! أنا معك إلا قدام بسام
ناظرها لا تسكتي وش تتوقعين من بسام الحين
تنهدت ما أدري كل يوم يكلمني هو اللي حط هالجوال في شنطتي وأنا مسافرة
لفيت عليه فجأة إلا صح ما لقيت عمي وزوجته
عبدالله بمشاعر ممزوجة وخوف بنفس الوقت
: دورت بالأماكن اللي قدرت عليها وبظل أدور مع إني متأكد بسام يعرف وينهم لكني ما بطلبه
بوزت لتين سبحان اللي قلب الآية أول إنت اللي كنت تحبه
وقف السيارة وهو ينزل معها هذا أول!
مسك يدها بقوة كل يوم أحمد ربي اللي خلاني ألقاك
لتين بابتسامة وأنا بعد يوم كنت بعيدة عنك كنت أحس نفسي تايهة مقطوعة مالي أهل
عبدالله إلا صح لتين توني أستوعب إنه أمك هي أم بندر
سكت شفت شلون؟؟
انفتح الأصنصيل
كان ماسك يدها ماشيين وبيده الكارد بيفتح الباب ناداه رجال لف عليه باستغراب
وبتفاجؤ
: سامـــــــــــــــر
سامر راح له ضمه
شفت أخوي تركني وراح للي ناداه
ما قدرت أدخل ظليت أتأملهم وهم حاضنين بعض اللي يشوفهم يقول إخوان مفترقين وردوا لبعض
ابتسمت لا إراديا وأنا أمسح دموعي معهم
تذكرت ربى وخطرت ببالي أكلمها اليوم
تركتهم بروحهم وأنا أطلع الكارد الثاني اللي عندي

*

بالغرفة المغربية الخاصة بشرب الشاي لعيلة الصايغ
محمد بصوته الضخم ايييه يا بندر ما قلت لي في هالست شهور وش سويت
بندر وبيده الكاس المغربي المزخرف معتدل بجلسته ناظر أمه المكتئبة بروحة لتين وكأنها كانت عندها على طول
: والله يبه سويت اللي قدرت أسويه
محمد بعجرفة ذي البنت ما ارتحت لها الخبث واضح بعيونها
بندر وعيونه على أمه المعترضه لكنها ساكته
: بالعكس يبه نظرتك ما هي بمحلها
محمد وما عجبه الحكي بتقولون إني قلت لكم
ناظر نجد بطرف عينه في مثل يقول اقلب الجرة على فمها تطلع البنت لأمها
بندر بغيض وهو يشوف أمه تنهان
: عاد بتطلع ملاك لو تطلع على أمها
محمد بسخرية هه ما بعد تعرفها
ورمى عليها نظرة إزدراء وهو يعطي الخادمة المغربية قربه الكاس
نظرات عيونه المتفحصة للخادمة عمرها ما خفيت ع ولده اللي يدري بعظمة أبوه وتسلطه
ع قولة أهل أمه هتلر
ولا خفت ع نجد اللي تبلع الغصة وتتجرعها مرات وتكتم بداخلها عسى أيام الشقى تزول
وقف عن إذنك يبه بطلع أنام
أشر له بيده من غير ما يرد
دقايق مرت ثقيلة وبعدها تسحبت نجد تداري وحيدها بانكسار يناقض جمالها
كأنها وردة كل يوم تعطر الدنيا بذبولها !
مع هذا ما له قلب يحس حتى يشوف!!


ناظرها وهو ينشف شعره باستعجال ترا للحين ماني ناوي أخليك بس إنتي مصره
ابتسمت وهي تقرأ آخر صفحة من سلسلة القصص القصير ( وَحِيْدَآنْ ) لسليمان الطويهر " أنصحكم بقراءتها "
سكرت الكتاب وحطته ع الكمدينة
: ما عليك مني روح أنا بكلم ربى أقولها تجي عندي
عبدالله يمشط شعره بسرعة انزين ياويلك لو أدق عليك ما تردين
وفجأة وقف تدرين إني بشوف فيصل وبجلس مع سامر والشباب مثل أول
قامت له ضمته بحنان من كثر الهم اللي فيني صرت أحس إني أكبر منك
عبدالله وقلبه تقطع عليها رفع نفسه على أطراف أصابع رجوله بمرح بيننا سنتين بس بعدني أطول منك بكثييير
لتين هههههههه يللا روح لا تتأخر ع الشباب
باس جبينها بأخوة ما بتأخر إن شاء الله
هزت راسها الله معك
أول ما طلع انسدحت ع السرير المفرد
دقت رقمه وانتظرت دقايق وجاها صوته الدافي ممزوج ببرودته
: شغلتي بالي بس ما خفت عليك
مديت بوزي ليه؟
همس بغرابة لأني عندي من يعلمني وينك
وأنا افتح شعري قلت بهدوء كنت أعرف أصلا مو المتلثم يجي منه أي شي
وفجأة تذكرت يوم يقولي عبد الله إنه بسام متزوجني من ست سنوات
بلعت ريقي وأنا أعدل جلستي
: بسام
كان صوته هادي وشكله جالس بمكان هادي بعد
: يالبيه
غمضت عيوني
: صحيح صار لك متزوجني ست سنوات؟؟
سكت لثواني وبعدها رد
: اييه
عقدت حواجبي وممكن أفهم وش السالفة؟
لا مو ممكن الحين ع التلفون
ولعت من الغيض بس أنا الحين أبي أعرف
قلت لك ما ينفع ع التلفون
وبشبه صراخ وأنا وش دراني أموت وأنا مو شايفتك
هدأ الجو بيننا وبعدها همس وكأنه قدامي بعيد الشر عنك
زفرت بتقولي وإلا أسكر
وكأنه يفكر لتين ع التلفون ما أقدر أقول شي
وبقهر إلورا أصلا كان قدامك فترة طويلة وما قلت فيها شي عشان كذا مضطرة أقفل عن إذنك متواعدة مع ربى
رغم كل هذا ما أتجرأ وأقفل بوجهه
انتظرت كلمته الوحيدة
مع السلامة
سكرت الجوال وأنا أرميه ع السرير بعصبية
ناظرت شكلي بالمرايا وبصرخة غضب يااااااااااربي أنا وش سويت بحياتي عشان يصير اللي بيصير معي
زفرت بقهر وأنا أبعد شعري عن عيوني
أخذت الجوال
ما كان فيه رقمها
فتحت شنطتي السفر الصغيرة وطلعت نوتة الأرقام الصغيرة وسجلت الرقم
بعد دقايق جاني صوتها الناعم
دق قلبي فوق دقاته بسبب عناد بسام
: السلام عليكم
: ........ وعليكم السلام ...
:مين معي
قلت بمرارة ربى أنا لتين
ربى بصدمة لتييييين كذااابة!!!!
ضحكت والدموع بعيني ربى تكفيين تعالي بشوفك
ربى وهي ما تدري إنها هنا وين أجيك يا حياتي طلال سافر اليوم
وهي تمسح دموعها أنا بالخبر لحالي
ربى اللي كانت منسدحه ع سريرها فزت إنتي بالخبر وإلا تمزحين؟؟
والله أنا بالخبر بفندق رمادا تعالي انتظرك
سكرت من عندها ما علي هي كيف جات وإلا متى أهم شي أروح أشوفها صوتها ما يبشر بالخير
حطيت السماعة بإذني أكلم طلال أستأذنه وأنا أطلع لي أي بدلة ألبسها



ركز عيونه عليها وهي مسدوحه ع السرير بذبول
قرب منها حط كفه ع جبينها
سرت بجسدي قشعريرة وانتشر بعدها الدفا فيني ابتسمت له تحتاج شي حبيبي؟؟
فيصل بخوف إنت مريضة حبيبتي
هزيت راسي لا بس ظنيتك رحت قلت أريح شوي اليوم بتجيني أختي ويارا
تنهد الحمدلله آوكيه أجل أنا رايح أشوفك الليلة ياويلك لو نمتي قبل لا آجي
ههههههه لا يهمك حبيبي
باسها وهو طالع متحمس يشوف خوي عمره عبدالله
أول ما خرج قمت ع المطبخ
طلعت بعض الخفايف عشان البنات ما باقي شي ويجوون
فتحت الثلاجة بجهز كاسات العصير وأزينها بشرايح البرتقال الفريش
انتبهت ع شي جذبني
غصن وردة جوري بيضة مشبعة بالفوشيا
وورقة مزخرفة بالذهبي جنبها بعبارة ما شفت أرق منها
: Make me late for work tomorrow!
ابتسمت وأنا أشمها كأنه واقف قدامي ويقولها
طلعتها وأنا اسكر باب الثلاجة
فتحت دولاب الصالة الخشبي خرجت المزهرية الطويلة
وحطيتها فيها ما انتبهت ع الورقة يوم نسيتها ع الطاولة وأنا آخذ المزهرية
فاجأتني يارا بدخولها هي وسارا
وأنا أسلم ع سارا آهليين زين ما تأخرتوا توه طالع فيصل
يارا وهي تلوح بالورقة بخبث والله شكله ما بيطول وده يتأخر عن العمل بكره
صرخت وأنا أسحب الورقة منها
يارا ههههههههههههههههه سوري والله بس الفضول خلاني أشوفها
حطيتها بجيبي ووجهي محمر تدرين إنك ملقوفة ليه شفتيها ليييييييه
يارا هههههههههههه مشاء الله عليه
سارا ابتسمت أشوووف ؟؟
لمار وهي طالعه والله لو جنيتي ما بوريك كافي هالملقوفة اللي معك
يارا وهي تفتح علبة الشوكلاتة جنبها وترمي حبة بفمها هو فعلا إحراج لكن يا زينة فيصل مشاء الله الله يهنيك فيه يا لموو
سارا ولمار من المطبخ آمييين
وهي تشرب العصير البارد إلا تعالي لموو صح وين رايح زوجك
لمار وهي تجلس ناظرت أختها تخيلي عاد رجع خويه عبدالله مع أخته لتين صديقة ربى مرة طلال
سارا بذهول ذااك اللي راح يدور أخته؟!
هزت راسها اييه يا حياتي لو تشوفين شلون الفرحة بعيونه واضحه
يارا بجدية لااا أجل من جد اليوم لازم تفرحيه لموو
لمار إنتي بالله أكرمينا بسكوتك
ضحكت يارا من قلب وهي تشوف وجه أعز ناسها يتلون بحيا أتعبها...

مديت الكارد للموظف لو سمحت ممكن توصلني للغرفة هذي
: الدور 6 رقم الغرفة 1011
مسحني بنظرة وأشر للموظف المصري
جا وكمل نظرة خويه وبابتسامة آمرك يا سيدي
الموظف السعودي وصل المدام للغرفة المطلوبة وعطاه الكارد
أخذه والابتسامة ع وجهه مد يده قدامي تفضلي يا ستي
مشيت قدامه وفجأة لفيت عليه عطيني الكارد لو سمحت
ناظرني هوا في اييه يا مدام
شديت ع أسناني بحزم قلت لك عطيني الرقم
عطاني هو
مشيت قدامه وطلعت بالأصنصيل صدق ما ينعطى وجه
دق قلبي بخوف والاصنصيل قرب يوصل
معقولة بشوف لتين هذا حلم وإلا علم
دقايق وشفت الغرفة المنشودة
بلعت ريقي وأنا آخذ نفس تذكرت كلمة طلال ع التلفون
: اسمعي لها أكيد ما رجعها إلا شي كبير
غمضت عيوني أكيد بسمع لها إن شاء الله
دقيت الجرس بيد ترتجف
بعد ثواني فتحت الباب
شلت غطاي وأنا أدخل
ما شفت شي منها غير إنها طاحت بحضني وبكاها قبض قلبي جسيت إنه شي جايد اللي رجعت عشانه
مسحت ع شعرها وأنا امسح دموعي وحشتيني لتييين
مسحت أنفها وعيونها بالمنديل وهي تسحبني تجلسني ع الكرسي وتجلس قدامي
وبنفس متقطع ربى بلييز خليك معي بقولك كل شي تعبت من الهم اللي شايلته بصدري
ناظرت المكان حولي
مسكت يدها وشديت عليها
لتين أنا دايما معك طلال اليوم سافر تعالي نامي عندي
هزيت راسي وعيوني غرقانة ما أقدر عبدالله معاي
بإصرار مو مشكلة ينام عند أخوياؤة
يوم شافتني سكت
ابتسمت الحين امسحي دموعك وحكيني قولي لي وش رجعك من غير بسام
خذت نفس إلورا بقولك لأني حاسة إني بموت لو ما تكلمت...

..!..تسمـع آذآ قآلوآ !؟
رفيــق دربي -
آخو دنيــــآي -
آغلى نآسي -
آنت ولآ [ وآحد ] منهم ،،
،، آنت آللي آع‘ـجـز آسميك
. . . آذآ سألوني من تكون !؟
آحتآر ’ كيف ‘ آش ـرح !
بسمتك ، كلآمك ، وقلبك آلحنون
--{ ودي بس وشلون يفهمون ..!..

ضربه ع كتفه قسم بالله إنه لك وحشة يا قيس
فيصل يضحك بفرحة اييه قيس فقدتها تذكر فصوليا حقتك
سامر وعبدالله هههههههههههههههههه
إلا ع الطاري شباب وين بقية العيال
سامر يعطيه فنجان القهوة حبينا اليوم نستفرد فيك وبكره البقية
عبدالله بحب أخوي ما قصرتوا يعطيكم العافيه
سامر عن الرسميات هاا أقول عبوود شرايك تجي تنام عندي أنت وأختك
ناظر عبدالله بطرف عينه
فيصل ههههههههه قالك كم مره بعد عن أخته
سامر بابتسامة إحراج لا والله عشان أختي موجودة تجلس معها تكونون بنفس البيت
عبدالله سكت وبعد مدة قال أختي تزوجت
سامر وفيصل أكبر علامة استفهام ؟!!!!؟؟؟
سامر سكت أما فيصل تكلم
شلون تزوجت؟؟ يعني قصدي كيف أنت تدري؟؟
عبدالله زفر ما ودي أكدر خاطري بطاريه لكنها تزوجت بسام الخسيس
سامر وقف وشووووو؟؟؟؟
من جدك إنت؟؟
عبدالله جلسه ياخي ارتاح شفيك إنت؟ سالفة طويلة اقفلها الحين
سامر والتفكير أخذه هدأ اوكيه بجلس وإنت مروق يا حبيبي قولي وش سويت في هالمدة
عبدالله يضيع الموضوع إلا صدق فيصل تزوجت لمار
فيصل يعصبية لاااااااا بعد شرايك تدلعها
ابتسم مالت عليك أنا عبود وإنت ولمار عشرة سنين
ضحكوا عليه
عبدالله يغمز لسامر تذكر سموور يوم كان يحفر اسمها بيده بقزاز البيرة
سامر دخل جوو ايييه الله يذكر ذيك الأيام ويجي برهوووم ويصيده
فيصل بإحراج ايييييه اكذب إنت وياه ما وراكم شي
عبدالله يعدل جلسته بحماس شعورك يوم العرس شلون كان
فيصل وهو يتذكر يوم عرسه ضحك من فرحتي دخلت بغيبوبة
عبدالله فهه خراااط
سامر ههههههههه حلوه
فيصل والله جد جاني السكري بعيد عنك
فتحت عيوني بعدم تصديق يا حليلك يا فيصل حتى بهذي متكدر
نزلت عيوني وأنا أشد ع كتفه ما عليك هالدنيا ما صفت لأحد
سامر يغير الجو ايييه شرايكم نلعب بلياردوا
عبدالله يحك راسه تصدق ذكرتني ببندر مشاء الله عليه ماهر فيها
سامر وفيصل سوا مين بندر
عبدالله بضحكة خويي في هالمدة
رمى سامر العصا من يده لا إنت من جد لازم تجلس وتقولنا سالفة رحلتك
عبدالله ولا مفر آوكيه استريح....



* عجــزت آسْتوعبـه ؛ غ ـيآبك !
نزل الدرج الرخامي العريض وبيده الشنطة يجرها وعليها البالطو مرمي بوداع
ناظر الجالسين
: السلام عليكم
الكل وعليكم السلام
وقفت أمه وقلبها فاض فيه الحنان حبيبي وين رايح؟
بسام وعيونه ع الشنطة بروح أختبر وأطلع المطار
بدر المطار؟!!
الوجيه كلها مستغربة
رفع راسه بروح الخبر عندي أشغال مهمه ما راح أطول أقل من أسبوع بكون هنا
باس يد أمه وراسها وانكمشت بحضنه تبكي
تبكي ولدها اللي عايش روح بلا جسد
وكأنه تايهه في عيون الكل وفي كل زاوية يشوف لتين ويسمع حسها
هم صعبة عليهم فراقها كيف هو وهي قطعة منه
بدر هز راسه الله معك يا ولدي
بسام يلبس البالطو حقه وهو يترك أمه
دعواتك يمه مو متأخر إن شاء الله
مسحت دموعها الله يوفقك يمه وين ما كنت انتبه ع روحك وحل زين باختبارك لا تفكر بشي هذا مستقبلك يا ولدي
أومأ براسه وهو يسلم ع الجميع خارج
إلى أرضٍ هي أرضه وروحٌ تمردت الأيام فمزقتها نصفين وتاه كل نصف عن الآخر
ثمة بوادر قد تعيد إلتئامهما..!
*
*
*
لا إصبع بين الزوج والزوجة..[ حكمة إيطالية تمنع التدخل في الشؤون الداخلية للزوجين]
نهاية الجزء الثالث والثلاثون



 

رد مع اقتباس
قديم 04-17-2012, 11:22 PM   #55



الصورة الرمزية ατσян|♣
ατσян|♣ غير متصل

بيانات اضافيه [ + ]
 رقم العضوية : 78
 تاريخ التسجيل :  Apr 2011
 أخر زيارة : 07-18-2014 (07:59 AM)
 المشاركات : 12,606 [ + ]
 التقييم :  758
 مزاجي
 MMS ~
MMS ~
لوني المفضل : Cadetblue
افتراضي رد: رواية خنقت الورد يايمه وبيدي إنكسر ذبلان كامله



بسم الله الرحمن الرحيم
الجزء الرابع والثلاثون

شُكْرَا لِغَدْرِك فَقَد أَحْيَا فِيْنِي إِنْسَانَه بِت أَعْشَق غُرُوُرَهَا و طُمُوْحِهَا

لآ تستفز أنوثتي
كي لآ أبعثر [ رجولتك [.


تسندت ع صدره بخمول وبرقة داعبت أنفه الواقف
حبيبي..
تمتم بكلمات وكمل نومه
ابتسمت بحب فيصل حياتي راح عليك الدوام
فتح عيونه ببطأ
حضني وهو يطبطب عليّ إنتي مو بس خليتيني أتأخر عن العمل خليتيه يروح عليّ
ضحكت وأنا مغمضه عيوني هذي أوامرك
سكت وأنا أسمع لدقات قلبه المنتظمة وحاسة بخمول مو طبيعي
فيصل وهو يجلس ع السرير ويجلسني قربه شرايك نطلع نفطر بالمريديان
حكيت عيوني وأنا اتثاوب ما فيني حبيبي والله حاسة جسمي متكسر
ناظرني لدقايق بصمت آوكيه ع راحتك
أنا بروح الصيدلية وأرجع
وهو يقوم ناظرته وش رايح تسوي بالصيدلية
قال بكذب وهو ياخذ منشفته بجيب مسحات طبية عشان التحليل
سندت راسي ع المخدة أجل حياتي ترجع تلاقي الفطور جاهز
مد راسه من الحمام قبل لا يسكره لا تسوين شي خليك مرتاحه أنا بجيب معي
ابتسمت وأنا اتغطى الله لا يحرمني منك حياتي


مرخية جسمي ع الكرسي الممد
الكوافيرا تلعب بوجهي بألوان ما ما تلفت نظر الجمهور حتى تحافظ على جاذبية الفستان
وقفت فوق راسي مي نونا "جدتي"
تاله حبيبي جبت لك سفورماتو
( تحلية ايطاليه بين الكيك والبودينغ بالشوكلاتة تقدم مع الكريمة )
اعتقتني الكوافير بابتسامة
عدلت جلستي وأنا آخذ الصحن منها
حياتي نونا عن جد جوعانة
رويدا تضحك إنتي دايما قبل الشو جوعانة يللا كلي ما بقي شي ويبدا
حطيت لقمه بفمي
أحلف إنها وقفت مثل الغصة في الشو اللي قبل هذا كانت لتين معي يوم لبست فستان زواجها
تنهدت وأنا أترك الصحن نونا
رويدا بحنان كوالي؟؟
"ماذا؟"
قلت بترجي دورولي رقم لتين بكلمها بليييز
ماما اللي جات بعد تاله ما خلصتي
هزيت راسي بكلم لتين أول
أشرت للكوافيرا تكمل لي وهي ترجعني ع الكرسي
ما بقى شي ويبدأ العرض وبسام ما يرد ع جواله أكيد نايم
بعدين تكلمينها
غمضت عيوني بقوة والله هذا عبدالله إذا شفته راح أهزئة وخلي أحد يكلمني
ابتسمت رويدا لبنتها اللي ما بيدها شي قدام خبالة بنتها
دخلت الموظفة من بين العارضات وزحمة اللبس قبل العرض

Signora ha dotato vestito Miss Talah"
"سيدتي لقد جهز ثوب الأنسة تاله "
ناظرتني جدتي إلورا أول ما تنتهي تاله حبيبتي خليهم يلبسوك ياه
وصت الموظفة الخاصة بالتجهيز عليها ورافقت بنتها لمتابعة الحضور

رسائلك أشبه بطيرٍ صغير يلجُ قلبي ..
يكاد يعبثُ بهِ و يلاطف أشياؤه الحزينة حتى ينشئها خلقاً آخر فتغدو أفراحا

مياه الخليج العربي/ 2:00 ظهرا
عدل الكاب يحمي نفسه من أشعة الشمس الحارقة
وجهه لفحته الشمس وكسته بحمار ظل علامة على مهنته


قرأ الرسالة مرة واثنين
حملت له عبير حبيبته اللي تركها ببداية زواجهم مضطر
سكر الجوال ورجعه لجيبه وابتسامة ما فارقة شفاه
قرب الجرسون يحمل طبق الحبار المقلي كمشهيات قبل وجبة الغداء
ضيفه بتحية
أخذ حبة مو مشتهيها بس سعادته وشوقه لرباه
أخل التوازن بتصرفاته
رجع ع ورى وع طول يده رماها في عرض البحر
: يللا تاخذ دعوة من سمكة جوعانة
لف ع الصوت
ابتسم للطباخ الأردني هلا يوسف
يوسف بابتسامة آهليين يا كابتن تفضل السفرة ممدودة
ابتسم له وهو يجلس
الصبر بدا يلعب لعبته ويتسلى بنفاذه من اليوم وأمس وهو يعد لحظات رجوعه




أول ما فتحت عيني وحسيت إنه أحد نايم جنبي فزيت بسرعه
ويوم شفته رجال طاح قلبي
هذا مو عبدالله
استوعبت وأنا افرك عيوني وبصوت عالي
: بســـــــــــــام
كان مسدوح نص سدحه وحاط رجل ع رجل ويده ع جبينه
فتح عيونه وهو يعدل جلسته
: صباح الورد
قربني له وطبع قبلة الصباح الخاصة فيه
بلعت ريقي بشوق حاولت أخفيه بسؤال طلع عفوي
:متى جيت؟؟
ابتسم لي أمس
بعدت البطانية وأنا أقوم أناظرة مو مستوعبة
ووكيف عبدالله دخلك؟؟ يعني ما قالك شي؟؟
تنهد شبه رضى عني أخوك
عقدت حواجبي بروح أشوفه
فتحت الباب لقيته نايم ع الكنبة
قربت منه ع أطراف أصابع رجولي
فتح عيونه وهو يعدل جلسته بنعس وشكله هلكان
:لتيين شفتي بسام؟؟
هزيت راسي اييه إنت ليه نايم هنا
حك راسه بتعب جيت متأخر ويوم حطيت راسي بنام جا وظلينا نتكلم لين أذن الفجر
وخفت عليك
قومته برقة يعطيك العافيه عبود قوم نام بغرفتك لا تخاف علي
ناظرني لو سوا لك شي تصحيني على طول
ابتسمت أبشر
ولفيت معه
شفت بسام مايل ع الباب يناظرنا
ناظره عبدالله وشكله انحرج لأنه سمعه ودخل ينام
ناظرني من فوق لتحت تعالي
قربت وأنا خاطري أحضنه
مسك يدي ودخلني الغرفة
ناظر المكان لمي أغراضك بنطلع من الهوتيل
عقدت حواجبي شلون؟؟
وهو يفكر جهزي أغراضك أنا اتفقت مع عبدالله
وبعدين بدلي ثيابك باخذك مشوار
اعترضت وعبدالله؟؟
شد ع يدي أخذته ع المشوار قبلك
وبغيض يكتمه
أكره لما تكوني معاي وأحد يتصرف فيك
نزلت عيوني وأنا أخفي ضحكتي ع غيرته الطفولية
هذا أخوي وهو المسؤول عني بغيابك
رفع ذقني بس أنا موجود
وبلا مقدمات ضمني
ضميته بشوق وأنا أهمس
: إنكسرت بغيابك
لا متسع للحديث.. دنيا العشق يكفيها عزف ترانيم حبٍ بكمان حزين..


عطيته البيبسي وحطيت صحن البوب كورن بالنص
عدلت جلستي
:بيبي
وهو يقلب بالقنوات عيونه
ابتسمت وأنا اتحمحم
اممم كم وحدة دخلت عليها قبلي
ترك الريموت وهو يناظرني بعتاب وش شايفتني جمانة لهالدرجة طايح من عينك؟؟
اللقمة وقفت بحلقي شفيه هذا شسويت ما قلت شي؟؟
ناظرته باستغراب لييه؟؟
وشو اللي ليه؟؟ إسألي نفسك السؤال اللي سألتيه في وحده تسأله لزوجها
تركت البيبسي من يدي بقوة ع الطاولة بعصبيه أنا مو فاهمه عليك سؤالي ما فيه شي
كم وحدة شفتها قبلي؟ يعني أهلك جو يخطبون لك على طول خطبوني أنا وإلا خطبت غيري وشفتهم؟
رفع حاجب لمدة وبعدها ابتسم الله يقطع ابليسك راح تفكيري بعيد
ما استوعبت بالبداية ويوم فهمت قصده حمر وجهي بانفعال عشان تعرف مين تفكيره منحرف
ضحك من قلب وهو ياكل بوب كورن والله اسمحي لي جمون اللي يجلس معك لازم تفكيره يروح بعيد كل سباتك واطي حقير ،،، وهلم جرا
تدرون قالها بمزح لكن والله وجهي طاح خلاص من اليوم بحاول أمسك لساني وبردة فعل عكسيه
قلت بعصبيه لاااااااا شقصدك ليكون أنا اللي خليت تفكيرك وسـ.. وتذكرت عدلت الكلمة
خليت تفكيرك مو زين هااااا؟؟!! من عاشر القوم يعني؟؟
رجع ظهره ع الكنبة ورجعني معه والله أحلى عشرة لو أدري إنه جمانة هي زوجتي كان من يوم فتحت عيوني خليتهم يزوجوني ياك
ارتخت أعصابي يا ويل حالي بيذبحني هالإنسان
ميل راسه يناظرني وباستعباط
: مستحيه؟؟
شبكت أصابعي في بعض بحيا شرايك يعني؟؟
لخبط شعري هههههههههه فديت حياتي يا حلو الحيا عليك
وحرك حاجب بخبث...!


مآني بْ / حآجـة َ شي ! . . . . لـاْ صَرت » جنبگ
كنت أفرم السلطة وبالي مو معاي قاعدة أفكر بسامر وخويه اللي رجع
معناها أكيد لتين معاه لأنه حلف ما يرجع إلا وهي معه بس بعد يمكن ما لقاها ورجع
حست بوزي بتفكير يبي لي أكلم ربى أكيد درت وإذا ما درت بتتصرف
ليلى وهي تحط الصحن العميق قدامي وديم حبيبتي قلت لك لا تعبين روحك خليني أنا أكملها
ابتسمت وأنا أقطع نهاية الخيارة ما بقى شي خالتي كلها صحن سلطة
بعدت وهي تقول للخادمة تطلع باقي الصحون اوكيه انتبهي ع يدك حبيبتي أنا بشوف عمك
هزيت راسي وأنا أناظر الساعة وأفضي الخضار اللي قطعتها بالصحن
غريبة ماجد تأخر على أساس الحين يوصل
ما لحقت أكمل تفكيري شفته داخل
سلااااام
لفيت عليه بابتسامة وعليكم السلام هلا حبيبي كيف الدوام
قرب مني وهو يرمي شماغه ع ورى تمام
سرق ورقة خس وهو ياكلها شلون جامعتك؟؟
رفعت حاجب ماشي حالها اليوم ما جات ربى الظاهر إنه وداع الكابتن مأثر عليها
ابتسم اتركي الرجال بحاله أكيد عندها شي عشان كذا ما حضرت
وديم بنرفزة لو ربى متزوجة سامر أخوي أحسن
ماجد بجدية ممكن تسكرين الموضوع البنت متزوجة
تبلت السلطة بالزيت والملح والليمون وحطيتها ع الطاولة وأنا أغسل ايدي
أنا مدري ليه هالإنسان مو داخل مزاجي
حوط خصرها بهدوء وذقنه ع كتفها شش خليني أنا بس.. بس أنا على بالك ما عليك فيهم
سكرت الموية بربكة
عطاني المنشفة
أخذتها و أنا أنشف حبيبي ..
وهو يتأملها بالحيوية اللي ضافها لها الجينز الأصفر آمري
ميلت راسها بكره ما عندي كلاسات شرايك تجي تفطر عندنا
حك ذقنه بكـــره ! آوكيه ليه لا ؟؟
ضحكت وهي تمسك يديني تعال تغدا أجل وذوق السلطة اللي مسويتها
ماجد يستهبل اييه عاد وديم مسويه سلطة مين قدها
ناظرته بطرف عينها قول الحمدلله ع النعمة
ماجد باستغراب هو الحمدلله ع كل شي لكن وشو سلطة معتبرتها أكل إنتي
وديم تتخصر والله عاد مو شغلي إذا ما أعرف أطبخ
وقفت ليلى بابتسامة ولا يهمك كل يوم غداك يوصل لعندك كم ودوم عندنا
وديم باحراج تناظره مشكورة يا خالتي ما تقصرين
ماجد اوووه يا ليلى تخربينها علي من الحين ما فييه قدامك سنة تتعلمين الطبخ فيها أنا الأكل مهم بالنسبة لي
عمر من بعيد رحتي تناديهم ياليلى غطيتي معهم
ليلى تضحك نسيتوني الأكل بيبرد



كل ورد الحب في قلبـي نبت
و
ازهرت روح ٍ يعطرها شذاك
نزل من السيارة
فتح لي الباب مسك كفي ونزلني معه
ناظرت المكان بوحشة
: وش هذا بسام؟!
ما رد ومشاني معاه
دارت عيوني ع المكان
بيت كبيييير ديكوره غريب ع بيت في السعودية وكأنه من العصر الفكتوري
خرج من جيب بنطلونه مفتاح كبير من الحديد الأسود المغبش
فتح البوابة الحديدية
ودخلني..
حديقة كبيرة تتوسطها نافورة من الحجر البيجي والموية الصافية تنساب منها كأنها الذهب بلمعتها
أصيص الورد الأحمر التوليبي منتشر بكل مكان
شديت ع يده وأنا أرفع راسي له
: بسام قولي وين جايبني؟؟
ناظرني ورجع كمل طريقه ع المدخل الضخم
خرج رزمة المفاتيح من جيبه وقبل لا يفتح الباب انفتح
طلت بنت أجنبية من مظهرها واضح إنها عايشه في زمن غير اللي حنا فيه
ثوب من الثياب الانجليزية الكبيرة وشعرها مسحوب ع ورى وبشرة باهته
ابتسمت أهلا سيد بسام
انفجعت يوم شفتها تتكلم عربي وشبه سعودي بعد
هز راسه وهو يدخل أهلا
ما كنت أقل دهشة من اللي شفته برا
جلسني ع الكرسي الأسود وجلس قدامي

[عزيزى الزائر لايمكنك مشاهده الروابط الا بعد التسجيلللتسجيل اضغط هنا]

أشر للخادمة ضيفي المدام
اختفت من قدامه بلحظات
ناظرته وأنا ابعد لثمتي
ناظرني بهدوء وبعدها
قام جلس قدامي ع ركبه
مسك يدي يدفيها بكفه الحانية
تمسكت فيها وبعيوني استفهامات الدنيا
لف نظره حولي وعلى نفس هدوءه
: هالبيت بكبره لك !
وجهي خالي من المعاني وأدري بسام لا قال كلمة ما يلعب فيها
لكن وش قصده!!
شد ع يدي وهو يقبلها
: جيت للسعودية قبل ست سنوات تزوجتك والمهر هالبيت
بنيته بمهرك..
إذا حبيتي تبيعيه هو واللي فيه تحت أمرك
نزل عيونه وإذا حبيتي تعيشين فيه بعد هو ملكك
رفع عيونه لي تأملتها أدور آي شي ثاني
عيونه تنطق بالحب لكن ليه مو قادره أبعد كل حاجز بيني وبينه ما أدري
هزيت راسي أنا ما أبغا من هالدنيا إلا إنت
حطت الخادمة كاسة العصير الوحيدة وميلت راسها بابتسامة
العصير سيد بسام
أعطاها الأمر إنها تروح
رفع الكاسة وشربني منها
بلل حلقي بطعم الجوافة الثقيل وشرب بعدي
رجعها ومسك يدي قومني
مشينا بالممرات
: أنا ما يمديني أوريك البيت كله لأنك بتعيشين فيه استكشفيه لوحدك
شد ع يدي وهو يفتح وحده من الأبواب
كانت غرفة سفرة من نفس الطراز ضخمة بشكل طولي يجي خمسين كرسي فيها
والخدم مصطفين حولها
بعد لي الكرسي أجلس
رهبة المكان منعتني من الجلوس
هزيت راسي بظل جنبك
وبخوف بسام مين عايش في البيت؟؟
ناظر الخدم هذولا تحت أمرك عايشين في البيت من أول يوم انبنى فيه
قربني منه
وبصوت جهوري
: هذي سيدة البيت مدام لتين !
تكلمت أول وحده فيهم كبيرة بالسن تربط ع راسها ايشارب مشجر بورد مزهر
: هلا مدام لتين على كذا هذا بيتك
أومأ براسه بسام اييه من اليوم راح تكون فيه
وبتحذير
كل كلمة تقولها تتنفذ !
لمحت ابتسامات الرضى على وجيههم ما عدا آخر وحده قلبي قبضني منها
لفني معه وطلعنا
بآخر الممر الفاضي قرب حتى سندني ع الجدار
: أنا بروح لعبدالله عندنا شغل مهم بتركك هنا
هزيت راسي برفض بسام لا تخليني هنا أخاف أجلس مع كل هالخدم لحالي
سكت وعيونه تتفحص ملامحي
ارتبكت وحجابي طاح
فتحت فمي بتكلم
سكتتها قبلة طبعها باحترام على جبينها وبعشق ينبض
مسح ع خدها
: أنا ما أتركك بمكان ما أثق فيه
سكتت رغم إني خايفه
نادى بصوت واحد
: جولييين
فتحت الباب خادمة بملامح شعثه
ابتسمت آمر سيد بسام
أشر علي لتين بأمانتك..
ناظرني
هزيت راسي إلورا لا تتأخر
أشر على عيونه
واختفى عن نظري حتى ظله تلاشى
قربت مني اللي تتسمى جولين
ابتسمت آهلين مدام لتين حابه ترتاحي أو أعرفك ع البيت
ناظرتها براحة وجهها يطمن مع إنها مثال للدمامة !
صدق من قال الجمال جمال الروح!!
وباستغراب سألتها إنتي مو سعودية أكيد
ضحكت وهي ترفع حجابي وتطبقه بترتيب
كل الخدم هنا من أصول إيطاليه ما عدا شريفه سعودية
عقدت حواجبي وشلون كلامكم عربي؟؟
ابتسمت أنا مجبرة أرد على كل أسألتك لأنك مدام هالبيت الكبير بس أول شي لازم تغيري ملابسك وتريحي أعصابك وأنا راح أكون معك وبعدها نتكلم
ابتسمت لها
ضحكت مو من غريب السيد بسام باني هالبيت لك في أحد يشوف هالإبتسامة وما يضعف
ناظرتها بطرف عيني
اعتذرت بلباقة وهي تفتح باب كبير ارتفاعه لآخر السقف
تفضلي مدام
ممر طويل بآخره انحناءة
مشيت معها
الجدار من الحواف كله مرايا تعكس صور ناس ما دققت فيهم بس بعض الصور وقفتني
جدتي!!
شفت جدتي ومعها رجال ثاني كان أبوي
يشبه الصورة الوحيدة اللي لقيتها عند عمي
غرقت عيوني
بلحظات شفت منديل قدامي
أخذته وأنا أمسح دموعي وذكريات مؤلمة تجتاحني
حسيت فيها تحضني
طبطبت ع ظهري بحنان وهي تتركني
: ممنوع ع الخدم يقربون من المدام لكن شكلك غير كل توقعاتنا
كنا نتوقع مدام لتين زوجة السيد بسام كبيرة مو بعمرك
ابتسمت من بين دموعي خلني أغير ثيابي في أشياء كثير شاغلتني
هزت راسها وهي تكمل طريقها قدامي وتفتح الباب
تفضلي مدام هذي غرفتك الخاصة....




ياقو قلبگ تطعن القلب ب رماح .. وترجع تسوولف ما تهمگ طعونـﮧ!
قدام مبنى المحجر الطبي بالدمام
ودك أدخل معك
ناظره بتوتر عالي وبعدها مسح عرق يتوهمه وزفر
: إذا ما عندك مانع...
*
*
*
ايطاليا [تحتل إحدى العشر المراكز الأولى من حيث جودة الحياة فيها]
نهاية الجزء الرابع والثلاثون


 

رد مع اقتباس
قديم 04-17-2012, 11:27 PM   #56



الصورة الرمزية ατσян|♣
ατσян|♣ غير متصل

بيانات اضافيه [ + ]
 رقم العضوية : 78
 تاريخ التسجيل :  Apr 2011
 أخر زيارة : 07-18-2014 (07:59 AM)
 المشاركات : 12,606 [ + ]
 التقييم :  758
 مزاجي
 MMS ~
MMS ~
لوني المفضل : Cadetblue
افتراضي رد: رواية خنقت الورد يايمه وبيدي إنكسر ذبلان كامله



مشاء الله تبارك الله لا حول ولا قوة إلا بالله ولا تضره
بسم الله الرحمن الرحيم
الجزء الخامس والثلاثون

ممرات العمر غريبة الأثر حملت أشواك حلم ، وخطوات بلا بصمات

يا قوَ قلبك تطعن القلب برماح وترجع تسولف ما تهمك طعونه
قدام مبنى المحجر الطبي بالدمام
:ودك أدخل معك
ناظره بتوتر عالي وبعدها مسح عرق يتوهمه وزفر
: إذا ما عندك مانع
ربت ع كتفه ومسكه من يده
توكل على الله
وقف دقيقتين يعرف الموظف المسؤول عليه
و بإشارة منه
قرب السيكورتي وأشر لهم يمشوا معاه
راسه منحني للأرض
ما له وجه يحط عينه بأي وجه من حوله
حتى اللي ع يمينه ويعتبر زوج أخته متفشل منه !
بسام وقبل لا بدخلهم السيكورتي عنده
شد ع كتفه ارفع راسك يا عبدالله
مثلك المفروض نفتخر فيه
ناظره بصمت
تبادلوا النظرات وانفتح الباب
منظر يطل ع بوابة كبيرة قضبان الحديد حوطتها
أحمد اللي ما يدري من جاي لزيارته
المرض أكل وشرب منه وعليه
ناظر الفراغ قدامه
وبلحظات استوعب شخص قدامه
هذا من ضمن من ظلمهم بحياته
تمسكت بالحديد أحافظ على توازن جسمي
وبصعوبة
: يبـــــــ...ــه
بسام متكتف يتأمل
بداخله أشلاء تتناثر على هالولد اللي ماله ذنب في هالحياة إلا إنه هالإنسان أبوه
أحمد بضعف
عبدالله ولدي... وينك عني يا ولدي من زمان
عبدالله وهو ممنوع من إنه يقرب عليه حتى ما ينتقل له أي عدوى
عيونه غرقت وكلها لحظات وانهد حاجب القوة والصد
ودموعه نزلت
وبقهر
صعبة يا يبه والله صعبة قدامي وما أقدر ألمسك...
أحمد بخزي يا ولدي الملعونة ضحكت عليّ
قاطعه وهو يمسح دموع الرجال
يبه .... أنا استحي اسمع اللي إنت ما استحيت تسويه
وبجرح غاير بداخله
تكفى خليني أذكرك بخير
أحمد وانقبض قلبه العار كاسيه
:آمر يا عبدالله
منع دموعه لا تنزل أكثر الظاهر قدامه كثير من الليالي يبكي فيها براحته
: أمي وينها؟؟
عقد حواجبه الخفيفة أمك راحت وتركتني تزوجت أمك يا عبـ...
قاطعه من بين أسنانه أمي ما تركتك من غير شي أكيد
يوم حسيت إنه بتطيح بينهم تدخلت مع إني ما كنت ناوي أتدخل
قربت منه عبدالله تعال معي أنا بخبرك
أحمد ووجه تلون يوم شاف بسام
وبقرف إنـــــــت!!
ما رد عليه بسام ولا عبره
عبدالله بقهر وقلة حيلة هذا سوا اللي إنت ما سويته يبه
أحمد بغيض كذاب وحرامي بعد هالنصاب لا يضحك عليك يا عبدالله
ناظره بعتاب وهو يلف خارج
: طول عمرك بتظل يبه اللي أعرفه
وصدقت لتين !!


قطعة أنيقة من الساتان الأبيض
يعلوها طبقة خفيفة من الشيفون بلون الـ آوف وايت مزخرفة بلطافة
كمها يبدا من حد الصدر بفيونكة بارزة من كل جهة
وينسدل بإثارة لإنحناءة الركبة..
تمايلت ع المنصة مثل ما هو مطلوب من عارضة الـ فاشون
رمت لي لين بوسة
الجمود اللي لازم أتحلى فيه منعني حتى من إني أرف برمشي لها
للحظة حسيت ببكي
نفسيتي زفت
رجعت وما ظهر علي أي توتر
هذا إحنا متعودين نكسي مشاعرنا بقناع الجمود المثلج
تلقتني جيهان بالأحضان
ما قدرت أمسك نفسي أكثر بكيت
يا ربي والله مو قادره وحشتني لتيين
جيهان تمسح ع شعري كوزي كوزي حياتي بترجع إن شاء الله
وسن بحب يي شوبكي حبيبة ألبي توتو
قربت لين وبحنان أخذت أختها من حضن خالتها وحضنتها
وبرقة كلنا مشتاقين لها بس ما باليد حيلة
وقفت ميليسا المسؤولة عن الميك آب وأشرت لي بيدها آوكيه
ابتسمت من بين دموعي ومن التساؤولات اللي بوجهها
اعتذرت وتسحبت منهم
دخلت الغرفة وأنا أجلس بفستاني
طلعت التلفون من شنطتي ودقيت الرقم وأنا امسح دموعي
هذي مو حاله بجد
جاني صوته الحنون
: بينفونوتي بنتي الأمورة
بلعت الغصة تشاو دادي
ها كيف الشو يا حبيبة بابا
مسحت أنفي ما أدري؟؟
بدر بخوف فيك شي بنتي؟؟ صوتك مو طبيعي؟
وكأنه عطاني الإشارة بكيت بقهر بابا بليييز خليني أروح الخبر
وحشتني لتين أكيد هي متضايقة
سكت لمدة وبعطف معليش يا بنتي...
قاطعته بقوة بابا إذا إنتوا ما بتروحون أنا بروح لها أنا ما عندي شي
لأنها بنته الدلوعة المليانة حيوية وحب للحياة رضخ قدام دموعها
وبحنان إلورا حبيبتي أنا بشوف وما يصير خاطرك إلا طيب
وعد بابا
ابتسم وعد يللا أشوف ابتسمي
ابتسمت بحب بابا إنت أحلى أب بالدنيا
بدر بضحكة غراتسي يا دلوعة يللا سكري خليني أشوف أخوك
باست التلفون بقوة وهي تنقز بفرحة على أنغام ضحكة أبوها المليانة
حب وعطف ورحمة،،،



شديت الروب الديشانبور ع خصري
الدواليب مليانة لبس وعطورات وكريمات..
كل شي،،
كماليات وكأنها توها جديدة
بعدت الستارة المزركشة بالورد البارز
تلقاني منظر الحديقة الخارجية ونافورة الموية تنبع منها
حسيت بالعطش وأنا أشوفها
سكرت الستارة وأنا أعطي القزاز ظهري واتسند عليه
كل يوم بحياتي مع بسام أكتشف شي جديد واليوم بعرف كل شي عن هالبيت
قطع تفكيري دق ع الباب
: أدخل
دخلت الخادمة بعربية رخامية يتوسطها طبقة زجاجية
صبت لي كاس عصير البرتقال وقدمته لي
: بريجو سنيورا
" تفضلي سيدتي "
أخذته وأنا أجلس ع الكنبة الحريرية
ركزت بقربه كاس المويه والثلج يتراقص بداخلها يصدر أصوات تكسر هيبة المكان
رفعت راسي لها
جيبي لي مويه دافيه أنا ما أشربها باردة
رفعتها بطاعة وهي تهز راسها إلورا سنيورا
ارخيت جسمي ع الكنبة
بتنهيدة وأنا أتذكر كلام بسام عن البيت إذا بغيت أبيعه أو أسكن فيه
غمضت عيوني
تداخلت أفكاري ببعضها وغفيت بشرود بمكاني...



كنت آظن آلحب في وسط آلقلوب
آثر حبك مآلي آلدنيآ علي دآيم مشرق
ولآ يعرف غروب منور ونوره تعدى كل ضي
كآن حبك غلطتي مآرآح آتوب
رآح آحبك لو كوآني آلحب كي
لي فؤآد في هوآك دآيم يذوب من
عرفتك وآنت عندي كل شي ♥
طلع الجهاز من الكيس
قرب منها وهي متربعه تقلب في المجلة
: حبيبتي
تركت المجلة من يدي وناظرته سوري حبيبي تذكرت بروح أجيب لك الشاي الأخضر
جلسها بنظرة خليك ما يحتاج تونا فاطرين
مسك يدها وباصبعه دار ع كفها بدوائر عشوائية
تدرين إن كل شي بايد ربي صح؟؟
هزيت راسي بعدم فهم اييه
رفع كفي فتحها وباس باطنها برقة
وتدرين إنه الله إذا أراد شي بحرفين يكون؟؟
خفت من كلامه الغريب
فيصل أهلي فيهم شي؟؟ أهلك؟؟
حط اصبعه ع فمي
اششش الدنيا كلها بخير دامك معاي
أخذ الجهاز الطويل ورفعه قدامي
: ممكن تجربيه؟؟
عقدت حواجبي شهذا؟؟
تأمل عيوني لمدة ونطق
: جهاز كشف الحمل
برمت شفتي بغصة وبعصبية
فيصل ما لها داعي هالحركات وتعيشنا بأوهام ما لها أول ولا تالي إحنا مشينا ع اتفاق من قبل زواجنا
قربها له وحضنها مسح ع شعرها وبصعوبة
: وأنا خالفت هالاتفاق
عدلت جلستها بصدمة
شيعني؟؟ شلون تسوي كذا فيصل؟؟
عينها السوده غلفتها طبقة لماعة تهدد بالانسياب إنت تدري إني أنا على كثر ما أتمنى إنه يكون عندي طفل ما أتمنى أحمل بإنسان طول عمره بيظل متعذب
مسح ع شعره بتوتر آوكيه حبيبتي خلينا نشوف الحين وأوعدك إذا ما طلعتي حامل ما راح أزعجك بنظل ع اتفاقنا
نقلت عيونها بينه وبين الجهاز
وببكى وألم وحزن يعتصرها أخذته وقامت
فاقدة الأمل وخايفه
على قد ما تمنت هالطفل على قد ما هي خايفه منه وعليه من هالحياة...




آحبگ قد مآطلب رضآگ وتطلب | فراًقي
دخله ع البيت
كان منهار ع الآخر
بسام بعطف أخفاه عبدالله ودك ترتاح غرفتك جاهزة؟؟
ناظره ببرود وين لتين؟؟
ما أدري بس أكيد فوق
إنت ارتاح بالغرفة وأنا بناديها لك
هز راسه آوكيه
بعد ما تطمن إنه دخل الغرفة يرتاح ويريح أعصابه
ناظر الخادمة الواقفة ببداية الممر إذا احتاج أي شي شوفيه
أومأت براسها
لف يسأل وين المدام لتين؟
: بغرفتها
طلع ع الجهة الثانية من البيت قاصدها
مسك مقبض الباب أداره وانفتح بسهولة
دخل الغرفة الواسعة
وبنظرة متفحصة
لمحها متهادية بنعومتها ع الكنبة
هالة حولها جذبته
قرب منها
انحنى لها وتأكد إنها نايمه
تأمل ملامحها الشامخة حتى بنومها
عدل روبها وطبع قبلة دافية صحتها
جات بتعدل جلستها
رجعها برقة وحملها بين كفوفه
ريحها ع السرير الوثيري بستايره الشيفونية يتخللها المخمل الثقيل
منسدلة من الحواف بأعمدة تحجب الرؤيا عن أي متطفل جذبه مظهره...
رفع السماعة جنبه
: خبري السيد عبدالله إنه المدام لتين نايمه
رجع السماعة وهو يناظرها
جلس ع السرير قربها
مسح ع خدها بيده الدافيه
همست بنعس
: عبدالله هنا؟
أومأ براسه اييه
ميلت فمي بتفكير بتخبره عن أمه ؟
ناظرها بنظرة مبهمه اييه بس ما أدري متى
إنتي ممكن تسامحينها ؟؟
بعدت شعري ورغبة الترجيع رجعت لي حسيت بخنقة بجوفي
وبرفعة حاجب لو كان آخر يوم بحياتي باخذ حقي منها
لعب بخصلة من شعري الرطب عبدالله بيظل هنا على ما أعتقد
: وإنت !
ضم كفوفها أنا دايما بقربك
هزت راسها بالرفض حتى وإنت معي في من ينغص عليّ
تأمل فمها العريض بحمرته الطبيعية يناقض أنفها الواقف وعيونها الوسيعة
بعد عيونه عنها
: لتين إنتي تحبيني؟؟
تأملت عيونه بتيه
: بعدك تسأل؟؟
تنهد إذا صدق تحبيني لا تعذبيني معاك
أنا بيني وبين نفسي عهد قاطعه أخلفته مره وما ودي أرجع أخون!!
صغرت عيوني بتفكير هالعهد يوجب عليك تعذب نفسك معاي بعد؟؟
بحركة فاجأتها حط راسه ع صدرها وحضن بيدينه جسمها النحيل
وبنفس مضطرب
: حلفت لك يومي بودنك أكرهه لكن الرجال أفعال
رفع راسه يناظرها عن قرب
: إنتي خليتيني أضعف وأعترف لك بضعفي
غمضت عيوني وأنا أبلع ريقي
وش بتسوي بعدين؟
تكلم بهدوءه
راح تظلي هنا مع أخوك ملفك برجعه الجامعة تكملين دراستك
عدلت جلستي وطعون بصدري ما تحملتها
: وإنت
بلل شفاته
أنا باقي لي سمستر وأنهي دراستي
لفيت وجهي عنه آوكيه أنا نعسانة بنام
دموعي نزلت أول ما عطيته ظهري وحطيت راسي ع المخدة
همس بضعف
: لتين
غمضت عيوني بقوة وبصوت متهدج بظل الحالي الحين
قرب مني لفني عليه
باس جبيني
وعيونه ما طاحت بعيني
: أعتذر رغم إنه عذري ما له مكان
وقف وابتعد عني
الجدار المقابل للحمام " يكرم القارئ "
مقسم بفنية لـ 3 بلكونات بعرض مترين تمتد من أقصى الجدار لأدناه
مشجرة بأوراق الشجر بمختلف أشكاله والزهر الوردي يتخللها بجمال مريح وآخاذ
فتح وحده من البلكونات
كانت نفسها اللي أنا وقفت عندها قبل لا أنام
طاحت دمعتي حتى خطواتنا تتبع بعض
شفت ظهره وسيجارة تولعت ونقطة حمرا من لهيبها ظاهرة لي
تبعها دخان غبش الرؤيا عني
وكأنه يذكرني بمدى صفاء حياتي ونقاءها ...!
*
وأنتَ تَعرفَ إטּ ●قلبَيـﮯ ●
يعشَقَڪ ويمَوتَ فيَـ[ڪ]
شديت ع راسي ودموعي تنزل
ما أدري هي
فرحة، خوف، حزن, رهبة
شعوري ما ينوصف
دق الباب بخوف
: لمار فيك شي
شهقت وأنا افتح الباب
ارتميت بحضنه
: فيصل أنا خايفه
توتر أكثر وهو يحضنها
مد يده ع الحوض وأخذ الجهاز
وكانت النتيجة ( + ) ايجابية
رماه بيدين ترتجف
وبعدها عنه
مسح دموعها بظاهر كفه وبعين تلمع
ليه البكى يا لمار هذا اللي نبغاه صار
طاحت دموعي بلا إرادة
: فيصل أنا ما ابي ولد يكون مريض
أخذ نفس يهدي نفسه قبل لا يهديها
وطلعها معاه
جلسها ع السرير
وجلس ع رجوله قدامها
لمار هذا حكم ربي والله قال ادعوني استجب لكم
ادعيه بيرزقك الولد الصالح بأخلاقه وبعقله
هدت ودموعها ملت وجهها
بس يمكن يطلع مرييض والله أموت لو كان مريض
ورجعت تضمه
فيصل اللي تأثر وشوي ويبكي معها
مسح ع شعرها بحب
خلي أملك بالله كبير وهو ما بيخذلك
ناظرت عيونه تطلب الأمان
إنت ما بتخليني ؟
قبل بين عيونها
أكيد حبيبتي ما بخليك و بنربي ولدنا سوا إن شاء الله..



جلست ع الكنبة اييه وينه ولدك يا سلاف
سلاف بربكة معليش يمه اليوم ما هو بجاي
أم إبراهيم وليه إن شاء الله هو كله يوم واحد الأربعاء بعد بقضيه مع زوجته
سلاف بابتسامة عاد يمه حرام عليك فيصل ما صدق يتزوج ودايما يجيك أكيد عنده شي ما خلاه يجي
أم إبراهيم بعصبيه وبعد هالربى زوجها سافر خلاص تقطعنا يعني
: هذا أنا جدتي جييت
لفت عليها وبنغزه
هلا
ابتسمت ربى وهي تبوس راسها شلونك جدتي
الحمدلله شلونك إنتي يا بنتي
الحمدلله بخير
ناظرت سارا قومي إنتي دقي ع فيصل بسرعة
سارا مفهيه أنااا؟؟!!
اييه انتي مو هي أختك
أم خالد تضحك يمه أختها لمار وش دخلها بفيصل
انزين دقي عليه إنتي
أم خالد بمساسرة سلاف دقي على ولدك إنتي استحي يمكن يكون عندها
ابتسمت وهي تتصل عليه
لمى تسلم ع ربى هلا ربووي من زمان عنك
ربى بابتسامة والله انشغلت مع سفر طلال وغير هذا صديقتي لتين رجعت من ايطاليا
لمى بتعقيدة لتين؟؟ هذيك اللي عمها..
هزيت راسي اييه
لفتني معها صوت أم إبراهيم وهي تدعي وتبكي
: الله يسعدك معها يمه ويرزقكم الأولاد الصالحين
يارا تتربع وقدامها القهوة وعلبة شوكلاتى جوليان شالسالفة؟؟
صرخت لمى يا قلبي لمار حامل!!
يارا اللي تركت العلبة من يدها يوم سمعت الخبر
: احـــــــــلفي
بين صراخهم وفرحتهم
ابتسمت وأنا بداخلي اتمنى لهم السعادة لكني أدري وموقنة تماما إنه هذي أكبر مجازفة اقترفها فيصل بحق لمار
بغض النظر يقصد أو لا..!


يا هم اترﮎ صاحبک لو دقاايق
كنت في السيارة مع بسام رايح للبلى والمصيبة
اللي تنتظرني
على أساس إنه يعرف وين أمي!!
دق جواله
ناظره ورد على طول
: هلا هلا يبه
:..........................
الحمدلله بصحة وعافيه تسلم عليك
:..........................
برسل لك رقم جوالها
:..........................
سكت لمدة طويلة وفهمت إنه الحديث يدور حول لتين يوم قال بعطيك رقمها
وببرود رد بعدها
: يبه أنا ما يمديني أستقبلها سفري بعد بكره بيبدا السمستر وما أقدر أتأخر
:............................
عقد حواجبه وباختصار
اللي تشوفه يبه
سكر الجوال وهو يوقف السيارة قدام جوفريز كوفي
لف عليه باستغراب
بسام يركن السيارة
عبد الله في موضوع بقوله لك قبل لا نروح
ناظره عبدالله لمدة
...... آوكيه ما ينفع بالسيارة وحنا رايحين
هز راسه بالرفض لا ما ينفع
نزل بتثاقل للحين صورة أبوه بالمحجر مسهرته وشاغله باله
وبعد ما اختار وحده من الطاولات الهادية
تشرب شي؟؟
شبك أصابعه ببعض لا
ركز ظهره ع الكنب الجلدي
: أنا ما ودي أفتح جروح وإنت توك شايف أبوك أمس لكن إنت أصريت
عبدالله بإصرار وبعد مصر إني أشوف أمي اليوم
تنفس ببطأ وهو يتكلم بثقته المعتادة ويحاول قدر المستطاع إنه يكون لطيف بكلامه القوي
بدخل بالموضوع مباشرة
قبل 22 وعشرين سنة بالتمام
خالتي نجد إللي هي أم لتين انسحرت
عقد حواجبه واش دخل هذا الحين؟؟
بسام يرص ع شفاته وهو يكمل
للأسف إنه اللي سوت السحر أمك !!
فتح فمه
نزل عيونه للطاولة ورجع رفعها
بلع ريقه بصعوبة
: إنت جاد أكيد؟؟
بسام بتفهم عبدالله مو هذا موضوعنا الحين المشكلة كلها منصبه إنه أمك تزوجت ولد وزير وهو مطلقها لكنها عايشه بقصره بالملحق
وحده من زوجاته هي اللي حبستها وانقال لها إنه هو مريض نفسي وهو اللي حابسها وبالأساس هو ما يدري إنها بقصره أصلا
هذي لعبة مثل ما قلت لك من وحده من زوجاته
هالشي يسهل علينا المهمة
ضغط ع راسه بذهول أي مهمة؟؟
بسام يشد ع يده عبدالله إنت معي
هز راسه اييه كمل
طلع له بندول اجيب لك مويه
رجع يده لا شكرا ما أبي شي كمل الحين لتين فيها شي يعني
زفر بسام السحر لأمها ولها ولازم نخرج أمك حتى نقدر نفك السحر
لأنه ماحد يعرف مكانه الا هي
وقف عبدالله آوكيه قوم بسرعة
وقف بسام معه انتظر لازم ما توضح لها انك تعرف بالبداية
قاطعه بجدية
بسام صحيح هذي أمي جنتي وناري لكني أقولها لك ولغيرك مستعد أسوي أي شي لجل لتين
كفاية انظلمت على يدينهم وابسط حقوقها انها تعيش مرتاحة
ما كان بيده إلا إنه أخذه وطلعوا متجهين ع القصر
وجواله ما سكت ينسق مع رجاله




ناثره الصور ع السرير وعلبة المناديل جنبها خلصت وهي تسحب منها
دخل من العمل هلكان اليوم كان دوامه طويل
وقف عند الباب وهو عاطيها ظهره يفصخ قميصه
جمانة وش مسوية لنا غدا اليوم
ما ردت وما سمع إلا شهقاتها المصطنعة بإتقان
لف عليها باستغراب
تبكيين؟؟ ليه؟؟
!!
قرب منها وجلس جنبها ع السرير ناظر صور العائلة الكريمة اللي راصتها
وتحضن فيها
لمتها
: لا تناظر فيها بنات أعمامي
لف وجهه بابتسامة
ومن صوتها عرف إنه السالفة مركبة لف يسايرها خلصتي
حطتها بالكيس وهي تمسح دموعها
وافي بملامح حزينة فديت هالدموع ليش تبكين؟؟
بكيت آآآآ وافي والله وحشوني أهلي
حضنت كتفه
طبطب عليها بحنان بابتسامة هانت حبيبتي ما بقى إلا شهرين وأقل بعد
بعدت عنه والفيلم مستمر لااااا أنا أبي أشوفهم الحين
حك راسه بتعب يعني تتركيني هنا لحالي؟!!
جمانة ونست السالفة تركت المناديل لا حبيبي أخوك يجي يكمل عنك
وافي بنظرة توك تبكين
فركت عيونها انزين هديت بس خلينا نرجع
ضحك بخفة اوكيه بشوف العمل إذا أقدر أرجع وإذا ما قدرت ترجعين إنتي وأنا ألحقك
نزلت عيونها بتأنيب ضمير
وبدلع تعلقت فيه
وااافي لا تحسسني بالذنب
باسها بشوف تقدرين ع فراقي وإلا لا
نزلت من السرير وهي تتصنع القوة
شوف وافي صار لك ثلاث شهور كل ما قلت لك برجع تخليني أضعف وأظل معك
ابتسم ابتسامة جانبية جد والله برجعك هالإسبوع إن شاء الله وألحقك بعد أسبوعين
تخصرت باستغراب شلوون؟؟
بضغط نفسي وأرجع باقي الشغل أكمله من هناك
راحت له
جلست بحضنه
وبحالميه
: شكرا حياتي أنا ما أدري شلون بعيش من دونك
غمض عيونه دقايق لو ما قمتي حطيتي الأكل بتغدا عليك بدل الأكل
ضحكت وهي تفز من عيوني يا عيوني


(( وَاتَّبَعُواْ مَا تَتْلُواْ الشَّيَاطِينُ عَلَى مُلْكِ سُلَيْمَانَ وَمَا كَفَرَ سُلَيْمَانُ وَلَكِنَّ الشَّيَاطِينَ كَفَرُواْ يُعَلِّمُونَ النَّاسَ السِّحْرَ وَمَا أُنزِلَ عَلَى الْمَلَكَيْنِ بِبَابِلَ هَارُوتَ وَمَارُوتَ وَمَا يُعَلِّمَانِ مِنْ أَحَدٍ حَتَّى يَقُولاَ إِنَّمَا نَحْنُ فِتْنَةٌ فَلاَ تَكْفُرْ فَيَتَعَلَّمُونَ مِنْهُمَا مَا يُفَرِّقُونَ بِهِ بَيْنَ الْمَرْءِ وَزَوْجِهِ وَمَا هُم بِضَارِّينَ بِهِ مِنْ أَحَدٍ إِلاَّ بِإِذْنِ اللَّهِ وَيَتَعَلَّمُونَ مَا يَضُرُّهُمْ وَلاَ يَنفَعُهُمْ وَلَقَدْ عَلِمُواْ لَمَنِ اشْتَرَاهُ مَا لَهُ فِي الآخِرَةِ مِنْ خَلاقٍ وَلَبِئْسَ مَا شَرَوْا بِهِ أَنفُسَهُمْ لَوْ كَانُواْ يَعْلَمُونَ)) البقرة 102
علي إنت متأكد إنه ما في أحد
علي بدقة صدر أفا عليك يا أخوي الطريق قدامك أمان
ناظر عبدالله تفضل
دخل معه
وبالأصنصيل الخاص بالخدم طلعوا للدور اللي هي فيه
وحشة المكان وظلمته أول ما انفتح الأصنصيل
قبضت لي قلبي معقولة أمي تعيش هنا!!
الله يا الزمن
كتمت العبرة وأنا أشوف الحبوش رايحين جايين في المكان
فتح لنا الباب علي
تفضلوا
بسام بهمس تقدر تروح
أومأ براسه آمرك
وقفت أول ما شافت خيال رجالين
حالات التحرش اللي تعرضت لها من قبل الخدم كانت كفيلة إنها تعذبها
وكأن الله اللي فوق كل شي عاقبها باللي اقترفته بحق اليتيمة اللي عاشت بكنفها
فتح النور بسام وبقرف سكر الباب وراه وهو مكشر بوجه الحبشية اللي تناظره بقذارة
سهى وشعرها تساقط وجسمها نحل وأمراض الدنيا اعتلته
بعضها عدوى والآخر ابتلاء..
حطت يدها ع فمها
عبـ...دالله يمممه
جمد في مكانه
قربت منه
حضنته بوهن
يمممه عبدالله ولدي
تركها تبكي وبالطبيعة البشرية حن لها
أمه
أمـــه يا عالم
الأم مهما اقترفت تبقى أم
ولها غريزتها
حضنها بقوة وابعدها عنه
وبكفه مسح دمعته بقسوة
يمه وين السحر اللي حطيتيه للتين؟؟
بسام اللي انصدم من سؤاله وهو منبهه مو بهالطريقة
عبد الله لحـ...
عبدالله بجدية قاطعة يمممه وين السحر ؟؟
هزت راسها برفض وهي تناظر بسام برعب
مممـ...ـادري .. ما أدري عن شي
مو بس أخوها الحمية شدته
هالمرة بسام ما بيظل واقف وبما إنه عبد الله خربها هي خاربه خاربه
تكتف وبكلمة وحدة هز كيانها
: الله يرحمه العم خالد مات مقتول صحيح يا .... ست سهى
*

*
*
يقول بلزاك [ الحب رجل وامرأة وحرمان ]
نهاية الجزء الخامس والثلاثون


 

رد مع اقتباس
قديم 04-17-2012, 11:30 PM   #57



الصورة الرمزية ατσян|♣
ατσян|♣ غير متصل

بيانات اضافيه [ + ]
 رقم العضوية : 78
 تاريخ التسجيل :  Apr 2011
 أخر زيارة : 07-18-2014 (07:59 AM)
 المشاركات : 12,606 [ + ]
 التقييم :  758
 مزاجي
 MMS ~
MMS ~
لوني المفضل : Cadetblue
افتراضي رد: رواية خنقت الورد يايمه وبيدي إنكسر ذبلان كامله



بسم الله الرحمن الرحيم
الجزء السادس والثلاثون

كيف لي أن أقاوم حبي المحتل .. ؟؟
ففانوس المقاومة يندثر عندما أخوض في التفكير بك!!

وظلم ذوي القربى أشد مضاضة على النفس من وقع الحسام المهند..
: الله يرحمه العم خالد مات مقتول صحيح يا .... ست سهى
ارتخت أعصابه وهو يناظره بعيون غرقت بدهشة وتساؤل ما له نهاية
بسام يشد ع قبضته
الحقيقة لازم تطلع بيوم من الأيام مو معناها إذا تسترتي ع جريمتك بتظل مستوره
تكتف ع العموم أنا داري بالموضوع من يوم صار والحين حياتك متعلقة بيد لتين
عفت عشتي ما عفت بتنتهي حياتك بنفس الطريقة
صرخت بوجهه بجنون ما قتلت ما أدري عن ايش تتكلم أصلا
تشبثت بولدها شايف يا عبدالله يتهم أمك كذب
واقف بصدمة تهزه وكأنه مو موجود على أرض الواقع
بلع الغصة ودموعه تنزل بهدوء
: وش حجم الكره اللي شايلته بقلبك حرام عليك يمه والله حرام
بسام معقد حواجبه وزام شفايفه وبعصبية ظهرت عليه
بتعترفين وإلا اتصرف بنفسي
عبدالله اللي بعد عنها مو متخيل إنه أمه ممكن تسوي اللي قاعد يقوله
: قولي وين حطيتيه خلينا نفك المسكينة من اللي هي فيه
لما شاف بسام عنادها وسكوتها
آوكيه امشي عبدالله أوصلك أنا رايح لمركز الشرطة
وفعلا تحركوا طالعين
صرخت توقفه وهي تبكي انزين بقولك وينه
رجع بسام وعبدالله متسند ع الباب يسند طوله بتعب
بعيونها الغايرة وصوتها المتقطع الحاد مع تلعثمها
رفعت معدل الاحتقار بعيون بسام لها خاصة وهو يعرف كل شاردة وواردة تصرفت فيها السنوات الماضية
لكن السكوت حكمة في كثير من الأيام...



يَ قلبي ريّح آعصآإبڪ , ڪذآإ طبع آلزمن قـآإسي
قدمت لها صحن الأيس كريم بعجينة الباتاشو الفرنسية
ابتسمت مدام لتين تشربي القهوة سادة أو بـ لاتيه
" بالحليب "
لعبت بالملعقة بشرود لاتيه
صبت لها وابتعدت
رفعت رجولها ع الكرسي إلورا جوليين بريجو
" طيب جوليين تفضلي"
عدلت جلستها وهي تتحمحم وتغطي خصل شعرها الأشعث تحت الإيشارب الأخضر
امم هذا البيت بناه السيد بسام مثل ما عرفتي..
قاطعتها لتين أبغا أعرف سر الخدم وخاصة اللي قلت لك عنها
قصدك ليبيبنتا ؟ هذي أمها إيطاليه وأبوها سعودي يشتغل عند السيد بسام كان وتوفى بس...
تركت الصحن من يدها والحديث شدها
بس وشوو؟؟
بلعت ريقها الخدم يقولوا إنها كانت على علاقة مع السيد بسام
كف عماني بكلامها
عقلي وقلبي وكل شي فيني رفض هالكلام مع إنه مبرر لتصرفاته
عقدت حواجبي وبعصبية
إنتي ما تستحين ؟؟؟ شهالكلام اللي قاعده اسمعه
جوليين بخوف مدام لتين صدقيني أنا ما أعرف بس الخدم كذا يتناقلوا وهي ما تتكلم مع أحد
صرخت بوجهها قومي من قدامي ما أبي أشوف أحد
بلمحة البرق كانت مختفيه
بعدت شعري بتوتر وأنا أقوم
على كبر الحديقة إلا إني أحس بخنقة وكأنه أحد حابسني بعلبة
ضميت نفسي وأنا أمشي رايحه جايه
مستحيل بس على أي أساس طلع هالكلام
دخلت البيت وأنا مو حاسبة تصرفاتي
شفت قدامي وحده من الخدم
بأمر
: نادي ليبينتا
هزت راسها وراحت
شديت ع قبضة يدي بإحكام وأنا أحاول أحافظ ع رزانتي
دخلت وحده من الغرف الواسعة وتركت الباب مفتوح
ناظرت المدفأة الصناعية واللهب يتصاعد منها
دخلت وسكرت الباب وراها
: يقولوا طلبتيني
لفيت ع صوتها اللي شدني وكأنها تكلم خادمتها مو صاحبة البيت اللي هي تخدم فيه
رفعت حاجب وأشرت ع الكنب
: تفضلي
ظلت واقفة مكانها
: في أمر مهم ؟؟
جن جنوني قلت بعصبية مين محسبة نفسك تتكلمين بهالثقة
قربت وببرود من بين أسنانها أشرت ع نفسها أنا صاحبة البيت مثل ما إنتي صاحبته
القوة والغرور اللي تتحلى فيه ملامح لتين أثارت الغيرة في جوف عدوتها
ما كان بيني وبين الجنون شعرة لكن ما ظهر علي إلا الهدوء
ابتسمت ع طرف عن جد؟!
أومأت براسها وهي ترد الإبتسامة ايوه زوجته قبلك يا سنيورا لتيين
" أنا , سيدة "
وعطتني ظهرها متسكعة
مسكت راسي بعد ما خرجت
جلست ع الأرض بضعف غير اللي صاير معي أحس بوهن
جسمي وكأني محمومه
حاولت أقوم
وبصعوبة طلعت غرفتي وأنا أحاول ما أبين للخدم المنتشرين أي أثر




قال رسول صلى الله عليه وسلم (المؤمن للمؤمن كالبنيان المرصوص يشد بعضه بعضا)
ضرب الجرس بتوتر يخفيه بهيبته
عبدالله يطقطق أصابعه
: ظنك بيتجاوب معنا؟؟
وقبل لا يدلي بتوقعاته انفتح الباب
وطل شاب ثلاثيني واضح الصلاح بوجهه
ناظرهم الاثنين السلام عليكم ورحمة الله
: تآمر شي أخوي
بسام وعليكم السلام إذا سمحت ناخذ من وقتك دقايق
شرع الباب باستغراب حياكم
وفي المجلس عبدالله ذهنه مشتت خايف يرفض هالرجال وبنفس الوقت قاعد يفكر بمصير أمه ولو أخذها وين بيسكنها
ناظر بسام وهو يتكلم
: زوجتي مسحورة والسحر مدفون في هالبيت إذا سمحت لنا نخرجه
أبو عبدالرحمن باستغراب وش جاب السحر لبيتي؟؟
عبدالله دخل بالموضوع أهلي كانوا ساكنين فيه قبل لا ينباع
سكت بتفكير وبعدها
: طيب ممكن تقولي وين السحر بأي مكان في البيت
بسام رفع عينه له بترقب بحمام الرجال وإنت بكرامة تحت بلاط الزاوية اليمينية
أردف باحترام وحقك علينا يا خوي إذا ما عندك مانع العامل برا ينتظر
وإذا طلعناه تصليحه علينا
أبو عبدالرحمن قام أفا عليك ياخوي هذا واجب علي خليه يكسره لو كله أهم شي يفك الشر عنها بإذن الله...



كتاب علوم البحار
كتاب البداية والنهاية
رواية سمرقند
اممم مشاء الله معلومات شاملة
فتح عيونه وهو مسدوح ع السرير
:جمانة ليه طفيتي الشموع؟؟
عشان بس.. بعد اليوم ما في شموع
عدل جلسته ع السرير
جمانة اخزي الشيطان وافتحيها هلكان وبنام
عطت رف الكتب ظهرها وهي تترك وحده من الكتب اللي كانت ترتبها
بس أنا مو عاجبتني وإنت تقول إنه الزواج روحين تنمج وتصير وحدة وحنا كذا ما اندمجنا أنا ما أحب أنام كل يوم كأني بكنيسة نيران حولي
عقد حواجبه والنعس غالبه
: افتحيها اليوم وبكره نتفاهم
تخصرت وهي تقرب منه وتجلس جنبه بالبيجامة الحريرية
صار لنا خمس شهور متزوجين وكل يوم تقول بكره وأنا زهقت
حط راسه ع فخوذها وعيونه مغمضه وبصوت رايح
: افهميني أرجوك
مسحت ع راسه بحب
: مستعدة أنيمك كل يوم بيديني بس شغلت الشموع هذي تبطلها وبمزحة
ترا مأثرة ع ميزانية البيت
ما رد عليها
ميلت راسها ويوم شافته نام
باسته برقة
فديييتك يا حلوك وإنت ضعيف!!



حطت البودرة المعطرة بالشنطة وقفلتها
تنهدت أخيرا خلصت
متسند ع الباب بعصبية ممكن تفهميني ليه رايحه لحالك أقنع أبوي يخليني أروح معاك حتى أنا بشوف لتين
بعدت خصلة من شعرها راكان أنا مو فاضية روح تفاهم معاه هو اشدخلني أنا
ناظرها بعيض مثل ما أقنعتيه إنك تروحين تقدري تقنعيه يخليني أروح معك
تاله ببرود بس أنا ما أبيك تجي معي
بعدين إنت تعرف إنه بسام ما يحبك تجلس مع لتين بيرضى يخليك تروح هناك بدونه
ابتسمت ع جنب يا حبيبي..
وم شفايفه الصغيرة إلورا تاله بعرف كيف أتصرف معك
ورقع الباب وراه
انسحدت ع السرير بدلع وهي تضحك
: ما بقى إلا هالبزر يخرب إجازتي
!!



كـ نّه خذآكـْ آلَشوق يمي وأرسلَت
لَبييكْ يآ دآعي [ آلَغلَآ ] وين مآ كْنت , !
بآلَلَي وجودك من { دوآعي سروري ,.~
كـ نّه خذآكـْ آلَشوق يمي وأرسلَت ،
صوبك ْ ضمآ آلَمشتآق يعلَن حضوري ,
آشتقتُ لَك . . . ،
وآشتقتُ / وآشتقتُ. . !
وخآيف من آلَأشوآق " أفقد شعـوري ؛

بـ..علية الباخرة
صحى ع صوت البخار الصادر منها
ناظر الساعة ما بقى على مناوبته شي
أخذ الجوال وحطه ع إذنه
دقايق جاه صوتها الناعس
: هلا حبيبي
ابتسم والشوق جارفه لحد وصله لها ورجعه ع أرض الواقع اسمه بلسانها
: طلال .!
: صباح الحب
ابتسمت صباحك ورد حبيبي توك قايم
طلال بضحكة الساعة عندنا ثمان الصبح
وبهمس من بعدك صرت أصحى بدري
ابتسمت بحب والله وحشتني البيت بدونك كئيب كل يوم جالسة لحالي
مسح ع راسه وش تقولين عليّ أجل كل يوم نفس اللي قبله ولا شي يونس إلا قرقرة الربان السوري
ضحكت وإنت متى مناوبتك
مناوبتي تبدأ 9:30 وتنتهي 6:30 المغرب يتخللها وقت غدا وصلوات
عاد برجعلك مسود الشمس حارقتني لا تنفجعي إذا شفتيني
هههههههههه حلو بكل حالاتك بعيوني لا تشيل هم
طلال يلف جنبه يناظر المرايا لا والله ما ظني بتقولين نفس الكلام إذا شفتي وجهي من جد سمرت
قطع جوهم دخول المضيفة
ابتسمت
: صباح الخير كابتن طلال الفطور جاهز
أومأ براسه وأشر لها تنصرف
عقدت حواجبي أنا سمعت صوت حرمه وإلا أتوهم
دق قلبي بقوة وأنا أتخيلها داخلة عنده وهو في السرير توه صاحي
: رووبي وين رحتي؟؟
غمضت عيوني
طلال بأي حق تدخل عندك هالزفت؟؟ بعدين إنت ما قلت لي إنه في حريم معاكم في الرحلة
: ربى حبيبتي هذي أرامكو يعني طبيعي هم في شراكاتهم في حريم تبين في رحلة كذا ما يكون في
بغيرة وعصبية واضحة بس مو لدرجة تدخل تناديك الفطور
شدت على أسنانها شهالمسخرة هذي ؟؟؟
طلال يهديها وهو يقوم الله يقلع إبليس اللي جابها ربى استوعبي زين هي مجرد مأمورة وش تبين مني أقلعها؟؟إذا هذا اللي تبيه آمرك
سكت لدقايق الغيرة ذبحتني يا ربي ليه يصير كذا معي
همس بحب
والله كل حريم الدنيا ما يهزون فيني شعره دامك موجودة في قلبي
ربى أنا صار عمري 28 سنة وما تزوجت إلا يوم شفتك !
شلون تبيني ألتفت لوحده من هذولي ؟؟
ارتخت أعصابي كلامه يخدرني لكني أنثى والأنثى بطبيعتها تغار وتتملك
: أنا بعد أحبك طلال..
تنهد بعمق معقولة ما في اختراع للحين يجيبني لك...
ابتسمت أنا معك في كل وقت...



بعد ما حفروا بعمق نص متر تقريبا
طلعه العامل
كيس أسود مربوط عليه ثلاث حبال
التراب مغطيه
واقف معهم أبو عبدالرحمن
مسح ع لحيته الطويلة إذا بغيت يا أخ بسام أقدر أفكه لك
ناظر عبدالله
وافقه الرأي
رفع ثوبه آوكيه يعطيك العافيه
حطه ع الأرض والتفوا حوله
بسام ناظر العامل محمد رجع البلاط نفس ما كان
أبو عبدالرحمن لا والله إنه ما يمسكه خليه علي أصلا أنا بغيره كله وإنت ساعدتني
بسام ماحب يناقش دامه حلف
ناظره وهو يفك الحبال بالمشرط
فرد الكيس ع الأرض
عبدالله حط يده ع فمه وهو يقاوم الغثيان اللي حس فيه أول ما شاف المنظر
أوراق ملفوفة متعفنة ودم وشعر وقطع قماش واللي هز كيانه وكيان الموجودين
صفحة سورة الفاتحه ملطخة بالقاذورات وكأنها قاعدة للعمل المسحور
أبو عبدالرحمن وهو يفك العُقد لا حول ولا قوة إلا بالله
... ومن شر النفاثات في العقد....)
برهبة الموقف ناظر بسام وعبدالله
قلت لي إنه سحر على اثنين
بس الظاهر هذا مو بس عليهم
كان ماسك العقدة الثالثة لسى ما فكها
ركز ع بسام إنت زوجها والسحر شاملك
عبدالله باستغراب بس شلون وقتها كان بسام مو هنا
بسام ساكت
أبو عبدالرحمن سحب المشرط ع العقدة وانفكت
قرأ سورة الفلق وناظره وهو يرمي العقدة ع القماش
الأخت المسحورة لها سحر تفريق بحيث إنها ما تقدر تتزوج فعليا أي أحد يتزوجها وأظن إنك فاهم علي أخ بسام
مسك راسه بسام وهو متربع بينهم وكأنه فجأة استوعب شي
قام
وقف معه عبدالله والرجال
: بسام فيك شي
تلخبط ما عرف وش يقول ناظره بتيه ما أدري بس لازم أكون جنب لتين الحين أكيد تحتاجني دامه انفك السحر
عبدالله لف ع أبو عبدالرحمن والحين ياخوي وش نسوي فيه؟؟
أبو عبدالرحمن ما عليك أنا بتخلص منه
صافحه الله يعطيك العافيه ويجعله بميزان حسناتك آميين
أبو عبدالرحمن عطاه رقمه ببشاشة وإياك يا رب طمني على خويك إذا ارتاح
هز راسه إن شاء الله
سلم عليه بسام وطلعوا
... ربما هي نهاية ألم وربما تكون البداية..
" حبيت أنوه عن السحر وأبين عظمة ذنبه سبحان الله اللي يعايش التجربة يعرف إن السحر فعلا له حقيقة مثل ما قال النبي عليه الصلاة والسلام
الله يحفظنا وإياكم "
*

سكرت الباب وراها بهدوء وهي تحط الموية الباردة جنبها
أرخت قطعة القماش بالثلج وطوتها
حطتها ع جبينها
تأوهت من برودتها
جوليين تناظر شريفه الواقفة فوقها
شكلها الحرارة لعبت فيها
شريفه تناظر الساعة
السيد بسام ما يرد
قربت منها حاولت تفتح عيونها
زفرت شكلها فقدت الوعي
جوليين صار لها عشر دقايق على هالحالة قبلها كانت صاحية
شريفة تناظر باب بوابة البيت الحديدية من الشباك بالوسط
وصل السيد بسام
بنزل أناديه على طول
سكرت الباب وراها
تأملتها جوليين بخوف إنه اللي صار لها بسبب ليبينتا وهي اللي خبرتها عنها

فصخ شماغه ورماه ع الكنبة أول ما دخل
فتح قلاب ثوبه
استقبلته شريفه من ضمن الخدم
: سيد بسام مدام لتين محمومة وفقدت الوعي
رفع راسه بسرعه اللي كان خايف منه صار كان يدري إنها ما هي بخير
ترك عبدالله متسمر بذهوله
وطلع لها مستعجل
فتح الباب
وقفت جوليين وخرجت أول ما دخل
قرب منها
حطيده ع جبينها
العرق يزخ منها
راح للاستريو وشغل cd القرآن
انساب صوت الشيخ بانحاء الغرفة الواسعة
رجع جلس بقربها ومسك يدينها
ضرب ع خدها بخفة
: لتيين
جاوبته بأنين
ارتاح يوم تجاوبت معه
خالطه شعور بالحزن والأسى شلون كان يتركها
يجرحها بتجاهله لها وبعده عنها
أي عهد هذا اللي كان يتكلم عنه ..
الحين عرف و توضحت له أشياء هذا أجل اللي كان مبعده عنها
فتحت عيونها فجأة
كانت بصفار وجهها
كلها لون واحد بلا ملامح
حطت يدها ع فمها والدموع تنزل من عيونها بفعل الحمى
وبصوت ضعيف
: أبغا الحمام
ما سمع صوتها لضعفه لكن مسكها لفمها فهمه
ولأنه ما يمديه يوصلها له قرب منها وحط راسها ع صدره
كانت ردة فعلها إنها رجعت اللي بجوفها عليه
ما كان بقايا أكل
لا كان السحر اللي رضعته بعد ولادتها بيومين
وبرحمة ربي ظلت في هالحياة
سائل بني متعفن خرج منها
هزت راسها وهي تبكي بقرف
بسام مصعوق يناظر اللي يخرج منها
ظلت ترجع وبعدها ارخت راسها ع السرير
أخذ منديل من العلبة الرخامية ع الكمدينة
مسح فمها بحنان
وقام رافع ثوبه ع الحمام
رماه في الغسيل
ورفع السماعة
: عبدالله اطلع فوق بسرعه
قفل منه وظل يناظرها وهي نايمه بسلام
دقايق جا عبدالله وهو يلهث
دق الباب ودخل
ناظره خيير فيها شي لتين
بسام يأشر عليها
: طلعته
عبدالله راح لها طاحت دمعه من عينه وهو يقبل جبينها
شد ع كتقه بسام
لف عليه بألم والله صعبة يا بسام تشوف أعز الناس يتألم بسبب قطعة منك
ربت ع كتفه ما عليك لتين مستحيل تفكر بهالطريقة خليك جنبها أنا بدخل اتحمم
إذا صحيت طمنها
أومأ براسه إن شاء الله

يَـٌآإ?رِبْ }~ مْنَ كانَ سّببَ بـ/ سسعَاَآدَتِيّ لحَظہُ . . ! ?للہـَم ?سّسعَدھہُ طـُول ?لعَمممَـر” ? !
ركب آخر مسمار ووقف السرير الصغير ع حاله
ابتسم شرايك؟؟
ضمت يدينها لبعض حياااتي متى يجي بس
حط يده ع بطنها وبضحكة
: يللا يا بابا ننتظرك
حطت يدها فوق يده بحب
فيصل حبيبي
رفع عينه لها بصمت
: أشكرك على أحلى هدية بحياتي تلقيتها
رفعها بين يدينه
وبحب باس خدها
إنتي أحلى شي صار بحياتي شلون ما تبيني أسعدك
أموت وما أشوف الحزن بعيونك
الدنيا كلها لو تبيها حطيتها بين ايديك
نزلت عيونها وهي تتمسك فيه
: ما أعرف اش أقول
فتح باب غرفتهم اششش لا تقولي شي
مين يدري يا فيصل يمكن تكون أخذت الدنيا من بين ايديها؟؟..!

إن كان " قلبك " من أوجاعي / يحاتيني ؟!
يا خوفي , من حالتي ,, آتَعِّب عيونك . . . .!
الله وكيلك .. [ سؤالك ] بس يكفيني ,
يروح - كل المرض - إن قلت: وشلونك..
طلع من الحمام وهو لاف الروب ع خصره
وهو ينشف شعره بالمنشفة الصغيرة
شاف عبدالله جالس ع الكنبة وغفل بنومة من تعبه
لتين ع حالتها
هزه بخفة
فتح عيونه وغمضها رجع فتحها وقام
: عبد الله روح ارتاح وإذا قامت لتين نتعشا سوا إن شاء الله
مسح وجهه وهو يناظرها
زفر آوكيه أول ما تقوم خبرني
سكر الباب وراه
قام بسام قفله ورجع بجنبها
تأمل خدودها الحمرا وكأنه الشمس لاسعتها
شعرها الكستنائي مترامي حولها
زخات عرق حول جبينها وتنفسها واضح
أخذ يدها وباس أصابعها وحده وحده
همس بعطف
: ليته فيني ولا فيك
ظلت على استكانتها مدة
انتبه ع صوتها الضعيف وعيونها العسلية ترف بوهن
: ابغا مويه
ابتسم وهو يرفع لها الكاس المعدني المزخرف بحفر
الحمدلله ع السلامة
رمشت بهدوء والدموع مملية عيونها
: ليه سويت فيني كذا بسام
شهقت بضعف حراام عليك
تربع ع السرير قربها
مسك يدها عن ايش تتكلمين حبيبتي
ناظرت يدها بيده لا تقول حبيبتي وإنت تضحك علي
مسح ع شعرها وهو يظنها آثار الحمى
ارتاحي إنتي تعبانة الحين
حطت عينها بعينه أنا مو تعبانة قد ما إني مو قادره أصدق
حس إنها واعية ع اللي تقوله
عقد حواجبه عن ايش تتكلمين لتين؟؟
لفت وجهها عنه وعينها شبه مغمضه
عن ليبينتا
طالع فيها بصدمة أخفاها
شفيها؟؟
ناظرته قالت لي إنك متزوجها وإنها صاحبة البيت قبلي
عقد حواجبه وشوو؟؟
لا تقولي إنك مصدقتها بس؟؟
حكت عيونها لو شفت الثقة اللي كانت تتكلم فيها كان قلت هذي صادقة مية بالمية بس أنا قلبي يقول كلام وعقلي يقول شي ثاني
قام عن السرير وهو يفتح الدولاب يطلع ملابسه بعصبية
المهزلة هذي أنا أعرف شلون أنهيها اليوم
سندت نفسها ع السرير وهي تحط المخدة ورى ظهرها
فصخ ثيابه وغير قدامها
عضت على شفايفها وهي تغمض عيونها
: في اختراع اسمه غرفة تبديل
خزها قبل لا يطلع من الغرفة من اليوم ما في فرق بيني وبينك
تركها وطلع ناوي نية سيئة لهالـ ...
وكأنه يحكي قصة جزاء سنمار!!
( قصة طريفة للي ما يعرفها
يحكى أن النعمان بن امرئ القيس أشهر ملوك الحيرة
طلب من أشهر المهندسين سنمار وهو رومي الأصل أن يبني له قصرا
فلما انتهى من بناءة
صعد النعمان وحاشيته إلى سطح القصر
فشاهد الملك مناظر العراق الخلابة واعجبه البناء فقال:
"ما رأيت مثل هذا البناء قط".
أجاب سنمار
- "لكني اعلم موضع أجرة _ يعني حجر أو طوبة_ لو زالت لسقط القصر كله". .
سأل الملك:
"أيعرفها أحد غيرك؟"
أجاب سنمار
"لا، لو عرفت انكم توفونني وتصنعون بي ما أنا أهله،
لبنيت بناءً يدور مع الشمس حيثما دارت".
قال الملك.
"لا يجوز ان يبقى حيّا من يعرف موضع هذه الأجرة
ومن يستطيع أن يبني أفضل من هذا القصر"
ثم أمر بقذف سنمار من أعلى الخورنق فمات.
وأصبح ما صنعه النعمان بسنمار مثلاً بين الناس
حتى قيل "هذا جزاء سنمار".
يقال هذا المثل "للحسن الذي يكافأ بالإساءة".)

قاعة الانتظار
تمسكت فيه دادي بوس لي مام ولين وو ميرا وراكان بعد
ابتسم توك شايفتهم بالسيارة
برمت شفتها السفلية وحشوني مو متعودة أسافر بدونهم
هههههههه بس أنا متعود أسافر بدونك
دفته بدلع دااااااادي
ههههههه إلورا حبيبتي الطيارة بتروح عليك
ناظر جواله شكله أخوك مو ناوي يرجع
رفعت حاجب هو في أحد عنده لتين ومستفرد فيها وينوي يرجع؟!
ضحك وهو يقرص خدها أعوذ بالله منك ما تخلين أحد في حاله
سكتت فجأة بابا هوا عبدالله ساكن معاهم
ناظر الجوال اللي يدق ورحلتها اللي نادوا عليها
ما أدري هذا بندر يتصل يللا الله معك شكله عنده شي
باست يده وراسه
آرفيدرتشي..

لا ثقة لي إلا في عينيكـ,, فعيناك أرض لا تخون..!
ببرود
: كلمتي وحده وما أعيدها جهزي شنطتك وروحي لخالك لين أجهز أوراقك وتذلفي لفيرونا
شدت ع أسنانها ما بطلع إنت تدري شقالك بابا
بسام بنبرة مرعبه لو تدرين مدى الاحتقار اللي احمله لك كان خجلتي تناظرين فيني
قربت منه بجرأة تبوسه ع خده والله أنا أحبـ...
صفقها الكف اللي رجعها لورى أمتار
: إذا حياتك ما ربتك مستعد أربيك من أول وجديد
بعدت شعرها بحقد وبصراخ وبابا
صرخ بوجهها بداهية إن شاء الله
وبتهديد هي عشر دقايق قدامك لو شفتك بالبيت راح يكون أسوء يوم في حياتك
صغرت عيونها ماشي يا بسام مو غريبة عليك
عطاها ظهره كلي هوا واخرجي بكرامتك إذا كان باقي منها شي
طلع من الغرفة
شاف لتين نازلة الدرج
مشى باتجاهها وهو يهدي نفسه إنتي وش نزلك لتين؟؟
ناظرته وناظرت وراه ليبينتا وهي طالعه من الغرفة
حوطت رقبته وهي رافعه نفسها ولا شي شفيك معصب حبيبي؟
شالها وهو يطلع الدرج بعفوية معصب وبشوفتك رايق
لتين اللي شايفه نظرات الحقد بعيون ليبينتا ضحكت بغنج تخفي فيه إرهاقها
وحطت راسها ع كتفه بطفولة وكأنها تطلب الأمان والحنان منه وتستسقيه
ضربت ليبينتا الأرض برجولها وهي تروح تجهز شنطتها
الله لا يوفقك يا بسام جد إنسان حقـ###
جلسها ع الكرسي المنجد بحلة من الشامواه المقلم بلون البنفسج والأخضر الزيتي يكسر الغوامق هذي خيوط من السكري الناصع
ركع عندها وجلس ع نص ركبه
هذي أبوها كان يشتغل عندي وقبل لا يتوفي وصاني عليها
طبعا خليتها تشتغل في هالبيت ما في إلا هالحل ومن قبل لا يتوفى أبوها وأنا ما أرتاح لها
حذرتها كم مره والحين ع قولتهم كانت القشة اللي قسمت ظهر البعير
...وابتسم
حسيت بمشاعر داخلي غريبة كأنه حبي له زاد أضعاف وانكتب عشق بكتاب العشاق
الحاجز اللي كنت أحسه مبني بيني وبين بسام انهد
أحس الدنيا حلوه بعيني
اشتقت لكل شي حلو مر عليّ
ايطاليا,, ربى وميرا,, الجامعة وعبدالله
أهلي في ايطاليا وأمي
خاطري أحضنها وما أتركها أبد
سرحت بعيونه
بلمسته الرقيقة رفع ذقني
وبنفس الرقة همس
: مجنون يوم فكرت انحرم منك
نزلت عيوني بربكة
.................................!
يقول ستاندال [ إذا أحب رجل امرأة سقاها من كأس حنانه ]
نهاية الجزء السادس والثلاثون

بقلم المبدعه بائعه الؤرد


 

رد مع اقتباس
قديم 05-09-2012, 09:12 PM   #58
][.خيال الروح ـــ

[ وحشتني سواليفك ]



الصورة الرمزية ][.خيال الروح ـــ
][.خيال الروح ـــ غير متصل

بيانات اضافيه [ + ]
 رقم العضوية : 33
 تاريخ التسجيل :  Nov 2010
 أخر زيارة : 10-21-2014 (12:55 AM)
 المشاركات : 11,279 [ + ]
 التقييم :  279
 مزاجي
لوني المفضل : Darkcyan

اوسمتي

افتراضي رد: رواية خنقت الورد يايمه وبيدي إنكسر ذبلان كامله



تسلم يدينك عطوره
ويسلم قلبكــ رواايه تشد لساا مااقراتهااا
مبين عليهاا حماس من الصور والاجزاء لي باكـــ
ااكيد
لاهنتي والله


 

رد مع اقتباس
قديم 05-09-2012, 09:21 PM   #59


الصورة الرمزية تاج العذارى
تاج العذارى غير متصل

بيانات اضافيه [ + ]
 رقم العضوية : 95
 تاريخ التسجيل :  May 2011
 أخر زيارة : 07-07-2014 (08:13 PM)
 المشاركات : 21,890 [ + ]
 التقييم :  408
 مزاجي
 MMS ~
MMS ~
 SMS ~
عشقي له لا ينتهي
لوني المفضل : Hotpink
افتراضي رد: رواية خنقت الورد يايمه وبيدي إنكسر ذبلان كامله



يسلمو حبيبتي على الروايه


 
 توقيع : تاج العذارى

[flash1=http://im31.gulfup.com/v7GZU.swf]WIDTH=600 HEIGHT=300[/flash1]


رد مع اقتباس
قديم 05-09-2012, 10:15 PM   #60



الصورة الرمزية ατσян|♣
ατσян|♣ غير متصل

بيانات اضافيه [ + ]
 رقم العضوية : 78
 تاريخ التسجيل :  Apr 2011
 أخر زيارة : 07-18-2014 (07:59 AM)
 المشاركات : 12,606 [ + ]
 التقييم :  758
 مزاجي
 MMS ~
MMS ~
لوني المفضل : Cadetblue
افتراضي رد: رواية خنقت الورد يايمه وبيدي إنكسر ذبلان كامله



خيالؤؤ

الله يسلمكك

منوور

اهاتوو

الله يسلمكك

منورهه


 

رد مع اقتباس
إضافة رد

مواقع النشر (المفضلة)

الكلمات الدلالية (Tags)
الورد, ذبلان, يايمه, خنقت, رواية, إنكسر, وبيدي, كامله


الذين يشاهدون محتوى الموضوع الآن : 9 ( الأعضاء 0 والزوار 9)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG]متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
رواية صرت أعشق دموعي لإنها منك كامله ατσян|♣ قسم الرويات 26 10-02-2012 07:50 PM
رواية الخيميائي رواية ولا اروع.... دمعة الوحدة قسم الرويات 2 06-15-2012 02:52 PM
رواية رأفت الهجان كامله ατσян|♣ منتدى القصص والروايات 5 03-07-2012 12:42 PM


الساعة الآن 08:52 AM


Powered by vBulletin® Version 3.8.7
Copyright ©2000 - 2014~ Sto0ory.Com.Sa
Ads Management Version 3.0.1 by Saeed Al-Atwi

HêĽм √ 3.1 BY: ! ωαнαм ! © 2010
جميع ما يطرح في منتديات لبــ قلبكــ لا يعبر عن رأي الموقع وإنما يعبر عن رأي الكاتب
وإننــے أبرأ نفســے أنا صاحب الموقع أمامـ الله سبحانه وتعالــے من أــے تعارف بين الشاب والفتاة من خلال منتدى لب قلبكـ

a.d - i.s.s.w

اختصار الروابط